နှစ်သစ်ကူးမှ နှစ်ဟောင်းအတွေးများ

ဒီနေ့ ၂၀၁၀ ခုနှစ်၊ ဇန်န၀ါရီလ (၁) ရက်နေ့၊ ဂျပန်အချိန် မနက် (၄း၅၄) နာရီမှာ နှစ်သစ်ကူးနဲ့ ပတ်သက်တဲ့ အတွေးများ တွေးနေမိပါတယ်...

မနှစ်ကတော့ ဒီအချိန် အိုဆာကာမှာ လည်လို့ပတ်လို့၊ ပျော်လို့ကောင်းတုန်းပေါ့။ ဂျပန်ရောက်ခါစလည်းဖြစ်လို့ မနှစ်က ဒီလိုအချိန်မှာ သူငယ်ချင်းများနဲ့ ဟီရိုရှီးမားသွား၊ အပြန်မှာ အိုဆာကာ ၀င်ပြီး၊ နှစ်သစ်ကူးခဲ့ပါတယ်။ နှစ်သစ်ကူးအတွေးများ တွေးချိန်မရှိအောင်ကိုပဲ အသစ်အဆန်းများ၊ လေ့လာစရာများနဲ့ အချိန်ကုန်သွားခဲ့တယ်လို့ မှတ်မိပါတယ်။ ဒီနှစ်မှာတော့ ခရစ်စမတ်မတိုင်ခင် ၂၃ ရက်နေ့လောက်က စလို့ မထင်မှတ်ပဲ သွားလာစရာ ပွဲများဆက်သွားတာ တစ်ပတ်ခန့် ဖြစ်သွားလို့ နှစ်သစ်ကူးမှာ ဘာအစီအစဉ်မှ လုပ်မထား၊ သူငယ်ချင်းများ ခေါ်တဲ့ပွဲများကို မသွားဘဲ အိမ်မှာပဲ နေမယ်လို့ ဆုံးဖြတ်ခဲ့ပါတယ်။

ထုံးစံအတိုင်း နှစ်သစ်တစ်ခုကို ကူးပြောင်းရင် မိတ်ဆွေသူငယ်ချင်းအချို့ကတော့ နှစ်သစ်ကူးရည်မှန်းချက် (New Year Resolutions) များ ချမှတ်လေ့ရှိကြတာ ကြားဖူးပါတယ်။ ကိုယ်တိုင်တော့ တစ်ခါမှ New Year Resolutions ရယ်လို့ ချမှတ်ပြီး လုပ်ခဲ့တာ အခုအရွယ်အထိ မရှိသေးပါဘူး။

တိုက်ဆိုင်လို့ လုပ်ငန်းခွင်ထဲက ကျွန်တော်လေးစားရသော ဆရာသမားနဲ့လွန်ခဲ့သော ၂၀၀၇ ခုနှစ်လောက်က စကားပြောခဲ့တာ ပြန်အမှတ်ရပါတယ်။ ဆရာသမားက သူငယ်စဉ်ကတည်းက အမြဲတမ်း စည်းစနစ်၊ ရည်ရွယ်ချက်လေးနဲ့ လုပ်လေ့ရှိကြောင်း၊ ဥပမာ ဒီနှစ်မှာ စာအုပ် ဘယ်နှစ်အုပ် ကုန်အောင်ဖတ်မယ်၊ ဘာလုပ်မယ် စသည်ကို ရည်ရွယ်ဆုံးဖြတ်ထားပြီး၊ ပြီးမြောက်အောင်မြင်အောင် လုပ်ဆောင်လေ့ရှိကြောင်း၊ အသက်ဘယ်အရွယ်မှာ ဘယ်လိုလုပ်ငန်းစဉ်တွေ ပြီးပြတ်နေရမယ် စသဖြင့်လည်း သူအမြဲစဉ်းစား ကြိုးစားလုပ်လေ့ရှိကြောင်း ရှင်းပြဖူးပါတယ်။ သူဖြတ်သန်းခဲ့တဲ့ ဘ၀ခရီး၊ လက်ရှိအခြေအနေမှာ ရရှိထမ်းဆောင်နေတဲ့ တာဝန်နဲ့ အရည်အချင်းများကြောင့် သူဒီလို အရည်အချင်းရှိပြီး၊ အောင်မြင်တာဟာ ဒီလို well-planned ထား လုပ်ခဲ့တာကြောင့်လို့ ကျွန်တော် ထင်မြင်သုံးသပ်ပါတယ်။

ဒါကြောင့် ကျွန်တော့်ကိုယ် ကျွန်တော်လည်း ဒီလို စည်းစနစ်၊ ရည်မှန်းချက်လေးထားပြီး၊ အောင်မြင်ပြီးမြောက်အောင် လုပ်ဖို့ ရည်ရွယ်ထားပေမယ့်လည်း၊ လက်တွေ့မှာတော့ အခုအချိန်အထိ တိတိကျကျ တစ်ခုခုကို ဆုံးဖြစ်ချက်ချမှတ်ပြီး၊ လုပ်တာမျိုး မရှိသေးပါဘူး။ တတ်နိုင်သမျှ အကောင်းဆုံး ကြိုးစားမယ် ဆိုတာလောက်ပါပဲ။ ဘ၀ဆိုတာကလည်း တစ်ခါတစ်လေ ကိုယ်ရည်မှန်းလုပ်တဲ့ အတိုင်းလည်း ဖြစ်ချင်မှ ဖြစ်တတ်တာကိုး။

၂၀၁၀ ခုနှစ်ထဲမှာ အသက်က ၃၀ ကျော် ၃၁ နှစ် ပြည့်တော့မှာပါ။ စိတ်ကတော့ ကိုယ့်ကိုယ်ကို လူငယ်ပဲလို့ ထင်နေပေမယ့် လူငယ်ဘ၀ ကုန်ဆုံးလို့ လူလတ်ပိုင်းထဲကို သိသိသာသာ ၀င်ရောက်နေပါပြီ။

ဂျပန်နိုင်ငံ၊ ပညာရေးနဲ့ ဆက်စပ်ပြီးပြောရရင် အခုဆိုရင် ဘာလိုလိုနဲ့ ဂျပန်ရောက်တာ တစ်နှစ်ခွဲလောက် ရှိသွားပါပြီ။ ရောက်စ Orientation များနဲ့ ဘာသာစကားအတွက် (၃) လ၊ မဟာဘွဲ့ သုတေသန ကျောင်းသားဘ၀ နဲ့ (၆) လ၊ မဟာဘွဲ့ ပထမနှစ်ကျောင်းသား (ပထမနှစ်ဝက်) (၆) လ တို့ကိုဖြတ်ကျော်ပြီး၊ အခု (ဒုတိယနှစ်ဝက်) အလယ် ကိုရောက်နေပါပြီ။ ဒီတစ်နှစ်ခွဲလောက် ကာလဟာ အတော်မြန်မြန်ပဲ ကုန်သွားခဲ့တယ်လို့ထင်ပါတယ်။

ကုန်သွားတဲ့အချိန်တွေနဲ့ပတ်သက်ပြီး စဉ်းစားကြည့်ရင် အချည်းနှီး မဖြစ်ခဲ့ပေမယ့် စိတ်ထဲမှာ ကိုယ့်ကိုယ်ကိုလည်း အပြည့်အ၀တော့ မကျေနပ်ပါဘူး။ ငါကြိုးစားဖို့လိုသေးတယ်၊ ပိုပြီးကြိုးစားရဦးမယ်ဆိုတဲ့ စိတ်ကရှိနေဆဲပါ။ အင်း... ရယ်စရာ ပြောရရင်တော့ အတန်းအတူတက် သူငယ်ချင်းများနဲ့ ယှဉ်ရင်တော့ ဘာသာရပ်ယူတာ အပါအ၀င် အစစ သူများထက် နှစ်ဆလောက် အားထုတ်ခဲ့ပါတယ်။ အခုပြန်သုံးသပ် ကြည့်ရင် ကောင်းတာ၊ ဆိုးတာ စတဲ့ အတွေ့အကြုံတွေ အများကြီးရပါတယ်။

ဒေသန္တရ အတွေ့အကြုံနဲ့ပတ်သတ်ပြီး ပြောရင်တော့ အတိုင်းအတာ တစ်ခုအထိတော့ ဂျပန်ပြည်ကြီးကို နှံ့ခဲ့ပြီလို့ဆိုရမှာပါပဲ။

ကျွန်တော်နေတဲ့ နာဂိုယာ ကနေ စဉ်းစားရင် အထက်ပိုင်းက ဖူဂျီတောင်၊ တိုကျို၊ ယိုကိုဟားမား၊ ဆုကုဘား၊ အောက်ပိုင်းမှာ ကျိုတို၊ နာရာ၊ အိုဆာကာ၊ ကိုဘေး၊ ဟီရိုရှီးမား၊ အောက်ပိုင်းအစွန်ဆုံး ကာဂိုရှီးမား အထိ ရောက်ပြီးသွားပါပြီ။ တိုကျို နဲ့ အိုဆာကာ ဆိုရင် ရောက်တဲ့အကြိမ်အရေအတွက်က အတော်များနေပြီး၊ ကိုယ်နေတဲ့မြို့ထက်တောင် သွားလာရမယ့် နေရာတွေကို ပိုမှတ်မိနေတယ်လို့ဆိုရမှာပါပဲ။ တခြားမြို့ငယ်လေးတွေကို နေ့ချင်းပြန် ခရီးတိုလေးတွေ သွားတာပါ ထည့်တွက်ရင် ကိုယ့်မြန်မာပြည်ထက်တောင် ပိုနှံ့နေတယ်လို ဆိုရမလားပဲ။

ကိုယ့်နိုင်ငံမှာက အလုပ်တစ်ဖက်နဲ့မို့ ပြည်တွင်းခရီးထွက်ဖို့ဆိုတာ အိမ်မက်လိုပါပဲ။ မကြာခင်လာမယ့် ကျောင်းပိတ်ရက်များမှာ သွားဖြစ်လို့ အမေရိကန်အခြေစိုက်စစ်စခန်းရှိတဲ့ အိုကီနာဝါ (သို့) အထက်ပိုင်းက အလွန်အေးတဲ့ ဟော့ကိုင်းဒိုး ရောက်ဖြစ်မယ်ဆိုရင်တော့လည်း အတော်ပျော်စရာကောင်းပြီး၊ ဗဟုသုတရမယ် ထင်ပါတယ်။

မိတ်ဆွေ သူငယ်ချင်း အပေါင်းအသင်းများနဲ့ ပတ်သက်ရင်လည်း အပေါ်ယံသာမက တစ်ကယ့်ကို ခင်ခင်မင်မင်ပေါင်းလို့ရတဲ့၊ ဂျပန်သူငယ်ချင်းတွေ အပါအ၀င် နိုင်ငံတကာသူငယ်ချင်းတွေ တိုးပွားလာလို့ ၀မ်းသာ ပျော်ရွှင်မိပါတယ်။ သူတို့တွေနဲ့ အခုအချိန်ကစလို့ နောက်နောင်ရေရှည်မှာ ပြန်တွေ့ဖို့၊ လက်တွဲလုပ်ကိုင်နိုင်ဖို့လည်း မျှော်လင့်လျက်ပါပဲ။

ဒါတွေကတော့ နှစ်သစ်ကူးမှာ ပြန်ပြောင်းစဉ်းစားမိတဲ့ နှစ်ဟောင်းအတွေးများ ပါပဲ။ နှစ်သစ်ကူး ရည်မှန်းချက်များကိုတော့ နောက်ပို့စ်များမှာ ဆက်စဉ်းစားကြတာပေါ့ဗျာ။

အကဲဖြတ် သတ်မှတ်ချက် တစ်ခု (သို့) Grading

ဒီနေ့မမျှော်လင့်ဘဲ ပြီးခဲ့တဲ့ ဧပြီလကနေ အခု စက်တင်ဘာလ အစပိုင်းအထိ ရွေးချယ်တက်ရောက်ခဲ့တဲ့ First Term ဘာသာရပ်တွေ ထဲက ဘာသာအချို့ရဲ့ Grade တွေကို သိရပါတယ်။

မသိခင်က သိချင်သလောက် သိရတော့လည်း သိပ်ပြီးအထူးအဆန်းကြီး မခံစားရတော့ပါဘူး။ သိသိချင်းတော့ အမှန်အတိုင်း ပြောရရင် အနည်းငယ် စိတ်လှုပ်ရှားမိတာပေါ့ဗျာ။ သိရတဲ့ (၇) ဘာသာ ထဲမှာ (၆) ဘာသာစလုံး (A) ရပါတယ်။ ကျန်တဲ့ တစ်ဘာသာက အသွင်ထူးခြားပါတယ်။ အဲဒီဘာသာမှာ ကိုယ်ပဲ ဆရာ၊ ကိုယ်ပဲ တပည့် လုပ်ရပါတယ်။ ဒါ့ကြောင့် Grade သတ်မှတ်ပေးတာမျိုး မရှိဘဲ၊ ကျောင်းသားအားလုံးကို Pass သာပေးပါတယ်။ ဒီဘာသာအကြောင်း တော့ နောက်ရေးတာပေါ့ဗျာ။

ကြုံတုန်း ကျွန်တော်တို့ကျောင်းရဲ့ Grade သတ်မှတ်ချက်လေး ပြောပြချင်ပါတယ်။ နှိုင်းယှဉ်ကြည့်လို့ ရအောင်ပါ။ A=excellent, B=good, C=Pass, D=fail, Pass=Grade not applicable လို့ ဆိုပါတယ်။ (A+) တွေ ဘာတွေတော့ ယေဘုယျအားဖြင့် မရှိဘူးပေါ့ဗျာ။

ဒါပေမယ့်လည်း တက္ကသိုလ်ရဲ့ ဌာနခွဲအလိုက် နဲ့ သင်တန်းအစီအစဉ်အရတော့ အနည်းငယ်ကွဲပြားမှု ရှိပါတယ်။ (ဌာနခွဲလို့ဆိုတာက ဥပမာ - ဥပဒေပညာဌာန၊ စီးပွားရေးပညာဌာန နဲ့ အပြည်ပြည်ဆိုင်ရာဖွံ့ဖြိုးတိုးတက်မှုပညာဌာန စတာကို ဆိုလိုပြီး၊ သင်တန်း အစီအစဉ်ဆိုတာက ပုံမှန် မဟာဘွဲ့ သင်တန်း၊ အချိန်တို (တစ်နှစ်) short-term student exchange programme စသည်တို့ကို အကြမ်းဖျင်း ဆိုလိုပါတယ်။)

