လွမ်းစေတီ ရှိရာ Koya San သို့ (၁)

မြန်မာနိုင်ငံမှာကတည်းက ခင်မင်ခဲ့ပြီး၊ ဂျပန်မှာ အမှတ်မထင် ပြန်လည်ဆုံတွေ့ရတဲ့ Ritsumeikan University, Shiga မှာ မဟာဘွဲ့တက်နေသူ မနွယ်ရဲ့ Facebook မှာ တင်တဲ့ ဓါတ်ပုံတွေကြောင့် လွန်ခဲ့တဲ့ တစ်နှစ်လောက်က Koya San (Mt. Koya) ကို စကြားဖူးခဲ့ပါတယ်။


(မြန်မာလွမ်းစေတီ အပါအ၀င် အထိမ်းအမှတ် စေတီ၊ အုတ်ဂူ၊ ကျောက်တိုင်များ ရှိရာ Koya San အ၀င်လမ်း)

Koya San မှာ ရိုက်ထားတဲ့ မနွယ်ရဲ့ ဓါတ်ပုံတွေကြောင့် Koya San မှာ ဗိုလ်ချုပ်အောင်ဆန်း နဲ့ ဒေါက်တာဘမော်တို့ရဲ့ ဓါတ်ပုံတွေ အပါအ၀င် ရှေးဟောင်း မြန်မာ့ဓါတ်ပုံ၊ ပန်းချီကားတွေ၊ မြန်မာနိုင်ငံနဲ့ပတ်သက်တဲ့ ပစ္စည်းတွေ၊ နောက် ငြိမ်းချမ်းကြပါစေ စာတမ်းပါတဲ့ အထိမ်းအမှတ် ကျောက်စာတိုင် ရှိနေတာကို မှတ်မှတ်ရရ သတိထားမိခဲ့ပါတယ်။


(Koya San မှာ ရှိတဲ့ ဘုန်းကြီးကျောင်းတစ်ခုအတွင်း ပြသထားတဲ့ ဗိုလ်ချုပ်အောင်ဆန်း ဓါတ်ပုံ)


(ဒေါက်တာဘမော် ဓါတ်ပုံ)

ဒါ့ကြောင့် Koya San နဲ့ ပတ်သက်ပြီး စိတ်ဝင်စားလို့ မနွယ်ကို အကြမ်းဖျင်း မေးကြည့်တော့ Koya San ဟာ အိုဆာကာနားမှာ ရှိကြောင်း၊ Koya San မှာရှိတဲ့ ဘုန်းကြီးကျောင်း တစ်ကျောင်းမှာ မြန်မာနိုင်ငံနဲ့ပတ်သက်တဲ့ ဓါတ်ပုံ၊ ပစ္စည်းတွေ ပြသထားကြောင်း သိရပါတယ်။ အဲ့ဒါနဲ့ မနွယ်ကို နောက်အကြောင်းတိုက်ဆိုင်လို့ သွားဖြစ်ခဲ့ရင် ခေါ်ဖို့ပါ ပြောဖြစ်ခဲ့ပါတယ်။

ဒီနေရာမှာ ကြုံတုန်း ကျွန်တော့် ခရီးသွားဖို့ စဉ်းစားတဲ့အခါ ရွေးချယ်ပုံကို ပြောပြချင်ပါတယ်။ ကျွန်တော့်အနေနဲ့ ဘယ်နေရာ ဘယ်ဒေသကိုပဲ ခရီးသွားသွား၊ ရွေးချယ်ရတော့မယ်ဆိုရင် သမိုင်းကြောင်း အထောက်အထားရှိတဲ့၊ အထိမ်းအမှတ်နေရာတွေကို ပိုဦးစားပေး ရွေးလေ့ ရှိပါတယ်။ ကိုယ့်မြန်မာနိုင်ငံနဲ့သမိုင်းကြောင်း ပတ်သက်ဆက်စပ်မှုရှိတဲ့နေရာတွေ ဆိုရင်တော့ အတိုင်းထက် အလွန်ပေါ့ဗျာ။

ဂျပန်ကို ရောက်လာခဲ့တော့လည်း ဂျပန်မှာ မြန်မာနိုင်ငံနဲ့ပတ်သက်ဆက်စပ်တဲ့နေရာတွေက ဘယ်နေရာတွေလဲဆိုတာ သိချင်နေပြီး၊ အဲဒီနေရာတွေကိုလည်း သွားလေ့လာ နေချင်မိပါတယ်။

ဂျပန်ပြည်မှ မြန်မာ့ အမှတ်တရအချို့

သမိုင်းကြောင်းအရ ထိတွေ့ဆက်ဆံမှုတွေ ရှိခဲ့လို့ ဂျပန်မှာ မြန်မာ့အမှတ်တရတွေ အများကြီး ရှိကောင်း ရှိနိုင်ပါတယ်။ ကျွန်တော် သိသလောက် ပြောပြရရင်...