ဂျပန်နိုင်ငံက ဘွဲ့လွန်သင်တန်းတွေမှာ ဘာသာရပ်တစ်ခုကို credit ၂ ခု ပေးပြီး၊ credit ၂ ခုအတွက် တစ်ချိန် မိနစ် (၉၀) ကြာ အတန်း (၁၅) တန်း တက်ရပါတယ်။ Intensive Course တွေဆိုရင်လည်း သုံး၊လေး ရက်ဆက်တိုက်မှာ မိနစ်(၉၀) x (၁၅) ချိန် ပြည့်အောင် သင်ပါတယ်။ အတော်ပင်ပန်းတယ်လို့ ပြောရမှာပါပဲ။ ပါမောက္ခတစ်ယောက်ကတော့ အမေရိကန်မှာ တစ်ချိန်ကို မိနစ် (၆၀) သာ သင်လေ့ရှိကြောင်း နဲ့ ဂျပန်မှာ တစ်ချိန်ကို မိနစ် (၉၀) သင်တာ လွန်ကြောင်း၊ ကျောင်းသားများ မိနစ် (၉၀) လုံး အာရုံစိုက်နိုင်စွမ်း မရှိကြောင်း ပြောပြပါတယ်။

Grading နဲ့ပတ်သက်လို့ ကျွန်တော်ယူတဲ့ အပြည်ပြည်ဆိုင်ရာ ဖွံ့ဖြိုးတိုးတက်မှု ဌာနက အပြည်ပြည်ဆိုင်ရာ ဖွံ့ဖြိုးတိုးတက်မှု ဘာသာရပ်နဲ့ ဆက်စပ်ပြီး အသေးစိတ်ရှင်းပြရရင်၊ Grade ကို A=80 or more, B=79-70,C=69-60, F=below 60 လို့ သတ်မှတ်ပါတယ်။

နောက် Grading Policy က Attendance တစ်ချိန်အတွက် ၂ မှတ်၊ အကြောင်းအရာ (topic) (၁၁) ခုအတွက် စာတမ်းငယ် (နှစ်မျက်နှာခန့်) ၁၁ ခု အပတ်စဉ် တင်ရပြီး၊ တစ်ခုအတွက် ၅ မှတ်၊ စာတမ်း ကောင်းရင် ထူးချွန်မှတ် ၂ မှတ် ပိုရပြီး၊ ညံ့ရင် သို့မဟုတ် Plagiarism တွေ့ရင် ၂ မှတ် အနှုတ်ခံရပါတယ်။ (အဲဒီဘာသာတက်တုန်းက အထူးပိတ်ရက်များကြောင့် ၁၅ ချိန်အစား ၁၃ ချိန် တက်ရပြီး၊ Intro အချိန်မပါ၊ ၁၂ ချိန်အတွက် အတန်းမှန်မှန်တက်ရင် တစ်ချိန် ၂ မှတ်နဲ့ (၂၄) မှတ်၊ အဆင့်မီ စာတမ်း (၁၁) ခုအတွက် တစ်ခု ၅ မှတ် နဲ့ (၅၅) မှတ်၊ စုစုပေါင်း (၇၉) မှတ်နဲ့ (B) ရမှာ ဖြစ်ပါတယ်။ အဲဒီတော့ အတန်းမှန်မှန်တက်၊ Paper (၁၁) ခုတင်၊ အနည်းဆုံး Paper (၁) ခုမှာ ထူးချွန်မှတ် ရပါမှ (A) ရမှာ ဖြစ်ပါတယ်။ နောက်ပြီး Paper ကို အပတ်စဉ် နောက်တစ်တန်း မစခင်မှာ တင်ရပါတယ်။ နောက်ကျရင် အမှတ်လျော့ပါတယ်။

ကျွန်တော့်အတွေ့အကြုံပြောရရင် တစ်ရက်တော့ ကျွန်တော် စာတွေများတာကြောင့် Paper အချိန်မီ မတင်နိုင်ဘူး ဖြစ်သွားပါတယ်။ နေ့လည် (၁) နာရီ တင်ရမယ့် စာကို အဲဒီနေ့ည (၉) နာရီလောက်မှ တင်နိုင်ပါတယ်။ အဲဒီအတွက် ကျွန်တော် (၂) မှတ်လျော့ခံရတယ်လို့ သိရပါတယ်။ ကျွန်တော့်မှာ အတန်းပုံမှန်တက်၊ Paper အကုန်တင်ရဲ့သားနဲ့ (Paper တစ်ခု နောက်ကျတာကြောင့်) အလိုလိုကို (၇၇) မှတ် ဖြစ်သွားပါတယ်။ ဒါကြောင့် (A) လိုချင်လို့ ကျန်တဲ့ Paper များမှာ ထူးချွန်အမှတ်ရအောင် အတော်ကို ကြိုးစားရပါတယ်။ အခု Grade သိရတော့ အဲဒီဘာသာမှာ (A) ရလို့ အတော်ကို ပျော်ပါတယ်။

ပြီးခဲ့တဲ့ First Term (Spring Term) ပတ်သက်ပြီး ပြန်သုံးသပ်ရရင် တွေးစရာတွေ အများကြီးပါပဲ။ တစ်အချက်က တက်ခဲ့တဲ့အတန်း တွေမှာ ခက်ခဲပင်ပန်းတဲ့ အတန်းတွေ ပါသလို သာမန်လောက်ပဲ ကြိုးစားအားထုတ်ရတဲ့ အတန်းတွေလည်း ရှိခဲ့ပါတယ်။ တစ်ချို့အတန်းဆို ခက်လွန်းလို့ အတော်ကို စိတ်ဓါတ်မကျအောင် ကြိုးစားခဲ့ရပါတယ်။ နောက်တစ်ခုက ဇွဲ အရေးကြီးတယ်လို့ ထင်ပါတယ်။ ခက်လွန်းလို့ ဒီဘာသာကို ဖြုတ်လိုက်တော့မယ်လို့ အခါခါစဉ်းစားပြီး အားတင်းဆက်တက်ခဲ့လို့ နောက်ပိုင်း ထင်သလောက် မခက်တော့တာ၊ ကိုယ် အများကြီး improve ဖြစ်လာတာ စသဖြင့်ပေါ့ဗျာ။

နှစ်အချက်က Grading နဲ့ပတ်သက်လို့တော့ ဂျပန်နိုင်ငံရဲ့ အချို့သော ပါမောက္ခများရဲ့ အကဲဖြတ်ချက်ကိုတော့ ပွင့်ပွင့်လင်းလင်း ပြောရရင် သိပ်ဘ၀င်မကျပါဘူး။ အချို့သောဘာသာရပ်များမှာ၊ အချို့သော ပါမောက္ခများက စည်းကမ်းတိကျ တင်းကျပ်ပေမယ့် အချို့က flexible ဖြစ်တယ်လို့ ထင်ပါတယ်။ ဘာသာရပ်တစ်ခု၊ နှစ်ခုမှာ အားလုံးနီးပါး (A) ရကြတယ်လို့ ထင်ပါတယ်။ ကိုယ်အပါအ၀င် အားလုံး (A) လိုချင်တာ မှန်ပေမယ့်၊ တစ်ဦးချင်းစီရဲ့ အားထုတ်မှုချင်း မတူတာ၊ အတန်းထဲမှာတင် ကိုယ့်အချင်းချင်း သိကြ၊ အတိုင်းအတာ တစ်ခုအထိ အကဲဖြတ်နိုင်တာမို့ အားလုံးသာ (A) ရကြရင် တကယ်ကြိုးစားသူအတွက် နစ်နာပါတယ်။ သိပ်မကြိုးစားသူကလည်း ငါပေါ့ပေါ့လုပ်လည်း အဆင့်ကောင်းမှာပဲလို့ မှတ်ယူသွားရင်၊ တစ်ဦးချင်းစီသာမကာ ရေရှည် ဂျပန်နိုင်ငံရဲ့ ပညာရေးအဆင့်အတန်းပါ ကျဆင်းသွားနိုင်တယ်လို့ ယူဆပါတယ်။

ဘာပဲဖြစ်ဖြစ်၊ Grade A, B ဆိုတာ အကဲဖြတ် သတ်မှတ်ချက်တစ်ခုသာ ဖြစ်ပြီး၊ ဘာသာရပ်တစ်ခု အပေါ်မှာ ကိုယ်ဘယ်လောက် တတ်ကျွမ်းသွားသလဲ၊ တစ်ကယ်ပဲ မှတ်ကျောက်တင်ခံနိုင်ပြီလား ဆိုတာက A, B ထက် ပိုပြီး တန်ဖိုးရှိမယ်လို့ ထင်ပါတယ်ဗျာ။

ကဲ နောက်ပိုစ့်များမှာမှပဲ ဂျပန်နိုင်ငံက ခက်တဲ့ဘာသာ၊ လွယ်တဲ့ဘာသာ သင်ပုံသင်နည်း ဆက်စဉ်းစားကြတာပေါ့ဗျာ။ ကျွန်တော့်အနေနဲ့ကတော့ အခုသိရတဲ့ ဘာသာအချို့ အဆင့်ကောင်းခဲ့တာကြောင့် နောက်ထပ်ယူမယ့် ဘာသာတွေအတွက် ပိုကြိုးစားစေဖို့ motivation ရတာတော့ အမှန်ပါပဲ။

(ဖြည့်စွက်ချက်။ ဒီပို့စ်နဲ့ ပတ်သက်ပြီး တုံ့ပြန်မှု အတော်များများ ရခဲ့ပါတယ်။ ဖတ်ရှုသူအချို့က ကျွန်တော့်ကို ကိုယ့်ကိုယ်ကို ကိုယ်ရည်သွေးတယ်လို့ ထင်မှတ်မှားကြတယ် ထင်ပါရဲ့။ အမည်မဖော်ဘဲ လာလာ မေတ္တာပို့ကြလို့ C-Box ကို ပိတ်ခဲ့ပါတယ်။ ဒါကြောင့် ဒီပို့စ်ကို ဖျက်ပစ်ရင် ကောင်းမလားလို့ အကြိမ်ကြိမ် စဉ်းစားမိခဲ့ပါတယ်။ ဒါပေမယ့် သေသေချာချာ ဖတ်မိကြမယ်ဆိုရင်တော့၊ ကျွန်တော့်ရဲ့ ဆိုလိုရင်း နဲ့ ကိုယ်ပိုင် ထင်မြင်ချက်ကို နားလည်သဘောပေါက်မယ် ထင်လို့ ဒီပို့စ်ကို မဖျက်တော့ပါ။ ဒါပေမယ့် နောက်နောင် ပို့စ်များ ရေးသားရာမှာ ဆင်ခြင်ဖို့ သင်ခန်းစာတစ်ခုတော့ ထပ်ရခဲ့ပါတယ်။)

ရှင်ကျန်း (Xinjiang) ဒေသ ပဋိပက္ခ

ကျွန်တော်တို့တွေ တရုတ်နိုင်ငံ (တရုတ်ပြည်သူ့သမ္မတနိုင်ငံ) နဲ့ပတ်သက်တဲ့ ပဋိပက္ခတွေ အကြောင်းကို စဉ်းစားရင် တိဘက်နဲ့ ဘုန်းတော်ကြီး Dalai Lama ကိုတော့ သွားမြင်ကြမယ် ထင်ပါတယ်။

ဒါပေမယ့် လူသိနည်းနေပြီး အခုတစ်လော မကြာခဏ ပြဿနာတက်နေတဲ့၊ သတိထားစောင့်ကြည့်သင့်တဲ့ အခြားပြဿနာတစ်ခု တရုတ်နိုင်ငံမှာ ရှိနေပါသေးတယ်။ အဲဒါကတော့ တရုတ်နိုင်ငံ အနောက်ပိုင်းဒေသ၊ ရှင်ကျန်း (Xinjiang) ဒေသမှာ ဖြစ်ပေါ်နေတဲ့ ဟန်တရုတ် (Han Chinese) လူမျိုးစု နဲ့ မူဆလင် ၀ီဂါ (Uighurs) လူမျိုးစု အကြားက ပြဿနာပါပဲ။

ရှင်ကျန်းဒေသ

ရှင်ကျန်းဒေသနဲ့ပတ်သက်ပြီး လေ့လာကြည့်ရင် ၄င်းဒေသကို ကိုယ်ပိုင်အုပ်ချုပ်ခွင့်ရဒေသလို့ ပြောပေမယ့်လည်း၊ တကယ့်လက်တွေ့ မှာ ဘေကျင်းက တင်းတင်းကျပ်ကျပ် ချုပ်ကိုင်ထားပါတယ်။ ဒီဒေသဟာ တရုတ်နိုင်ငံအတွက် အရေးပါတဲ့ဒေသ ဖြစ်တယ်လို့လည်း ဆိုပါတယ်။

အဓိကအကြောင်းရင်းတွေကတော့ အိမ်နီးချင်းနိုင်ငံများရဲ့ မဟာဗျူဟာကျတဲ့ နေရာမှာရှိတာရယ်၊ တရုတ်နိုင်ငံရဲ့ အကြီးဆုံးသော ရေနံနဲ့သဘာဝဓါတ်ငွေ့သိုက် တည်ရှိရာနေရာ ဖြစ်တာရယ်ကြောင့်လို့ ဆိုပါတယ်။ နောက်တစ်ချက်က တရုတ်အစိုးရဟာ ရှင်ကျန်းဒေသကို ၄င်းတို့ရဲ့ နျူကလီးယားလက်နက် စမ်းသပ်ရာ အဓိကနေရာအဖြစ်လည်း ရွေးချယ်ထားပါတယ်။

ဝီဂါ (Uighurs)

ဝီဂါလူမျိုးစုတွေဟာ လူမျိုးစုအရကော၊ ယဉ်ကျေးမှုအရပါ အစ္စလာမ်ဘာသာကို ကိုးကွယ်တဲ့ တူရကီနွယ်ဖွား (Turkic people) တွေပါ။ ၄င်းတို့တွေဟာ ယခုနှစ်များအတွင်း တရုတ်နိုင်ငံကနေ ခွဲထွက်ရေးလုပ်ငန်းများ လုပ်ဆောင်နေကြောင်း စွပ်စွဲခြင်း ခံနေရသူများလည်း ဖြစ်ပါတယ်။ တရုတ်အစိုးရဘက်ကတော့ ၀ီဂါခွဲထွက်ရေးသမားတွေဟာ al-Qaeda အဖွဲ့နဲ့အဆက်အသွယ်ရှိတဲ့ အကြမ်းဖက်သူတွေ (terrorists) လို့ အစဉ်တစိုက် ၀ါဒဖြန့်နေပါတယ်။ ဒါပေမယ့် ဒီပြောဆိုချက်တွေ အပေါ်မှာ သက်သေအခိုင်အမာတော့ မပြနိုင်ဘူး ဖြစ်နေပါတယ်။

ဒါပေမယ့် ရှင်ကျန်းဒေသဟာ နိုင်ငံတကာရဲ့ အာရုံစိုက်မှု နဲ့ ထောက်ခံမှုကို တိဘက်ဒေသလောက် မရပါဘူး။ ဘာကြောင့်လည်းဆိုတာ စဉ်းစားကြည့်ရင် စိတ်ဝင်စားစရာ အချက်လေးတွေ သွားတွေ့ရပါတယ်။

သုံးသပ်သူများရဲ့ အဆိုအရ၊ ၀ီဂါလူမျိုးစုတွေမှာ တိဘက်လို ထင်ရှားတဲ့ခေါင်းဆောင် (charismatic leader) မရှိတာရယ်၊ နောက်တစ်ခုကတော့ တရုတ်အစိုးရရဲ့ အကြမ်းဖက်သူတွေလို့ တစိုက်မတ်မတ် ၀ါဒဖြန့်ချီမှုကြောင့်ရယ်လို့ကြောင့် ဆိုပါတယ်။

တူရကီ၊ အင်ဒိုနီးရှား အပါအ၀င် မူဆလင်နိုင်ငံအချို့ နဲ့ မူဆလင်အဖွဲ့အစည်း အချို့ကလွဲရင် ကမ္ဘာမှာ ဒီကိစ္စကို သိပ်ပြီး ကျယ်ကျယ်လောင်လောင် မပြောကြပါဘူး။ အမေရိကန်၊ ဥရောပသမဂ္ဂ တို့လည်း ငြိမ်နေကြပါတယ်။ ဥရောပသမဂ္ဂကဆိုရင် ရှင်ကျန်းဒေသ အရေးဟာ တရုတ်နိုင်ငံအရေးဖြစ်လို့ ၄င်းတို့ ၀င်ရောက် မစွက်ဖက်လိုကြောင်း ပြောပါတယ်။ ဒါဟာ တစ်နည်းအားဖြင့် တရုတ်နိုင်ငံရဲ့ နိုင်ငံတကာရေးရာမှာ စီးပွားရေးအပါအ၀င် အင်အားကြီးလာတဲ့ အခြေအနေကို ပြတယ်လို့ သုံးသပ်နိုင်ပါတယ်။

နောက်တစ်ချက်က စီးပွားရေးကျဆင်းလာတဲ့ အင်အားကြီးနိုင်ငံတွေ နဲ့ နိုင်ငံတကာအသိုင်းအ၀ိုင်းက တရုတ်ကို သူတို့ရဲ့ အရေးပါတဲ့ မိတ်ဖက်နိုင်ငံလို့ ရှုမြင်ပြီး၊ အရာရာတိုင်းမှာ စိတ်အနှောက်အယှက် မပေးချင်ဘူးလို့ ဆိုနိုင်ပါတယ်။

တကယ်တော့ ၀ီဂါမူဆလင်တွေဟာ တရုတ်အစိုးရရဲ့ ကန့်သတ်ချုပ်ချယ်မှုများစွာ အောက်မှာ ရှင်သန်လှုပ်ရှားနေရတာပါ။ သူ့တို့ နိုင်ငံခြားခရီးသွားလာခွင့်၊ ဘာသာစကား သင်ကြားခွင့်တွေမှာလည်း ကန့်သတ်ခံနေရပါတယ်။

ဟန်တရုတ် လူမျိုးစုတွေ (တိဘက်ဒေသမှာလိုပဲ) ထိုးဖောက်နေရာယူလာတာမို့ သူတို့ရဲ့ ယဉ်ကျေးမှုကိုလည်း ချိန်းခြောက်မှု ခံနေရတယ်လို့လည်း ဆိုပါတယ်။ ဟန်တရုတ်တွေရဲ့ ခွဲခြားဆက်ဆံမှုတွေ၊ အလုပ်အကိုင် နေရာကောင်းတွေမှာ လွှမ်းမိုးချုပ်ကိုင်ထားတာတွေကြောင့် မညီမျှမှုတွေကို ခါးသီးစွာ ခံနေရတာကိုလည်း လေ့လာသိနိုင်ပါတယ်။

အဲဒီတော့ ရှေ့ဆက် ဘာဖြစ်လာနိုင်သလဲ...။

တရုတ်အာဏာပိုင်များ အနေနဲ့ကတော့ ရှင်ကျန်းဒေသရဲ့ မဟာဗျူဟာကျပြီး၊ အရေးပါတဲ့ အနေအထားများကြောင့် မူဆလင်ဝီဂါတွေရဲ့ ခွဲထွက်ရေးလုပ်ဆောင်မှုတွေ၊ အကြမ်းဖက်လုပ်ဆောင်မှု တွေကို သည်းခံမှာ မဟုတ်ဘဲ၊ ဒေသတွင်း တည်ငြိမ်မှုရအောင် နည်းမျိုးစုံနဲ့ လုပ်ဆောင်သွားမှာပါပဲ။

နိုင်ငံတကာရဲ့ ထိရောက်တဲ့ စစ်ရေးအပါအ၀င် ၀င်ရောက်စွက်ဖက်မှုများ (intervention) ကိုတော့ တွေ့နိုင်ဖို့ အခွင့်အလမ်း နည်းပါးတယ်လို့ ထင်ပါတယ်။ ဆက်လက်ပြီး ပဋိပက္ခတွေ မဖြစ်ပွားစေဖို့ ၀ီဂါတွေအပေါ် ဟန်တရုတ်တွေနဲ့တန်းတူ သာတူညီမျှ စီးပွားရေးအခွင့်အလမ်းတွေ၊ လွပ်လပ်မှုတွေ ပေးသွားမှာလား ဆိုတာကိုတော့ စောင့်ကြည့်ဖို့လိုပါလိမ့်မယ်။

မှတ်ချက်။ (ရှင်ကျန်း၊ ၀ီဂါ စတဲ့ မြန်မာစာလုံးပေါင်းကို သတင်းနားထောင်ပြီး သတင်းကြေငြာသူတွေရဲ့ အသံထွက်အတိုင်း ရေးထားတာဖြစ်လို့ ကွဲလွဲမှုများ ဖြစ်နိုင်ပါတယ်။ အသံထွက်အမှန်အတွက် နိုင်ငံတကာသတင်းများနဲ့ နှိုင်းယှဉ်ကြည့်စေချင်ပါတယ်။)

(ဒီပို့စ်ရေးရာမှာ Aljazeera.net “China dismisses Xinjiang officials” September 5th, 2009၊ Aljazeera.net “Q&A; China’s restive Uighurs by Joe Havely” July 9th, 2009 နဲ့ Time “Spotlight: China’s Ethnic Riots” July 20th, 2009 တို့ကိုလည်း ကိုးကားပါတယ်။)

ပညာရေး တွေးဆစရာ

ပညာရေးနဲ့ပတ်သက်ပြီး ကျွန်တော်ဖြတ်သန်းခဲ့ရတဲ့ ဘ၀ခရီးကို မကြာခဏဆိုသလို ပြန်လည်စဉ်းစားမိပါတယ်။

ဘာကြောင့်လဲဆိုတော့ ကမ္ဘာ့အဆင့်မီ ပညာတတ်တစ်ယောက် ဖြစ်ချင်ခဲ့၊ ဖြစ်ချင်နေတာကိုး။ ငယ်စဉ်ကတည်းက စာဖတ်ဝါသနာပါလို့ ဦးလေးတစ်ယောက်က ပရော်ဖက်ဆာကြီးလို့ ခေါ်ရင်လည်း သဘောကျမိတာပါပဲ။

ဒါပေမယ့် ပညာရေးမှာ အချို့သော သူငယ်ချင်းများလို ကံသိပ်မကောင်းခဲ့ပါဘူး။ ခေတ်၊ စနစ်တွေကို အပြစ်တင်ပြီး မကြိုးစားရင် ကိုယ်ပဲနောက်ကျကျန်ခဲ့မှာမို့၊ ဒါတွေကို ချဲ့ထွင် မပြောချင်ပေမယ့်၊ အဆင့်အတန်းမီ ပညာရေးစနစ် နယ်ပယ်မှာ ကျင်လည်ချင်တာကတော့ အမှန်ပါပဲ။

ဒါပေမယ့်လည်း အမှန်တကယ် ပြောရရင် ဘ၀မှာ ကြိုးစားချင်စိတ် ပေါ်လာပြီး၊ အတိုင်းအတာ တစ်ခုအထိ ကြိုးစားခဲ့တာ (၁၀) တန်းအောင်ပြီး လောက်မှပါ။ (၁၀) တန်းအောင်ပြီးမှ ဘ၀ နဲ့ ပညာရေးကို ပိုတန်ဖိုးထားတတ်လာတယ် ဆိုပါတော့။

ကျွန်တော် ၁၉၉၆ မှာ (၁၀) တန်းအောင်တော့လည်း သာမန်အဆင့်လောက်နဲ့ပါပဲ။ ရှားရှားပါးပါး မြန်မာစာဂုဏ်ထူး ထွက်ပါတယ်။ သိပ္ပံဘာသာတွဲကို (၇၂) မှတ်နဲ့ ဂုဏ်ထူး ကပ်ပြုတ်ပါတယ်။ ကျန်တဲ့ဘာသာတွေကတော့ သာမန်အမှတ်လောက်ပါပဲ။

(၁၀) တန်းအောင်ပြီး ၁၉၉၇ ခုနှစ်ဝန်းကျင် သူငယ်ချင်းအများစု နိုင်ငံရပ်ခြားမှာ ကျောင်းသွားတတ်ဖို့ အသီးသီး မြန်မာပြည်က ထွက်သွားကြတော့၊ ကိုယ့်ဘ၀အတွက် စပြီးတော့ အလေးအနက် တွေးမိလာပါတယ်။ ဘ၀ရှေ့ရေးအတွက် ဘာလုပ်မလဲ၊ ဘာဖြစ်ချင်သလဲပေါ့။

ကျွန်တော့်သူငယ်ချင်း အများစုက ငွေကြေးချမ်းသာ ပြည့်စုံကြတယ်။ သူတို့ လုပ်ချင်တာ လုပ်နိုင်တဲ့ အနေအထားမှာ ရှိတယ်။ ကျွန်တော့်မှာ သူတို့လောက် အခြေအနေ၊ အခွင့်အရေး မပေးပါဘူး။ မိဘများကို အတင်းအကျပ် ပြောရင်တော့ စင်ကာပူ၊ ပေါ်လီ လောက်တော့ ဖြစ်သွားနိုင်ပေမယ့် ကိုယ့်ကြောင့် မိဘ၊ မောင်နှစ်မများကိုလည်း ၀န်ထုပ်ဝန်ပိုး မဖြစ်စေချင်တာကြောင့် အတင်းအကျပ် တောင်းဆိုမှုမျိုးတွေလည်း မလုပ်ခဲ့ပါဘူး။

ဒါကြောင့် အဲ့ဒီအချိန်က ကိုယ်ဝါသနာပါရာ လုပ်ငန်းခွင်ထဲကို ၀င်ရောက်ဖို့သာ သင့်တော်သော ဆုံးဖြစ်ချက်ဖြစ်လာပြီး၊ ထိုက်သင့်သော ကြိုးစားအားထုတ်မှုများနဲ့ အသက်(၁၉) နှစ် အရွယ်မှာ အချိန်ပြည့် လုပ်ငန်းခွင်ထဲ စတင်ရောက်ရှိခဲ့တယ် ဆိုပါတော့။ ဒီတော့ အကျိုးဆက်က ပညာရေးနဲ့ပတ်သက်ရင် ရွေးချယ်ပိုင်ခွင့်က အတိုင်းအတာ တစ်ခုအထိ limited ဖြစ်သွားပါတယ်။

ကိုယ်တက်ချင်တဲ့ ဘာသာက နိုင်ငံတကာဆက်ဆံရေးလိုမျိုး၊ ဒီဘာသာက အဝေးသင်မှာ မရှိ။ ဒီလိုနဲ့ အကောင်းဆုံးဖြစ်မယ်လို့ ယူဆရပြီး၊ အဖေတိုက်တွန်းတဲ့ ဥပဒေကို ယူဖြစ်သွားပါတယ်။ ဒါကျွန်တော့်ဘ၀ နဲ့ ဥပဒေ စတင်ပတ်သက်မှုပေါ့။

(၅) နှစ်တာ သင်ယူရတဲ့ ဥပဒေ (အဝေးသင်) ကျောင်းသားဘ၀မှာလည်း အလုပ်တစ်ဖက်ကြောင့် ဘွဲ့သာရတယ် စာကို ကောင်းကောင်း နားမလည်ခဲ့ပါဘူး။ နှစ်စဉ်နှစ်တိုင်း အနီးကပ်တက်၊ စာမေးပွဲအောင်ဖို့ အနီးကပ်ကျူရှင်တက်၊ စာမှန်မှန်ကျက်ပြီး ဘွဲ့တော့ ရသွားပါတယ်။ တစ်ကယ်တတ်သလားမေးရင် ယခုအချိန်အထိ မတတ်ဘူးလို့သာ ၀န်ခံရမှာပါ။

အဲ အဝေးသင် ငါးနှစ်တက်တုန်း၊ သူများထက် အနည်းငယ် ပိုအားထုတ်တယ်လို့ ကိုယ့်ကိုယ်ကိုထင်တာကတော့ သူများတွေလို အလွယ်လမ်းမလိုက်ဘဲ စာကို တကယ့်ကို ကျက်မှတ်ခဲ့ပါတယ်။ (နောက်ဆုံးနှစ်နဲ့ ပတ်သက်လို့တော့ ပြောစရာတွေရှိလို့ နောက်မှ သီးခြားပြောပြာတာပေါ့။)

ဥပဒေ (အဝေးသင်) မှာ အမှတ်ကောင်းကောင်းနဲ့ အောင်ဖို့၊ ဂုဏ်ထူးရဖို့ အခြားသော ဘာသာရပ်များနဲ့စာရင် အတော့်ကို ခဲယဉ်းပါတယ်။ ကျွန်တော်မှတ်မိသလောက် နှစ်စဉ်နှစ်တိုင်း ဂုဏ်ထူးထွက်ကျောင်းသား (၁၀) ယောက်ထက် မပိုဘူးလို့ ထင်ပါတယ်။ ဂုဏ်ထူးလိုချင်ရင် အလွတ်ကျက်စာများသာမက မိမိရဲ့ထင်မြင်သုံးသပ်ချက်များ ကို အတိုင်းအတာတစ်ခုထိ ဆီလျော်အောင် ရေးသားပါမှ ရပါတယ်။

ဒီလိုနဲ့ ကျွန်တော်အမြဲတမ်း ပြောလေ့ရှိသလို ကျွန်တော့်ရဲ့ဘ၀မှာ အခြားသော သူငယ်ချင်းများနဲ့ယှဉ်ရင် တက္ကသိုလ်ကျောင်းသား ဘ၀ ပီပီပြင်ပြင် မခံစားခဲ့ရပါဘူး။ အမြဲတမ်း လိုချင်ခဲ့တဲ့ University Life မရှိခဲ့ဘူးလို့ ဆိုရမှာပေါ့။

လုပ်ငန်းခွင်ထဲမှာ အချိန်ပြည့် (၁၀) နှစ်ခန့် လှုပ်ရှားရုန်းကန်အပြီး၊ အသက် (၂၉) နှစ်အရွယ်ရောက်တော့ မှ ကျွန်တော်ပညာရေးဘက် ခြေဦးပြန်လှည့်ခဲ့မိပါတယ်။ ဂျပန်နိုင်ငံမှာ မဟာဘွဲ့ ဆက်တက်ဖြစ်တယ်၊ ဆက်တက်နေတယ် ဆိုပါတော့။

တကယ်သွားချင်တာက ကမ္ဘာကျော် အမေရိကန် တက္ကသိုလ်များပေါ့။ နောက်ဆုံး အခြေအနေ အမျိုးမျိုးကြောင့် ဂျပန်ကို ရွေးချယ်ခဲ့တယ်လို့ ပြောရမှာပါပဲ။ ကျွန်တော်လိုချင်ခဲ့တဲ့ တက္ကသိုလ်ကျောင်းသားဘ၀ကို ရပြီပေါ့။ အရွယ်လွန်မှ ရတယ်လို့ ဆိုရင်လည်း မမှားဘူးလို့ ပြောရမှာပါပဲ။

အဲဒီတော့ ရွေးချယ်ခဲ့တဲ့ ဂျပန်နိုင်ငံက ဘွဲ့လွန်ပညာရေးနဲ့ပတ်သက်ပြီး ကောင်းတာ၊ ဆိုးတာတွေ ကိုယ့်အတွေ့အကြုံအရ ချိန်ဆတွေးနေမိတာတွေ အများကြီးပါပဲ။ နောက်ပို့စ်များမှာ ဆက်လက်ဆွေးနွေးကြတာပေါ့ဗျာ။

Lockerbie Case (၁)

မကြာသေးမီက အပြည်ပြည်ဆိုင်ရာဥပဒေ အခြေခံသိသင့်တာတွေကို စတင်လေ့လာတော့ Lockerbie Case ကို သတိထားမိလာပါတယ်။ ကမ္ဘာ့ဥပဒေရေးရာမှာ နာမည်ကြီးတဲ့ အဖြစ်အပျက်ဖြစ်လို့ နောက်အသေးစိတ် လေ့လာမယ်လို့ စိတ်ကူးနေတုန်း ယခုနှစ် သြဂုတ် နဲ့ စက်တင်ဘာလများမှာ ဒီကိစ္စရပ်ဟာ ကမ္ဘာကျော် ပြန်ဖြစ်လာပါတယ်။ ကဲ Lockerbie Case ရဲ့ ဖြစ်စဉ်သမိုင်းကို လေ့လာကြည့်ရအောင်...

ဒီဖြစ်ရပ်ကို ဗြိတိသျှသမိုင်းမှာ ဖြစ်ပွားခဲ့တဲ့ အရက်စက်ဆုံး၊ အဆိုးဝါးဆုံးသော အကြမ်းဖက်မှု (the worst terrorist atrocity) လို့လည်း ဆိုကြပါတယ်။ (Economist, “A long shadow” Aug 20^th 2009.)

၁၉၈၈ ခုနှစ်၊ ဒီဇင်ဘာလ (၂၁) ရက်နေ့က လန်ဒန်ကနေ နယူးယောက်ကို ပျံသန်းမယ့် PanAm လေယာဉ် အမှတ် (၁၀၃)၊ စကော့တလန်နိုင်ငံ Lockerbie မြိုပေါ်မှာ ဗုံးခွဲခံခဲ့ရတာပဲ ဖြစ်ပါတယ်။ ဒီလေယာဉ် ဗုံးခွဲမှုကြောင့် လူပေါင်း (၂၇၀) ခန့်သေဆုံးခဲ့ရပါတယ်။ ဒီဖြစ်ရပ်ရဲ့ တရားခံကတော့ လစ်ဗျားနိုင်ငံက ထောက်လှမ်းရေးအရာရှိ Mr. Abdelbaset al-Megrahi လို့ ဆိုပါတယ်။

Mr. Megrahi ကို စကော့တလန်ဥပဒေအရ နယ်သာလန်နိုင်ငံ မှာ ၂၀၀၀-၂၀၀၁ အတွင်း စစ်ဆေးခဲ့ပြီး၊ ထောင်ဒဏ် တစ်သက် (အများဆုံး ၂၇ နှစ်) ချမှတ်ခဲ့ပါတယ်။ သူဟာ ထောင်ဒဏ် (၈) နှစ်ခန့်ကျခံပြီးနောက် စကော့တလန်တရားရုံးက ၂၀၀၉ ခုနှစ်၊ သြဂုတ်လ ၂၀ ရက်နေ့မှာ လူသားချင်း စာနာမှုအရ ဆိုတဲ့ အကြောင်းပြချက်နဲ့ ပြန်လည်လွှတ်ပေးခဲ့ပါတယ်။

ဒီဖြစ်ရပ်ကို ကျွန်တော်စိတ်ဝင်စားသွားတဲ့ အချက်တစ်ချက်က သူ့ကို လစ်ဗျားနိုင်ငံက ကြိုဆိုပုံပါပဲ။ နိုင်ငံတကာသတင်းများ အရ ပြောရရင် Hero's welcome နဲ့ကြိုဆိုတယ်ပေါ့ဗျာ။ သူ့ကို ဘာကြောင့်လွှတ်သလဲ၊ ဘာကြောင့် ဒီလိုကြိုဆိုသလဲ မေးခွန်းတွေ၊ စဉ်းစားစရာတွေ အများကြီး ဖြစ်လာပါတယ်။

ပထမဆုံး စဉ်းစားစရာ အချက်က လစ်ဗျားနိုင်ငံနဲ့ ပတ်သက်ပါတယ်။ လစ်ဗျားနိုင်ငံရဲ့ ခေါင်းဆောင်ဟာ Colonel Gaddafi ဖြစ်ပါတယ်။ သူဟာ ၁၉၆၉ ခုနှစ် သွေးထွက်သံယိုမှု မရှိတဲ့ အာဏာသိမ်းပွဲကနေ အာဏာ ရယူပြီး လစ်ဗျားနိုင်ငံကို အုပ်ချုပ်နေတာ ယနေ့တိုင်ပဲ ဖြစ်ပါတယ်။ (နှစ် ၄၀ ကျော်ခဲ့ပါပြီ။) အာရပ်ကမ္ဘာရဲ့ သက်တမ်းအကြာဆုံးသော ခေါင်းဆောင်လို့လည်းဆိုကြပါတယ်။

Col. Gaddafi နဲ့ဆက်စပ်စဉ်းစားရရင် လစ်ဗျားနိုင်ငံမှာ သူမသိဘဲ၊ သူ့အမိန့်မရဘဲ ဘာမှ မဖြစ်ဘူး၊ လုပ်လို့မရဘူးလို့ဆိုကြပါတယ်။ ဒီတော့ ဒီဗုံးခွဲမှုမှာ လစ်ဗျားနိုင်ငံ ထောက်လှမ်းရေးအရာရှိ လုပ်ခဲ့တယ်လို့ဆိုရင် ဒီလူဟာ တကယ့်တရားခံလား ဒါမှမဟုတ် Col. Gaddafi ခိုင်းလို့ လုပ်ရတာတဲ့ ဓါးစာခံ (scapegoat) လား ဆိုတာ စဉ်းစားစရာပါပဲ။

နောက်တစ်ချက်က ဗြိတိသျှအစိုးရနဲ့သက်ဆိုင်ပါတယ်။ ဘာကြောင့် ဒီလိုပြစ်မှုကြီး ကျူးလွန်သူကို လွယ်လွယ် နဲ့လွတ်ပေးဖို့ ဆုံးဖြတ်သလဲ ဆိုတာကိုပါ။ ဆရာဝန်တွေအဆိုရ Mr. Megrahi ဟာ ကင်ဆာရောဂါကြောင့် (၃) လအတွင်း သေဆုံးမယ်လို့ သိရပါတယ်။

နောက်ပိုင်းသတင်းများအရတော့ လစ်ဗျားနိုင်ငံရဲ့ သံဃံဇာတ (အဓိက ကတော့ ရေနံ) တွေအပေါ် ဗြိတိသျှအစိုးရက အကျိုးအမြတ် ရယူလိုတဲ့ ကိစ္စနဲ့ဆက်နွယ်တယ်လို့ ဆိုကြပါတယ်။ ကျွန်တော် လည်းပဲ ဒီအချက်ကို ဖြစ်နိုင်ချေရှိတယ်လို့ထင်ပါတယ်။ သေတော့မယ့် လူတစ်ယောက် နဲ့ နိုင်ငံအကျိုးစီးပွား (national interests) ချိန်ဆတဲ့သဘောပေါ့။

လစ်ဗျားနိုင်ငံဟာ ရေနံ၊ စွမ်းအင်စတဲ့ သံဃံဇာတတွေ ပေါများပြီး၊ Time Magazine အဆိုအရ ကမ္ဘာပေါ်မှာ ရေနံနဲ့သဘာဝဓါတ်ငွေ့ အများဆုံးပိုင်ဆိုင်တဲ့ (၁၀) နိုင်ငံမြောက် နိုင်ငံ ဖြစ်တယ်လို့လည်း သိရပါတယ်။ (Time, “Was Oil Part of a Deal for the Lockerbie Bomber?” Aug 22^nd 2009.)

ဘာပဲဖြစ်ဖြစ် ဒီသေတော့မယ့် တရားခံကို လွတ်ပေးလိုက်ခြင်းအားဖြင့်၊ လစ်ဗျားနဲ့ ဗြိတိန်တို့ နှစ်နိုင်ငံ ဆက်ဆံရေးကောင်းလာပြီး၊ ဗြိတိန်နိုင်ငံတွက် စီးပွားရေးအခွင့်အလမ်းတွေ ပိုပွင့်လာစေမှာတော့ အမှန်ပဲလို့ သုံးသပ်ရပါတယ်။

နောက်တစ်ချက်က တရားခံကို လွှတ်ပေးကြောင်း သတင်းများရေးရာမှာ ဗြိတိန်အစိုးရက လွှတ်ပေးတယ်လို့ မဖော်ပြဘဲ၊ စကော့တလန်တရားရုံး၊ စကော့တလန်အာဏာပိုင်များက လွှတ်ပေးတယ်လို့ ဖော်ပြတဲ့အချက်ပါပဲ။ ကျွန်တော်အနေ့နဲ့ ဗဟုသုတအားနည်းတော့ စကော့တလန်က လွှတ်လွှတ်၊ ဘယ်ကလွှတ်လွှတ်၊ ဗြိတိန်အစိုးရ က လွှတ်တယ်လို့ နားလည်ထားလို့ပါ။

အကြောင်းတိုက်ဆိုင်လို့ အတန်းအတူတက် ဗြိတိသျှသူငယ်ချင်းကို မေးကြည့်တော့မှ အင်္ဂလန်ဆိုပေမယ့် စကော့တလန်မှာ သူ့ရဲ့ကိုယ်ပိုင်တရားစီရေး ရှိကြောင်း၊ စကော့တလန် အာဏာပိုင်များအနေနဲ့ သူတို့ရဲ့နယ်ပယ်မှာ လွတ်လပ်စွာ တရားစီရင်ပိုင်ခွင့်ရှိကြောင်း စသဖြင့် သိလာရပါ တယ်။ (ဥပမာ - ရသုံးမှန်းခြေငွေစာရင်း (Budget) နဲ့ပတ်သက်လို့ ဗြိတိန်အစိုးရက စကော့တလန် အတွက် ခွဲဝေပေးတယ် ဆိုနိုင်သော်လည်း၊ စကော့တလန်နယ်အတွင်း ၄င်းတို့ (Budget) ကို ၄င်းတို့စိတ်ကြိုက်ခွဲဝေ အသုံးပြုနိုင်ကြောင်း သိရပါတယ်။)

ဒါပေမယ့်လည်း ဒီလိုကြီးကျယ်တဲ့အမှုမျိုးမှာ အနည်းဆုံး ဗြိတိန်အစိုးရရဲ့ သဘောထား မပါဘဲ၊ အသိမပေးဘဲ မလုပ်ဘူးဆိုတာကတော့ တွေးဆကြည့်နိုင်ပါတယ်။ ကနဦးမှာတော့ ဗြိတိန် အစိုးရက ယခုဆုံးဖြစ်ချက်ကို ၄င်းတို့ ဆုံးဖြတ်တာ မဟုတ်ကြောင်း၊ စကော့တလန်အာဏာပိုင်များက ၄င်းတို့ သဘောဆန္ဒအရသာ ဆောင်ရွက်တာဖြစ်ကြောင်း ပြောဆိုခဲ့ပါသေးတယ်။ ဒီကိစ္စက ယခုတိုင် အငြင်းပွားဆဲပါ။

ထပ်ပြီး စဉ်းစားတွေးကြည့်ရမှာကတော့ အခုလိုလွှတ်ပေးလိုက်ခြင်းဟာ ဗြိတိန်နိုင်ငံရဲ့ ဂုဏ်သတင်းနဲ့ ၄င်းရဲ့ နိုင်ငံတကာ ဆက်ဆံရေးကို ထိခိုက်စေနိုင်တယ် ဆိုတဲ့အချက်ပါပဲ။

ဥပမာ - အမေရိကန်နိုင်ငံ အနေနဲ့ ဒီဖြစ်စဉ် ဟာ စက်တင်ဘာ (၁၁) ရက် (နယူးယောက်မြို့၊ Twin Tower ဗုံးခွဲခံရတဲ့ ဖြစ်စဉ်) မဖြစ်ပေါ်စဉ်အထိ အမေရိကန်ပြည်သူလူထုအပေါ်မှာ အဆိုးဝါးဆုံး အကြမ်းဖက်ခံရမှုလို့ သတ်မှတ်ပါတယ်။ အမေရိကန်နိုင်ငံသား (၁၈၉) ဦး သေဆုံးခဲ့ရလို့ပါပဲ။ (ယခုအချိန်မှာတော့ လစ်ဗျားဟာ အကြမ်းဖက်မှု တိုက်ဖျက်ရေး နဲ့ပတ်သက်ပြီး အမေရိကန်ရဲ့ မဟာဗျူဟာမြောက် မိတ်ဖက်နိုင်ငံ ဖြစ်နေပါပြီ။ ဒါပေမယ့် ယခုလို ဗြိတိန်က တရားခံကို လွှတ်ပေးခြင်းကိုတော့ အမေရိကန်အစိုးရက အပြင်းအထန် ရှုတ်ချနေတုန်းပါပဲ။)

နောက် Lockerbie Case မှာ ထူးခြားပြီး သတိပြုသင့်တဲ့ အချက်တွေ များစွာရှိပါတယ်။

ဒီအမှုကို အမှုဖြစ်ပွားရာ နိုင်ငံမှာ မစစ်ဆေးဘဲ၊ အပြည်ပြည်ဆိုင်ရာ တရားစီရင်ရေးမှာ ခေါင်းဆောင်မှုနေရာကြောင့် ထင်ရှားတဲ့ နယ်သာလန်နိုင်ငံမှာ စကော့တလန်ဥပဒေနဲ့ စစ်ဆေးခဲ့တာ၊ ဒီအမှု စစ်ဆေးဖို့ အမေရိကန်၊ ဗြိတိန်နဲ့ နယ်သာလန်နိုင်ငံတို့က ရံပုံငွေတွေ ထောက်ပံ့ခဲ့တာ၊ ဒီအမှု စစ်ဆေးဖြစ်စေဖို့ ထိုစဉ်က အမေရိကန်သမ္မတ Bill Clinton နဲ့ သူရဲ့နိုင်ငံခြားရေးဝန်ကြီး Madeleine Albright၊ တောင်အာဖရိက သမ္မတ Nelson Mandela တို့Colonel Gaddafi နဲ့ သံတမန်ရေးအရ ကြိုးစားခဲ့ရတာ စတဲ့အချက်တွေကြောင့် အပြည်ပြည် ဆိုင်ရာတရားစီရင်ရေးနဲ့ သံတမန်ရေးရာမှာ ထင်ရှားတဲ့ ဖြစ်စဉ်လို့လည်း ဆိုကြပါတယ်။

ဒါကြောင့် ကျွန်တော်ကတော့ ဒီဖြစ်စဉ်ရဲ့ တိုးတက်မှုဟာ စိတ်ဝင်စားစရာကောင်းပြီး၊ ဆက်လက်စောင့်ကြည့် နေဖို့ လိုအပ်တယ်လို့ ထင်ပါတယ်။ အခုလိုလွှတ်ပေးလိုက်တာဟာ စကော့တလန်အစိုးရ ပြောသလို တကယ့်ကို လူသားချင်းစာနာလို့ပဲလား၊ ဒါမှမဟုတ် ဗြိတိန်အစိုးရရဲ့ စီးပွားရေး အကျိုးအမြတ် အတွက်လား ဆိုတာ အချိန်ကပြောလိမ့်မယ် (the time will tell the truth) လို့ယူဆပါတယ်။

သူငယ်ချင်းတို့လည်း စောင့်ကြည့်ကြပေါ့။

စာလိုက်နိုင်ရဲ့လား

ကျွန်တော့်ရဲ့ မပီပြင်သေးတဲ့ ဘလော့ဂ်လေးကို မျက်စိလည် လမ်းမှားလို့ပဲဖြစ်ဖြစ်၊ သိလို့ပဲဖြစ်ဖြစ် လာရောက်ကြသူများကို လေးစားခင်မင်တာကြောင့် အသစ်မရေးဖြစ်တာ ကြာနေတဲ့ ဘလော့ဂ်လေးမှာ အသစ်တစ်ခု ရေးဖို့ ဒီနေ့ ဆုံးဖြတ်လိုက်ပါတယ်။

ဘာအကြောင်းရေးရင် ကောင်းမလဲလို့စဉ်းစားတော့ လတ်တလော ကိုယ့်အတွေ့အကြုံနဲ့ တိုက်ဆိုင်လို့ ခေါင်းထဲရောက်လာတဲ့ မေးခွန်းလေးကို ခေါင်းစဉ်လုပ်လိုက်ပါတယ်။

စာလိုက်နိုင်ရဲ့လား...

ဒီမေးခွန်း ခေါင်းထဲရောက်လာတာကို ရှင်းပြရဖို့ ကျွန်တော့်ရဲ့ ပညာရေး ဘ၀လမ်းကြောင်းကို အရင်ပြောပြဖို့ လိုပါလိမ့်မယ်။

ဒီမေးခွန်းကို ငယ်ငယ်တုန်းက (၁၀) တန်းအထိ ပေါ့ဗျာ၊ ကျွန်တော့်ကို မေးရင် ကျွန်တော် အမြဲတမ်း ဘယ်လိုပြန်ဖြေရမလဲ မသိ ဖြစ်ခဲ့ပါတယ်။

ဘာဖြစ်လို့လဲဆိုတော့ ကျွန်တော်က ကျောင်းစာနဲ့ ပတ်သက်ရင် အထူးချွန်ကြီး မဟုတ်သလို၊ အညံ့ဆုံးအဆင့်မှာလည်းမပါတဲ့ အလယ်အလတ်အဆင့်မှာ ရှိသူ ဖြစ်လို့ပါ။ စာတွေနဲ့ပတ်သက်ရင် စိတ်ထဲမှာ သိပ်ခက်ခဲတယ်လို့ ဘယ်တော့မှ မယူဆမိပါဘူး။ ကိုယ်အားစိုက်ပြီး ကြိုးစားလိုက်ရင် ရလဒ်ကောင်းလာပြီး၊ သာမန်အားထုတ်မှုမှာ သာမန်ရလဒ်ရတာ အထူးအဆန်းမဟုတ်ဘူးလို့ ခံယူမိလို့ပါ။ ဆိုလိုတာက စာဟာ မလိုက်နိုင်စရာ မရှိဘူး။ ကိုယ့်ဘာသာကိုယ် အားစိုက်ကြိုးစားရင် ကြိုးစားသလို အောင်မြင်မယ်၊ မကြိုးစားရင် မအောင်မြင်ဘူး လို့ ခံယူထားလို့ပါပဲ။

ဒီလိုနဲ့ (၁၀) တန်းအောင်ပြီး အဝေးသင်တက္ကသိုလ် တက်ဖို့ အကြောင်းဖန်လာပါတယ်။

အဝေးသင်မှာ သင်ချင်တဲ့ ဘာသာ ရွေးချယ်ရာမှာ အခက်အခဲ စတွေ့ပါတယ်။ ငယ်စဉ်ကတည်းက ၀ါသနာပါတာက နိုင်ငံတကာဆက်ဆံရေးလို၊ နိုင်ငံရေးသိပ္ပံလို ဘာသာရပ်မျိုး၊ အဝေးသင်မှာ အဲဒီအချိန်က (၁၉၉၆-၉၇ ၀န်းကျင်က) သင်ယူခွင့်ရတဲ့ ဘာသာရပ်တွေက အခုအချိန်နဲ့ နှိုင်းယှဉ်ရင် အတော်ကို limited ဖြစ်ပါတယ်။ အဲဒီအချိန်က အကောင်းဆုံးက စီးပွားရေးဆိုင်ရာ ဘာသာရပ်တွေပေါ့၊ ပြီးရင် ဥပဒေက ဒုတိယ လိုက်တယ်လို့ မှတ်မိပါတယ်။

ကျွန်တော့်ရဲ့ မဖြစ်စလောက်အမှတ်ပေါင်းက အဝေးသင် စီးပွားရေး ဘာသာရပ်များကို သင်ယူဖို့ (အမှတ်) မီ တာကြောင့် အစပိုင်းက စီးပွားရေးဆိုင်ရာ ဘာသာတွေ တက်ရင်ကောင်းမလား ခဏတာ စဉ်းစားခဲ့မိပေမယ့်၊ သင်္ချာက ညံလိုက်တာ တာတေလံ၊ ပြီးတော့ ကိုယ့်ကိုယ်ကို စီးပွားရေးဦးနှောက် မရှိဘူး (business-minded မဖြစ်ဘူး) လို့ ခံယူထားလို့ စီးပွားရေးဘာသာတွေ ယူဖို့ကိစ္စ၊ အမြန်ပဲ ခေါင်းထဲက ထုတ်ခဲ့ပါတယ်။

ဒီမှာ အကြောင်းတိုက်ဆိုင်လို့ ကျွန်တော် သင်္ချာဘယ်လောက်တော်တယ်ဆိုတာ ပြောပြချင်ပါတယ်။

ငယ်ငယ်တုန်းက အိမ်မှာ အမေက ကျွန်တော့်ကို သင်္ချာသင်ပေးပါတယ်။ သင်္ချာသင်တိုင်း အိမ်က Blackboard မှာကော၊ ကျွန်တော့်ရဲ့ နဖူးမှာကော အမေစိတ်တိုလို့ မြေဖြူနဲ့ ခေါက်ထားလို့ ဖြူဖွေးနေတတ်ပြီး၊ ကျွန်တော်လည်း သင်္ချာအသင်ခံရတိုင်း ငိုခဲ့တာကို မှတ်မိပါတယ်။ တစ်ခါကတော့ အမေတော်တော် စိတ်ဆိုးပါတယ်။ သူမေးတာကို ကျွန်တော်မဖြေနိုင်လို့ပါ။ မေးခွန်းက ဆန်တစ်ပြည်မှာ နို့ဆီဗူး ဘယ်နှစ်လုံးလဲ ဆိုတာပါပဲ။ နို့ဆီဗူး (၈) လုံးဟာ ဆန်တစ်ပြည်ဖြစ်ကြောင်း အကြိမ်ကြိမ် သင်ထားပေးတာ တောင် ဆန်တစ်ပြည်ဟာ ဘယ်နှစ်လုံးလဲလို့ မေးခွန်းနောက်ပြန်မေးတိုင်း မဖြေတတ်ခဲ့ပါဘူး။ (ကျွန်တော် အဲဒီလောက်ထိ သင်္ချာတော်ပါတယ်။ :P အဲဒီနောက်ပိုင်း အမေလည်း ကျွန်တော့်ကို သင်္ချာမသင်တော့သလို၊ ကျွန်တော်လည့် ငယ်ငယ်တည်းက အခုချိန်အထိ သင်္ချာကို ကြောက်တဲ့စိတ်ဝင်သွားတာ အဲဒီက စတယ်ထင်တာပဲဗျ။)

ဒီလိုနဲ့ အဝေးသင်မှာ စီးပွားရေးဘာသာရပ်များကို ဖယ်လိုက်ရင် ရေရှည်အသုံးဝင်နိုင်တယ်လို့ ယူဆရပြီး၊ အဖေကလည်း တိုက်တွန်းအားပေးတာကြောင့် ဥပဒေကို ယူလိုက်ပါတယ်။

စာလိုက်နိုင်ရဲ့လား မေးခွန်းနဲ့ ဥပဒေကျောင်းသား ဘ၀နဲ့ ဆက်စပ်ပြီး မှတ်မိသလောက်ပြောရရင်၊ အဝေးသင် တက်ခဲ့တဲ့ ငါးနှစ်အတွင်း နှစ်စဉ် ရက်(၂၀) လောက် တက်ရတဲ့ အနီးကပ်သင်တန်းကို မှန်မှန်တက်၊ ဆရာမတွေက ဘာသာရပ်တစ်ခုမှာ (၁၂) ပုဒ် ၀န်းကျင်သင်၊ အဲဒီအထဲက (၈) ပုဒ်ဝန်းကျင်ကို စာမေးပွဲမတိုင်မီ ကျောင်းပိတ်ရက် နဲ့ စာမေးပွဲ မဖြေခင် ရက်များမှာမှ အနီးကပ် ကျက်မှတ်ရင် အောင်ဖို့က သေချာပါတယ်။ (ကျွန်တော်တို့က ဥပဒေ (အဝေးသင်) ရဲ့ ပညာသင်နှစ် ငါးနှစ် တက်ရတဲ့ နောက်ဆုံးအသုတ် ကျောင်းသားတွေပေါ့ဗျာ။)

ဥပဒေပညာရပ်ဖြစ်တာကြောင့် ကျက်မှတ်ရတဲ့ စာတွေ၊ ဥပဒေ ဝေါဟာရတွေ ခက်ခဲပေမယ့် စာမေးပွဲအောင်ရမယ်ဆိုတဲ့စိတ်၊ အင်္ဂလိပ်စာ ၀ါသနာပါတဲ့ အခြေခံတွေကြောင့် အခက်အခဲ မရှိ ကျော်လွှားခဲ့နိုင်ပါတယ်။

ဒီလိုနဲ့ မြန်မာနိုင်ငံရဲ့ အခြေခံပညာတန်း၊ ဘွဲ့ကြိုတန်း များကို အထိုက်အလျောက်သော ကြိုးစားအားထုတ် များနဲ့ကျော်ဖြတ်လာခဲ့တော့ စာလိုက်နိုင်ရဲ့လား ဆိုတဲ့ မေးခွန်းနဲ့ပတ်သက်ပြီး သိပ်စဉ်းစားစရာ မရှိခဲ့သလို၊ မေးခွန်းထုတ်ခဲ့သူများကိုလည်း သိပ်နားမလည်ခဲ့ပါဘူး။ ဘာကြောင့် ဒီလိုမေးသလဲပေါ့။ စာဟာ မိမိကြိုးစားအားထုတ်ရင် လိုက်နိုင်မယ်၊ မကြိုးစားရင် မလိုက်နိုင်ဘူးပေါ့။ ဒီလို ရှင်းရှင်းလေးပဲ တွေးခဲ့ပါတယ်။

ဒီလိုနဲ့ အကြောင်းတိုက်ဆိုင်လို့ အရှေ့တောင်အာရှနိုင်ငံ တစ်ခုဖြစ်တဲ့ ကမ္ဘောဒီးယားနိုင်ငံမှာ Australia နိုင်ငံက လာရောက်ဖွင့်လှစ်တဲ့ (International Relations, Public Speaking, Negotiation) စတဲ့ ဘာသာရပ်များ ပါဝင်တဲ့ အင်္ဂလိပ်စာ ဒီပလိုမာ တက်ခဲ့ပြီး၊ အမေရိကန်၊ သြစတြေးလျ စသော ဆရာများထံမှ ပညာဆည်းပူးခွင့် ရပြန်တော့လည်း အင်္ဂလိပ်စာ ၀ါသနာ အခံကြောင့် အထူးအထွေ အခက်အခဲမတွေ့ခဲ့ပါဘူး။ Debate ပြိုင်ပွဲများမှာတောင် ယှဉ်ပြိုင်အနိုင်ရခဲ့ပါတယ်။ (အချိန် နဲ့ အခြားသော အခက်အခဲများကြောင့် ကျွန်တော် ဒီပလိုမာ ဆုံးခန်းတိုင် မတက်နိုင်ခဲ့တာကိုတော့ တွေးတိုင်း စိတ်မကောင်းပါဘူး။)

ဒါတွေကတော့ ကျွန်တော်ရဲ့ (undergraduate) အဆင့်အထိ ဖြတ်သန်းခဲ့ရတဲ့ ပညာရေးဆိုင်ရာ အခြေအနေ တွေပါပဲ။

စာလိုက်နိုင်ရဲ့လား မေးခွန်းနဲ့ ထိပ်တိုက်စတိုးတာကတော့ ကျွန်တော့်ရဲ့ ဘွဲ့လွန် (graduate) တန်း မှာပါပဲ။

ကျွန်တော် ဂျပန်နိုင်ငံမှာ မဟာဘွဲ့သင်ကြားဖို့ စရောက်တော့ သင်တန်းအစီအစဉ်အရ နဲ့ ကျောင်းစည်းကမ်းအရ၊ ကျွန်တော်တို့လို နိုင်ငံတကာကျောင်းသား အများစုကို မဟာဘွဲ့တန်း ကျောင်းသားအဖြစ် စတင်လက်မခံဘဲ၊ သုတေသနကျောင်းသားအဖြစ်သာ သတ်မှတ်လက်ခံပါ တယ်။ သုတေသနကျောင်းသားဘ၀ရဲ့ စာသင်နှစ်ဝက် (semester) တစ်ခုမှာတင် ဘာသာရပ် (၆) ခု လောက်ကို သင်ယူခဲ့ရတာကြောင့် ကျွန်တော့် အခြေအနေက သူများနဲ့မတူ ပင်ပန်းခဲ့ပါတယ်။

ဂျပန်နိုင်ငံရဲ့ ပညာရေးအဆင့်အတန်း နဲ့ပတ်သက်ရင် ကျွန်တော်အပါအ၀င် ကျွန်တော်တို့မြန်မာတွေ ယေဘုယျအားဖြင့် အမေရိကန်၊ ဗြိတိန်၊ သြစတြေးလျ နဲ့ နှိုင်းယှဉ်ပြီး သိပ်အထင်မကြီးကြပါဘူး။ ဒါပေမယ့် ဂျပန်မှာလည်း ပညာရေးအဆင့် မနိမ့်ဘဲ၊ resources တွေလည်း ပေါများကြောင်း ကိုယ်တွေ့အရ သိလာပါ တယ်။ ဘာသာစကား အခက်အခဲကြောင့် သင်ကြားမယ့်ဆရာ ရွေးချယ်မှု ကောင်းဖို့တော့ လိုပါတယ်။

မဟာဘွဲ့ကျောင်းသား ဖြစ်ပြီး နောက်ပိုင်းမှာလည်း စာတွေကို နေ့မအိပ်၊ ညမအိပ် ဖတ်ပြီး၊ တစ်နေ့ တစ်နေ့ အလျင်မီအောင် နဲ့ ဘာသာရပ်များကို သေသေချာချာ နားလည် သဘောပေါက်ဖို့ အတော့်ကို ကြိုးစား ရပါတယ်။ (အခု semester မှာ စာလောဘကြီးပြီး၊ အတန်းတွေများများ ယူလိုက်မိတာလည်း ပါတာပေါ့ဗျာ။)

ဒါကြောင့် အခုချိန်မှာ စာလိုက်နိုင်ရဲ့လား ... ဆိုတဲ့ မေးခွန်းကို ကောင်းကောင်း သဘောပေါက်လာပါတယ်။

နိုင်ငံတကာ အဆင့်မီ ပညာရေးမှာ နိုင်ငံတကာကျောင်းသားများနဲ့ ရင်ဘောင်တန်းနိုင်ဖို့၊ အရည်အသွေးမီ မေးခွန်းများ မေးနိုင်ဖို့၊ ပါဝင်ဆွေးနွေးနိုင်ဖို့၊ မိမိလေ့လာဆည်းပူးနေတဲ့ ဘာသာရပ်များကို ကျွမ်းကျင်ပိုင်နိုင်ဖို့ အရှင်းလင်းဆုံးစကားနဲ့ စာလိုက်နိုင်ဖို့ တကယ်ကို အားထုတ်ရပါတယ်။ မလွယ်ပါဘူး။ နိုင်ငံတကာ အဆင့်မီ ပညာရေးမှာ အားကုန်ထုတ် ကြိုးစားတိုင်းလည်း စာလိုက်နိုင်ဖို့ တကယ့်ကို မလွယ်ပါဘူး။

အဲဒီတော့ သူငယ်ချင်းတို့ကော ဘယ်လိုလဲ။ စာလိုက်နိုင်ရဲ့လား ...

ရောက်တတ်ရာရာ ခရီးသွား အတွေ့အကြုံများ

ကျွန်တော် အခုရောက်နေတာ ဂျပန်နိုင်ငံရဲ့ အလယ်ပိုင်းက နာဂိုယာမြို့မှာပါ။






(ကျွန်တော်ရိုက်ထားတဲ့ နာဂိုယာဘူတာ တ၀ိုက်၊ မြို့လယ်မြင်ကွင်းများပါ။)

ဖွံ့ဖြိုးတိုးတက်ပေမယ့် တိုကျိုမှာလို ပျော်စရာ၊ ရွှင်စရာ သွားစရာ၊ လာစရာတွေ မပေါဘူးလို့ ယူဆတာကြောင့် အားရင်အားသလို တိုကျို၊ ဒါမှမဟုတ် အခြားသော စိတ်ဝင်စားစရာကောင်းပြီး၊ မရောက်ဖူးသေးတဲ့နေရာတွေ သွားဖို့ ကျွန်တော်အမြဲ အခွင့်အလမ်း ရှာပါတယ်။

ဂျပန်မှာက အားလုံးသိကြတဲ့အတိုင်း အစစအရာရာ ဈေးကြီးတာကြောင့် သွားမယ့်နေရာတွေကိုလည်း ချင့်ချိန်ရွေးချယ်ရပါတယ်။ ချင့်ချိန်ရွေးချယ်ရင်းနဲ့ပဲ ဂျပန်ကိုရောက်ပြီး (၉) လအတွင်းမှာ မရောက်ဖူးသေးတဲ့ နေရာအတော်များများကို သွားဖြစ်ခဲ့ပါတယ်။ ကျောင်းသားဖြစ်တာကြောင့် ကျောင်းအားရက်များမှာ သွားတာ များပါတယ်။

သွားခဲ့ဖူးတဲ့နေရာတွေ ပြန်စဉ်းစားကြည့်ရင် Tokyo, Yokohama, Tsukuba, Ushiku, Kyoto, Nara, Osaka, Hiroshima, Kagoshima (Kyushu) နဲ့ Gifu (Ski Trip) တို့ကို ရောက်ပြီးသွားပါပြီ။ အချိန်တိုတိုအတွင်း အထူးသဖြင့် ဒီဇင်ဘာ နဲ့ မတ်လ အားလပ်ရက်များအတွင်းမှာ ဒီလောက်ခရီးပေါက်ခဲ့တာကို ကိုယ့်ဘာသာ ကိုယ်လည်း အတော်ကျေနပ်အားရပါတယ်။

တစ်နေရာချင်းအလိုက် စိတ်ဝင်စားစရာတွေ၊ လေ့လာမှတ်သားသင့်တာတွေ အများကြီးပါပဲ။ အချို့သော ခရီး တွေကို သူငယ်ချင်းအပေါင်းအသင်း ရောင်းရင်းများနဲ့ သွားခဲ့တာဖြစ်ပြီး၊ အချို့ခရီးများကိုတော့ တစ်ယောက်တည်းပဲ သွားခဲ့ပါတယ်။

ကျွန်တော်က တစ်ယောက်တည်း ခရီးသွားရတာကို အတော်ကို နှစ်သက်ပါတယ်။ ကျွန်တော့်ကို တစ်ချို့က မေးကြပါတယ်။ တစ်ယောက်တည်း ခရီးသွားရတာ မပျင်းဘူးလားတဲ့။ မပျင်းတဲ့ အပြင် ပျော်တောင်ပျော်သေး။ ကျွန်တော်ကတော့ တစ်ခါတစ်ရံ တစ်ယောက်တည်းသွားရတာ ပိုအရသာရှိတယ် လို့ထင်တယ်ဗျာ။

နောက်တစ်ခုက ကျွန်တော်ဖတ်ခဲ့ဖူးတဲ့ စာသားလေးတစ်ခုကို နားလည်သလို ပြန်ပြောရရင် လူတစ်ယောက်ဟာ တစ်ယောက်တည်း၊ တစ်ကိုယ်တည်း ဖြစ်နေချိန်မှာ မပျော်ရင် အဖော်အပေါင်းနဲ့လည်း ပိုမပျော်ဘူးလို့ ဆိုပါ တယ်။ ဆိုလိုတာက တစ်ကယ်ပျော်ရွှင်တဲ့လူတစ်ယောက်ဟာ တစ်ယောက်တည်းလည်း ပျော်တယ်၊ သူငယ်ချင်း မိတ်ဆွေများနဲ့ အတူရှိနေချိန်မှာလည်း ပျော်တယ်ပေါ့ဗျာ။ ဘယ်လိုထင်ပါသလဲ ဒီအယူအဆကို...။

တစ်ယောက်တည်း ခရီးသွားတာဟာ ကိုယ့်ကိုယ်ကို ယုံကြည်မှု (personal self confidence) ပိုတက်လာစေ တယ်လို့လည်း ထင်တယ်ဗျ။ နောက်တစ်ခုက နိုင်ငံခြားသား လူငယ်တွေ တစ်ယောက်တည်း ခရီးသွားလာ ကြတာ (Backpacking လုပ်တာ) ကို အားကျတာလည်း ပါတယ်လို့ ရိုးသားစွာ ၀န်ခံရမှာပါပဲ။ ဘာကို အားကျတာလဲဆိုတော့ ... သူတို့ဗျာ ငယ်ငယ်ရွယ်ရွယ် အသက် ၂၀ ၀န်းကျင်လောက်နဲ့ တစ်ခါမှ မရောက်ဖူး၊ မသွားဖူးတဲ့ နေရာတွေကို ကျောပိုးအိတ်တစ်လုံးလွယ်၊ Travel Guide Book ကိုင်၊ မြေပုံကိုင်ပြီး လျှောက်သွား စူးစမ်းကြတဲ့ စိတ်ဓါတ်ကိုပါ။

ကျွန်တော့်ရဲ့ နိုင်ငံရပ်ခြား တစ်ယောက်တည်း ပထမဆုံး Backpacking ခရီးသွားအတွေ့အကြုံက တော့ ၂၀၀၅ ခုနှစ်ခန့်က ဗီယက်နမ်နိုင်ငံကို သွားခဲ့တာပါပဲ။ ဘာ hotel reservation မှ မလုပ်၊ ဘာမှ Fixed လုပ်မထားဘဲ၊ တစ်ကယ့်ကို စိတ်လွတ်ကိုယ်လွတ် Backpacker လုပ်ခဲ့တာပါ။ ရင်ခုန်စရာ အတွေ့အကြုံတွေ အများကြီး ရခဲ့ပါ တယ်။


(ကျွန်တော်ရိုက်ခဲ့တဲ့ ဗီယက်နမ်နိုင်ငံ၊ ဟိုချီမင်းစီးတီးက ဈေးမြင်ကွင်း)

နောက်တစ်ခု Backpacker တွေနဲ့ ပတ်သက်ပြီး ကျွန်တော်ယခင်က ထင်မြင်ခဲ့တဲ့ မှားယွင်းတဲ့ အယူအဆတစ်ခု ကို ပြောပြချင်ပါတယ်။

အရင်တုန်းက၊ ငယ်စဉ်တုန်းကပေါ့ဗျာ ကြားဖူးနားဝနဲ့ Tourist ဆိုရင် ဟိုတယ် အကောင်းစားမှာတည်း၊ ကောင်းကောင်းနေ၊ ကောင်းကောင်းစား၊ ကောင်းကောင်းသွားတဲ့လူမှ တကယ့် Tourists လို့၊ Backpacker တွေဆိုတာ ကလေကချေတွေ၊ စုတ်တီးစုတ်ပြတ် ညစ်တီးညစ်ပတ်နဲ့ ပိုက်ဆံမရှိတဲ့ ကောင်တွေလို့ ကျွန်တော်ထင်ခဲ့တယ်ဗျ။ (တစ်ချို့ဆိုရင် ဈေးထဲ လူမြင်ကွင်းမှာ တီရှပ်တစ်ထည် အသစ်ဝယ်၊ လူမြင်ကွင်းမှာ ချွတ်လဲ၊ ၀တ်လာတာကို လွှတ်ပစ် စသဖြင့် ပြုမူချက်တွေကို တွေ့ဖူးတော့)

တစ်ကယ်တော့ ကျွန်တော့်ရဲ့ ဒီထင်မြင်ချက်မှားကြောင်း နောက်ပိုင်း ကိုယ်တိုင် Backpacker လုပ်၊ Backpacker တွေ တည်းတဲ့နေရာမှာတည်း၊ သူတို့တွေနဲ့ စကားစမြည် ပြောဆို ခင်မင်ရင်းနဲ့မှ သိမြင်လာ တယ်ဗျ။

ဥပမာဗျာ ကျွန်တော်တွေ့ဖူးတဲ့သူအချို့ အကြောင်းပြောရရင် ကမ္ဘာ့ကျောင်းကောင်းကြီးတွေက မဟာဘွဲ့၊ ပါရဂူဘွဲ့တွေ ရထားတဲ့သူများ၊ အချို့ဆိုရင် လက်ရှိ နိုင်ငံတကာခေါင်းဆောင်တွေ တက်ရောက် အောင်မြင်ခဲ့တဲ့ တက္ကသိုလ်များက အောင်မြင်ကြသူများ စသဖြင့် ပေါ့ဗျာ။ သူတို့တွေနဲ့ စကားပြောဆိုရတာ၊ ခရီးသွား အချင်းချင်း တစ်ယောက်အတွေ့အကြုံ တစ်ယောက် ဝေမျှကြရင်းနဲ့ ဗဟုသုတ အတော်ပဲတိုးပါတယ်။

ဒါကြောင့် Backpacker တွေနဲ့ပတ်သက်ရင် ကျွန်တော့် လက်ရှိထင်မြင်ချက်ကတော့ လူငယ်တွေ၊ အများအားဖြင့် ပညာတတ်တွေ၊ ခရီးသွားအတွေ့အကြုံများသူတွေ၊ ပိုက်ဆံနည်းနည်းနဲ့ နေရာဒေသ စုံလင် နှံ့စပ်အောင် သွားလိုတဲ့ Budget Traveller တွေလို့ ယူဆပါတယ်။ ဒါပေမယ့် စုံးပြူးတွေလည်း ရှိစမြဲပေါ့ဗျာ။

ဒီတော့ဗျာ ကျွန်တော်ကတော့ ကျွန်တော်တို့ လူမျိုးတွေ၊ အထူးသဖြင့် ကိုယ့်လို လူငယ်တွေကို ခရီးများများ ထွက်စေချင်၊ ခရီးသွား ဗဟုသုတ များများရစေချင်တယ်ဗျာ။ ဘာမဆို သူများပြောတဲ့ ကြားဖူးနားဝလောက်ကိုပဲ နားမယောင်ဘဲ ကိုယ်တိုင် actually witness လုပ်ဖို့ တိုက်တွန်းချင်ပါတယ်။

နောက်တစ်ခုကတော့ ဒေးကာနက်ဂျီ နည်းလို့ပဲ ပြောရမလား လူစိမ်းနဲ့တွေ့ရင်၊ ကိုယ်နဲ့မသိ၊ မရင်းနှီးတဲ့သူတွေနဲ့တွေ့ရင်လည်း ကိုယ်ကစပြီး ပြုံးပြဖို့၊ စကားစပြောဖို့ ၀န်မလေးဖို့ပေါ့ဗျာ။ ဒါဆိုရင် တစ်ယောက်တည်းဖြစ်ဖြစ်၊ အပေါင်းအသင်း ရောင်းရင်းတွေနဲ့ ဖြစ်ဖြစ် အောင်အောင်မြင်မြင် ပျော်ပျော်ရွှင်ရွှင် ခရီးသွား Backpacking လုပ်နိုင်ကြမှာပါ။

Rhodes Scholarship

မနေ့က UN ဆိုင်ရာ အမေရိကန် သံအမတ်ကြီး Susan Rice အကြောင်းကို BBC မှာ ရှာဖတ်တုန်းက သူဟာ Rhodes Scholar တစ်ယောက် ဖြစ်တယ်လို့ အောက်ပါအတိုင်း ဖတ်လိုက်ရပါတယ်။

Growing up, Ms Rice dreamed of becoming a senator for the District of Columbia. She graduated in history from Stanford University, then went to Oxford as a Rhodes scholar, where she completed a D Phil in international relations.

ဒါပေမယ့် သူ့အကြောင်း ကိုးကားရေးတဲ့အခါမှာ Rhodes Scholar ဆိုတာကို ထည့်မရေးခဲ့ပါဘူး။ ဘာကြောင့်လဲ ဆိုတော့ Rhodes Scholar ဆိုတဲ့အကြောင်းကို ကျွန်တော်သေသေချာချာ မသိသေးလို့ပါ။

ိ

အဲ တိုက်တိုက်ဆိုင်ဆိုင် ဒီနေ့ အမေရိကန်သမ္မတ ကလင်တန် ရဲ့My Life ကို ဖတ်နေတုန်းမှာ သူဟာလည်း Rhodes Scholar ဖြစ်ခဲ့ကြောင်း ရေးသားထားပြီး၊ ၄င်းပညာသင်ဆု အကြောင်းကို ရေးသားထားပါတယ်။ သူရေး ထားတာကို နားလည်သလို ပြန်ပြောရရင် နှစ်စဉ်နှစ်တိုင်း ပြည်နယ် ၅၀ ကို ကိုယ်စားပြုတဲ့ အမေရိကန်နိုင်ငံသား ၃၂ ယောက်ကို Oxford တက္ကသိုလ်မှာ ၂နှစ်ကြာ ပညာသင်ကြားဖို့ ရွေးချယ်ကြောင်း၊ ကုန်ကျစရိတ်များကို ၁၉၀၃ ခုနှစ်မှာ Cecil Rhodes ရဲ့ သေတမ်းစာအရ စတင် တည်ထောင်ထားသော ပညာသင်ဆု ရွေးချယ်ရေး အဖွဲ့မှ ထောက်ပံ့ကြောင်း၊ Rhodes ဟာ တောင်အာဖရိက စိန်တွင်းများမှ ချမ်းသာကြွယ်ဝလာသူဖြစ်ကြောင်း၊ ဒီပညာသင်ဆုကို လက်ရှိ နဲ့ယခင် ဗြိတိသျှလက်အောက်ခံ ကိုလိုနီနိုင်ငံများမှ ပညာ၊ အားကစား၊ ခေါင်းဆောင် မှု စတဲ့အရည်အသွေးများမှာ ထူးချွန်ကြောင်း ပြသနိုင်သူ လူငယ်များကို ပေးအပ်ကြောင်း ရေးသားထားပါတယ်။ (နောက်ပိုင်းကာလများမှသာ ပညာသင်ဆုပေးအဖွဲ့မှ အမျိုးသမီးများကိုပါ ပါဝင်ယှဉ်ပြိုင်စေကြောင်း သိရပါ တယ်။) (အမေရိကန်နိုင်ငံဟာလည်း သမိုင်းကြောင်းအရ ဗြိတိသျှအုပ်စိုးမှုကနေ ခွဲထွက်တဲ့ တော်လှန်ရေးက ပေါ်ပေါက်လာတဲ့နိုင်ငံဖြစ်လို့ ဒီပညာသင်ဆု ရတယ်လို့ ဆိုနိုင်မယ် ထင်ပါတယ်။)

အမေရိကန်နိုင်ငံတွင်းမှ နိုင်ငံသားများ ပါဝင်ယှဉ်ပြိုင်ရာမှာတော့ ထောက်ခံစာ (recommendation) (၅) စောင် မှ (၈) စောင် အထိ လိုအပ်ပြီး၊ ဘာကြောင့် Oxford ကို သွားချင်ကြောင်း ဖော်ပြရေးသားထားတဲ့ အက်ဆေး တစ်ပုဒ်လည်း ရေးသားဖို့ လိုအပ်ကြောင်း ဖော်ပြထားပါတယ်။ ပညာသင်ဆု ရွေးချယ်ရေးအဖွဲ့ကတော့ ထောက်ခံစာ ရေးပေးသူများကို လျှောက်ထားသူရဲ့ အားနည်းချက် (weaknesses) ကို အားသာချက် (strengths) များနဲ့အတူ ဖော်ပြပေးဖို့ မေတ္တာရပ်ခံထားကြောင်းလည်း သိရပါတယ်။

White House website မှာ ဖော်ပြထားတဲ့ ကလင်တန်ရဲ့ အကြောင်းကိုလည်း အောက်ပါအတိုင်း တွေ့ရပါ တယ်။

Clinton was graduated from Georgetown University and in 1968 won a Rhodes Scholarship to Oxford University. He received a law degree from Yale University in 1973, and entered politics in Arkansas.

နောက်ထပ်သိရတာလေးတွေကတော့ အမေရိကန် ကောလိပ်နဲ့တက္ကသိုလ်ပေါင်း (၃၀၀) ကျော်မှ ကျောင်းသူ ကျောင်းသားများကို Rhodes Scholar အဖြစ် ရွေးချယ်ပြီးဖြစ်ကြောင်း၊ ပညာဥာဏ်ရည် မြင့်မားဖို့ လိုအပ်ပေမယ့် ရွေးချယ်ရာမှာ လုံလောက်တဲ့ အခြေအနေ မဟုတ်ကြောင်း၊ ပညာသင်ဆု ရွေးချယ်ရေးအဖွဲ့ အနေနဲ့ စိတ်ပိုင်းဆိုင်ရာ၊ ရုပ်(လူပုဂိုလ်) ပိုင်းဆိုင်ရာ ထူးချွန်ပြီး၊ အနာဂတ်မှာ ကမ္ဘာကြီးကို ထိရောက်တဲ့ ၀န်ဆောင်မှု (service) ပေးနိုင်သူမျိုးကို ရှာတယ်လို့ ဆိုပါတယ်။ လိုရင်းကိုပြောရရင် ဒီပညာသင်ဆုဟာ ပညာသင်တွေ ပြုလုပ်လိုတဲ့ project proposals ထက် လူပေါ်မှာသာ ရင်းနှီးမြှုပ်နှံတာ (investments in individuals) ဖြစ်ပါတယ်။

သမ္မတကလင်တန် ကတော့ ၁၉၆၈ ခုနှစ်မှာ ရွေးချယ်ခံရတဲ့ ပညာသင် (၃၂) ယောက်ထဲမှာ၊ Yale နဲ့ Harvard က (၆) ယောက်စီ၊ Dartmouth က (၃) ယောက်၊ Princeton နဲ့ the Naval Academy က (၂) ယောက်စီ ပါ ၀င်တယ်လို့ ဆိုပါတယ်။ (ယခု ၂၀၀၉ ခုနှစ်အတွက် အရွေးခံရတဲ့ အမေရိကန်ကျောင်းသား အတော်များများ ဟာလည်း အမေရိကန် ကျောင်းကောင်းတွေဖြစ်တဲ့ MIT, Princeton, Harvard, Yale နဲ့ UCLA တို့က ဆိုတာ တွေ့ရပါတယ်။)

နောက်ပိုင်း အချိန်ရရင် ကမ္ဘာ့နာမည်ကြီး ပညာသင်ဆု (scholarships) များအကြောင်း ရှာဖွေလေ့လာ ဖတ်ရှု ရေးသားဖို့ ရည်ရွယ်ပါတယ်။

UN ဆိုင်ရာ အမေရိကန် ကိုယ်စားလှယ်သစ် Susan Rice

Susan Rice (US Ambassador to UN)

အမေရိကန်သမ္မတ အိုဘားမားရဲ့ UN ဆိုင်ရာ ကိုယ်စားလှယ်အဖြစ် မကြာသေးမီက ခန့်အပ်ခြင်း ခံရတဲ့ Susan Rice က UN မှာ အမေရိကန်ရဲ့ ဦးဆောင်မှုကို ပြန်လည်ဆန်းသစ်သွားမှာ ဖြစ်ကြောင်း ကတိပြုပြောကြားခဲ့ပါ တယ်။ ဒါပေမယ့် UN ရဲ့ လက်ရှိအခြေအနေကို လေ့လာကြည့်ရင် သမိုင်းကြောင်းမှာ အမေရိကန်ရဲ့ သဘော ဆန္ဒကို အမြဲလိုလိုဆန့်ကျင်နေခဲ့တဲ့ ပြိုင်ဘက်နိုင်ငံများဟာ ယခုအချိန်မှာ UN ရဲ့ အရေးပါဆုံးသောနေရာ အချို့ကို ရယူထားတာကို တွေ့ရပါတယ်။

အထွေထွေညီလာခံမှာ Nicaragua နိုင်ငံသား (leftist Nicaraguan) Miguel d'Escoto Brockmann က ဦးဆောင်လျက်ရှိပါတယ်။ ၄င်းဟာ အမေရိကန်ရဲ့ ကမ္ဘာမှာ ဗိုလ်ကျစိုးမိုး လွှမ်းမိုးချုပ်ကိုင်လိုမှုကို အမြဲလိုလို ဆန့်ကျင်နေသူ ဖြစ်ပါတယ်။ တစ်ချိန်တည်းမှာပဲ တတိယကမ္ဘာနိုင်ငံများရဲ့ အရေးပါသော နိုင်ငံရေး အဖွဲ့အစည်းကြီးလို့ ပြောလို့ရတဲ့ ဘက်မလိုက်လှုပ်ရှားမှု အဖွဲ့ (Non-Aligned Movement - NAM) မှာ ကျူးဘားက ဥက္ကဌ အဖြစ် တာဝန်ယူထားပါတယ်။ ထို့အတူ လစ်ဗျားနိုင်ငံဟာလည်း လုံခြံရေးကောင်စီမှာ လက်ရှိတာဝန်ယူလျက်ရှိပြီး၊ လာမယ့်နှစ်မှာ အဖွဲ့ဝင် ၁၉၂ နိုင်ငံရှိတဲ့ အထွေထွေညီလာခံကို ဦးဆောင်သွားမှာ ဖြစ်ပါတယ်။

အလားတူ အမေရိကန် အားပေးထောက်ခံသော UN ရဲ့ အရေးယူပိတ်ဆို့မှု များနဲ့ ပတ်သက်နေတဲ့ အီရန် နဲ့ ဆူဒန် နိုင်ငံများကိုယ်တိုင်ပင် နိုင်ငံတကာမှ ယုံကြည်လေးစားမှု (international respectability) ပြန်လည်ရရှိ ရန် ကြိုးစားနေပါတယ်။ လက်ရှိမှာ အီရန်နိုင်ငံဟာ UN ထိပ်တန်း ဖွံ့ဖြိုးတိုးတက်ရေး အဖွဲ့အစည်းဖြစ်တဲ့ UNDP/UNFPA အမှုဆောင်အဖွဲ့ (Executive Board) ရဲ့ ဥက္ကဌ တာဝန် ကိုလည်းကောင်း၊ ဆူဒန်နိုင်ငံဟာ တတိယကမ္ဘာနိုင်ငံများရဲ့ လူမှုရေးမူဝါဒများကို ပေါင်းစပ်ညှိနှိုင်းပေးသော အဖွဲ့အစည်းဖြစ်တဲ့ Group 77 and China မှာ ဥက္ကဌ အဖြစ်လည်းကောင်း အရေးပါတဲ့ရာထူးများ ရရှိထမ်းဆောင်နေကြပါတယ်။

ဒါကြောင့် UN မှာ အမေရိကန်အနေနဲ့ ဆူဒန်နိုင်ငံအပေါ် နိုင်ငံတကာဖိအားပေးမှု မြှင့်တင်ရေး၊ အစ္စရေး နဲ့ UN တို့ ဆက်ဆံရေး ပုံမှန်ပြန်ဖြစ်လာစေရေး စတဲ့ ကိစ္စရပ်များမှာ ၄င်းတို့ ဖြစ်စေချင်သလို လုပ်ဆောင်ဖို့ မလွယ် ကူဘူး ဖြစ်နေပါတယ်။ ဥပမာအားဖြင့် သမ္မတ Bush အစိုးရရဲ့ နောက်ဆုံးနေ့ရက်များမှာ အမေရိကန် သံတမန် များဟာ အီရန်ကိုယ်စားလှယ် UNDP (Executive Board) ရဲ့ ဥက္ကဌ အဖြစ် အရွေးချယ် မခံရစေရေး အမျိုးမျိုး ကြိုးစားခဲ့သော်လည်း ရှုံးနိမ့်ခဲ့ရပါတယ်။

Susan Rice က အမေရိကန်နိုင်ငံရဲ့ အကျိုးစီးပွားအတွက် အမေရိကန်ရဲ့ ပြိုင်ဘက်နိုင်ငံများနဲ့ ဆက်ဆံမှု ပြု လုပ်ဖို့ ပြင်ဆင်ထားပြီးဖြစ်ကြောင်း ပြောကြားခဲ့ပါတယ်။ Nicaragua ကိုယ်စားလှယ်ကတော့ အမေရိကန် နိုင်ငံရဲ့ အရေးပါမှုဟာ ၄င်းတို့ရဲ့မူဝါဒကြောင့် သိသိသာသာ ကျဆင်းလာပြီဖြစ်ကြောင်း၊ ဒါပေမယ့် သူအနေနဲ့ အမေရိကန် အစိုးရအဖွဲ့သစ်နဲ့ ပူးပေါင်းလုပ်ကိုင်ဖို့တော့ စိတ်အားထက်သန်တယ်လို့ ဆိုပါတယ်။

Susan Rice

Susan Rice ဟာ အမေရိကန်သမိုင်းမှာ အသက်အငယ်ဆုံးသော လက်ထောက်နိုင်ငံခြားရေးဝန်ကြီး ဖြစ်ခဲ့ပါ တယ်။ သမ္မတ ကလင်တန်လက်ထက် (၁၉၉၇ ခုနှစ် မှ ၂၀၀၁ ခုနှစ်အထိ) အာဖရိကရေးရာ အမေရိကန် လက်ထောက်နိုင်ငံခြားရေး ၀န်ကြီး အဖြစ်ခန့်အပ်ခြင်း ခံခဲ့ရပါတယ်။

သူမကို ၁၉၆၄ ခုနှစ်မှာ မွေးဖွားခဲ့ပြီး၊ အာဖရိကအနွယ် အမေရိကန်နိုင်ငံသား ဖြစ်ပါတယ်။ ကနဦး အနေ နဲ့Stanford University မှ သမိုင်းနဲ့ ဘွဲ့ ရရှိခဲ့ပြီး၊ Oxford မှ ဒေါက်တာဘွဲ့ကို နိုင်ငံတကာဆက်ဆံရေး အထူးပြု နဲ့ ရရှိထားသူ ဖြစ်ပါတယ်။

သူမဟာ ဒါဖာ သတ်ဖြတ်မှုတွေ အဆုံးသတ်စေရေးအတွက် ပြင်းပြင်းထန်ထန် အရေးယူဆောင်ရွက်မှုများ ပြုလုပ်ရန် တွန်းအားပေးသူဖြစ်ပြီး၊ အမျိုးသားလုံခြုံရေးကောင်စီမှာ တာဝန်ထမ်းဆောင်ခဲ့စဉ်ကလည်း ရ၀မ်ဒါ သို့ (၁၉၉၄ ခုနှစ် လူအစုလိုက်အပြုံလိုက် သတ်ဖြစ်မှုအပြီး) သွားရောက်ခဲ့ပါတယ်။ ဆူဒန်အစိုးရ လူအများ အပြားကို သတ်ဖြတ်နေခြင်းမှ ရပ်တန့်စေရန်အတွက် စစ်ရေးအရ အရေးယူရေးနည်းလမ်းကို ထောက်ခံ ကြောင်းလည်း ပြောကြားခဲ့ဖူးပါတယ်။

(Can Rice blunt sway of hardliners in UN ? - Analysis UN - The Washington Post ကို ကိုးကားပါတယ်။)

ပြောင်းလဲလာတဲ့ တရုတ်နိုင်ငံရဲ့ သံတမန်ရေးရာ

အခုတစ်လော ကမ္ဘာ့ရေးရာတွေမှာ လေ့လာစရာတွေ အများကြီး တွေ့နေရပါတယ်။ ဥပမာ ဂါဇာဒေသ အရေး လိုမျိုး။

အခုလို ဖြစ်ရပ်တွေ ဖြစ်နေချိန်မှာ အာရှက မြန်မာ့အိမ်နီးချင်း တရုတ်နိုင်ငံအနေနဲ့ ၄င်းရဲ့သံတမန်ရေးရာနဲ့ ပတ်သက်ပြီး ဘာတွေလုပ်နေသလဲဆိုတာ လေ့လာကြည့်ရင် စိတ်ဝင်စားစရာပါပဲ။

လွန်ခဲ့တဲ့ နှစ် (၂၀) လောက်တုန်းက တရုတ်ရဲ့ အရေးပါသော ခေါင်းဆောင်ကြီး တိန့်ရှောင်ဖိန် က တရုတ်ရဲ့ နိုင်ငံခြားရေးဝါဒနဲ့ပတ်သက်ပြီး ညွှန်ကြားချက်တွေ တစ်သီချည်း ထုတ်ပြန်ခဲ့ပါတယ်။ အဲ့ဒီမှာ သူက တရုတ်နိုင်ငံ အနေနဲ့ နိုင်ငံတကာအရေးကိစ္စတွေမှာ ဦးမဆောင်ဖို့၊ ထင်ထင်ပေါ်ပေါ် မနေဘဲ သိုသိုဝှက်ဝှက် (low profile) နေဖို့လိုအပ်ကြောင်း အလေးပေး ညွှန်ကြားခဲ့ပါတယ်။

ပြီးခဲ့တဲ့နှစ်ကာလများအထိ တရုတ်နိုင်ငံအနေနဲ့ယေဘုယျအားဖြင့် ဒီနည်းလမ်းကို လိုက်နာခဲ့ပြီး၊ UN မှာလည်း ထိုင်ဝမ်အရေးကိစ္စကလွဲလို့၊ အများသဘောဆန္ဒနဲ့အညီ လိုက်ရောညီထွေ (going along with the majority) နေခဲ့ပြီး၊ ဗီတိုအာဏာကိုလည်း တစ်ခါတစ်ရံမှသာ အသုံးပြုခဲ့ပါတယ်။

ဒါပေမယ့် ယခုနောက်ပိုင်း နှစ်များအတွင်းမှာ တရုတ်နိုင်ငံ အနေနဲ့ သွက်လက်တက်ကြွတဲ့ သံတမန်ရေးရာ (active diplomacy) ကို ပြောင်းလဲကျင့်သုံးလာတာကို ဂါဇာအရေးမှာ အထင်အရှား မြင်တွေ့လာရပါတယ်။ တရုတ်ဟာ ကမ္ဘာမှာ သူ့ကို တာဝန်သိသော နိုင်ငံတစ်နိုင်ငံ အဖြစ် တွေ့မြင်စေလိုလာပါတယ်။

တကယ်တော့ အရှေ့အလယ်ပိုင်းဒေသမှာ အမေရိကန်ရဲ့ လွှမ်းမိုးမှု၊ ယခင် ကိုလိုနီနိုင်ငံဖြစ်ခဲ့တဲ့ ဗြိတန်၊ ပြင်သစ် တို့ရဲ့ လွှမ်းမိုးမှုနဲ့ နှိုင်းယှဉ်ရင် တရုတ်ရဲ့ လွှမ်းမိုးမှုဟာ အခုချိန်အထိ အတော့်ကို နည်းနေပါသေးတယ်။

တရုတ်နိုင်ငံ အနေနဲ့မကြာသေးမီက ဂါဇာအရေး အပစ်အခတ်ရပ်စဲဖို့ တောင်းဆိုတဲ့ လုံခြံရေးကောင်စီ ဆုံးဖြတ်ချက် (resolution) မှာ အများနည်းတူ ထောက်ခံမဲ ပေးခဲ့ပါတယ်။ ဒီနေရာမှာ ထူးခြားတာက အမေရိကန်က (abstained) မဲ မပေးခဲ့တာပါဘဲ။ (ဒီလိုလုပ်ရပ်ဟာ အရင်က တရုတ်နိုင်ငံ လုပ်ခဲ့တဲ့ နည်းစနစ်ပါ။) ဥပမာအနေနဲ့၊ ၁၉၉၀ ခုနှစ်က ကူဝိတ် ကို ကျူးကျော်တဲ့ အီရတ်တပ်ဖွဲ့တွေကို (use of force) အင်အားသုံး ဖယ်ထုတ်ဖို့ အခွင့်အာဏာပေးတဲ့ UN ရဲ့ဆုံးဖြတ်ချက်မှာ တရုတ်နိုင်ငံဟာ abstained လုပ်ခဲ့ပါ တယ်။

တရုတ်နိုင်ငံ အနေနဲ့ ကမ္ဘာတစ်ဝှမ်း သူ့ရဲ့ လွမ်းမိုးမှု (အရေးပါမှု) တိုးချဲ့ရန် ဆန္ဒရှိကြောင်း တရုတ် နိုင်ငံခြားရေးဝန်ကြီး Yang Jiechi က မကြာသေးမီက အတိအလင်း ရှင်းလင်းပြောကြားခဲ့ပါတယ်။ တရုတ်နိုင်ငံ အနေနဲ့ ပြည်တွင်းအင်အား (အဓိကအားဖြင့် စီးပွားရေး) တိုးတက်လာတာနဲ့အမျှ ကမ္ဘာ့ ငြိမ်းချမ်းရေး နဲ့ တိုးတက်ရေးကို ပိုမိုပါဝင် လုပ်ဆောင်သွားမှာ ဖြစ်ကြောင်း၊ ဒီလိုမျိုးလည်း လုပ်ဆောင်သင့်ကြောင်း၊ ယခုလို ကမ္ဘာ့အရေးများမှာ ပိုမိုပါဝင်လာခြင်းကြောင့် နိုင်ငံတကာမှာ မိမိတို့နိုင်ငံ ဂုဏ်သတင်း ပိုမိုတိုးတက်စေရေး အတွက်လည်း အထောက်အကူပြုမှာ ဖြစ်ကြောင်း စသဖြင့် ပြောကြားခဲ့ပါတယ်။

အရှေ့အလယ်ပိုင်း သံတမန်ရေးရာနဲ့ပတ်သက်ပြီး၊ ၂၀၀၂ ခုနှစ်မှာ တရုတ်နိုင်ငံအနေနဲ့ အရှေ့အလယ်ပိုင်း ဒေသဆိုင်ရာ အထူးကိုယ်စားလှယ် ရာထူးကို စတင်ဖန်တီးခဲ့ပါတယ်။ ဒါ့အပြင် ဂါဇာအရေးနဲ့ပတ်သက်ပြီး တရုတ်နိုင်ငံအနေနဲ့ အပစ်အခတ် ရပ်စဲရေး သဘောတူညီချက် ရရှိရေး၊ တည်ငြိမ်အေးချမ်းရေး၊ ငြိမ်းချမ်းရေး ဆွေးနွေးပွဲများ ဆက်လက်ပြုလုပ်ရေး တို့အတွက် နိုင်ငံတကာ အသိုင်းအ၀ိုင်းနဲ့ လက်တွဲပြီး မနားမနေ ကြိုးစား သွားမှာဖြစ်ကြောင်း ၄င်းတို့ရဲ့ရပ်တည်ချက်ကို ထုတ်ဖော်ပြောကြားခဲ့တာ တွေ့ရပါတယ်။

UN မှာ ထောက်ခံမဲပေးပြီး နောက်တစ်ရက်မှာ တရုတ် နိုင်ငံခြားရေးဝန်ကြီးဟာ ဂါဇာဒေသကို ထိန်းချုပ်ထားတဲ့ ပါလက်စတိုင်း စစ်အုပ်စု Hamas ကို နောက်ကွယ်ကနေ အဓိကအားပေး ကူညီနေတယ်လို့ ယူဆရတဲ့ အီရန်နိုင်ငံ ရဲ့ နိုင်ငံခြားရေးဝန်ကြီးနဲ့ ဆက်သွယ်ခဲ့ပါတယ်။ UN အတွင်းရေးမှူးချုပ် ဘန်ကီမွန်းနဲ့လည်း တိုင်ပင်ခဲ့ပြီး၊ ဂါဇာဒေသ အခြေအနေ တိုးတက်လာစေရေး တရုတ်နိုင်ငံရဲ့ အထူးကိုယ်စားလှယ်ကို အီဂျစ်၊ အစ္စရေး နဲ့ ပါလက်စတိုင်း ဒေသများကို စေလွှတ်သွားမှာ ဖြစ်ကြောင်းကိုလည်း ကြေညာခဲ့ပါတယ်။
ိ
ဒီလို သံတမန်ရေးရာ လုပ်ဆောင်မှုတွေကို ကြည့်ခြင်းအားဖြင့် အရှေ့အလယ်ပိုင်းဒေသမှာ အရေးပါတဲ့နေရာ ကနေ ပါဝင်လိုတဲ့ တရုတ်နိုင်ငံရဲ့ ဆန္ဒကို တွေ့မြင်ရမှာ ဖြစ်ပါတယ်။ ဒီလုပ်ဆောင်ချက်တွေကြောင့် တရုတ်နိုင်ငံ အနေနဲ့လည်း အကျိုးကျေးဇူးတွေ ရရှိနိုင်ပါတယ်။

သေချာတာ တစ်ခုကတော့ အမေရိကန်နဲ့ သံတမန် အဆက်အသွယ် မရှိတဲ့၊ အရေးပါတဲ့ အီရန်လို နိုင်ငံမျိုးနဲ့ ဆက်ဆံရေး ကောင်းလာနိုင်ပါတယ်။ နောက်ပြီး အနောက်နိုင်ငံအများစုလို ကိုလိုနီနိုင်ငံ (colonial power) မဖြစ်ခဲ့တဲ့အတွက် တရုတ်နိုင်ငံ အနေနဲ့ ယုံကြည်မှု (credibility) ပိုမိုရရှိဖို့ အလားအလာ ရှိကြောင်း သုံးသပ် ရပါတယ်။

(Frank Ching ရဲ့ China steps up global diplomacy ကို ကိုးကားပါတယ်။)