(၁) တက္ကသိုလ်များ သမိုင်းသုတေသနဌာနက ၁၉၉၈ ခုနှစ်က ထုတ်ဝေတဲ့ (သုတေသနအရာရှိ) ဆရာကျော်ငြိမ်းရဲ့ ရဲဘော်သုံးကျိပ် စာအုပ်ထဲမှာ ဗိုလ်ချုပ်အောင်ဆန်းတို့အဖွဲ့ ၁၉၄၁ ခုနှစ်ဝန်းကျင်တုန်းက ဂျပန်နိုင်ငံ၊ ဟာကိုနီ မှာ နေခဲ့ဖူးတာကို စာအုပ်ပါ ဓါတ်ပုံမှတ်တမ်းအရ မှတ်သားမိပါတယ်။


(ဆရာကျော်ငြိမ်းရဲ့ ရဲဘော်သုံးကျိပ် စာအုပ်ထဲမှ ဓါတ်ပုံ)


(ဆရာကျော်ငြိမ်းရဲ့ ရဲဘော်သုံးကျိပ် စာအုပ်ထဲမှ ဓါတ်ပုံ)


(ဆရာကျော်ငြိမ်းရဲ့ ရဲဘော်သုံးကျိပ် စာအုပ်ထဲမှ ဓါတ်ပုံ)

ဗိုလ်ချုပ်နဲ့ ရဲဘော်သုံးကျိပ်ဝင်တွေရဲ့ ဂျပန်နဲ့သက်ဆိုင်တဲ့ သမိုင်းဝင်ဓါတ်ပုံများ ဖြစ်လို့ ရဲဘော်သုံးကျိပ်စာအုပ်ကို မဖတ်ဖူးသေးသူများ၊ ဂျပန်-မြန်မာ အကြောင်း သုတေသနပြု လေ့လာနေသူများ ဗသုသုတရ၊ အထောက်အကူဖြစ်စေဖို့ အဆိုပါစာအုပ်ပါ ဓါတ်ပုံအချို့ကို ဒီနေရာမှာ ဖော်ပြလိုက်ပါတယ်။ (ရဲဘော်သုံးကျိပ် စာအုပ်ကို e-book အနေနဲ့ မြန်မာ e-book ဆိုဒ်များမှာ ရှာလို့ရတာက တကြောင်း၊ ဒီနေရာမှာလည်း သုတေသနသဘောနဲ့ ဖော်ပြတာဖြစ်လို့ မူလစာရေးသူထံ ထပ်ဆင့် ခွင့်မတောင်းနိုင်ပေမယ့်လည်း copyright law ရဲ့ fair use အနေနဲ့ ခွင့်ပြုမယ်လို့ ယူဆပါတယ်။)

ဗိုလ်ချုပ်တို့ နေခဲ့တဲ့ ဟာကိုနီအကြောင်း ဆက်ရရင် ဟာကိုနီ (Hakone) က တိုကျိုမြို့ရဲ့ ကီလိုမီတာ (၁၀၀) အကွာ၊ ဖူဂျီတောင်နားမှာ ရှိပြီး၊ သဘာဝ ရေပူစမ်း (hot springs) တွေကြောင့် ကျော်ကြားပါတယ်။ ဂျပန်နိုင်ငံရဲ့ အကောင်းဆုံး (hot springs) တွေထဲက တစ်နေရာပါပဲ။

Hakone နဲ့ ပတ်သက်ပြီး Hakone ပြန် မြန်မာသူငယ်ချင်းတစ်ယောက်က ဘ၀မှာ ဂျပန်နိုင်ငံ၊ ဖူဂျီတောင်အောက်မှာ ကိုယ်တုံးလုံး ရေပူစိမ်ဖို့ တစ်ခါမှ တွေးတောင် မတွေးမိဖူးလို့ သူ့အတွေ့အကြုံကို ပြောပြခဲ့တာကိုလည်း ဒီပိုစ့်ရေးနေရင်း ပြန်သတိရမိပါတယ်။ Hakone ကိုသွားရင်တော့ ဖူဂျီတောင်အလှကို ခံစားရင် ကိုယ်တုံးလုံး ရေပူစမ်း စိမ်နိုင်ပါတယ်။

(၂) နောက် YouTube မှာ တင်ထားတဲ့ မြန်မာနိုင်ငံဆိုင်ရာ မှတ်တမ်းတိုလေး တစ်ခုကြောင့် ဂျပန်နိုင်ငံ၊ Shizuoka Prefecture ရဲ့ Hamamatsu မြို့ နဲ့ Hamana ko အနီးတ၀ိုက်မှာ ဗိုလ်ချုပ်အောင်ဆန်းတို့ရဲ့ အထိမ်းအမှတ်နေရာ ရှိကြောင်း သိရပါတယ်။ ko ဆိုတာ ဂျပန်စကား ဖြစ်ပြီး၊ Lake ရေကန်ကို ဆိုလိုတာပါ။ အင်းလေးကန် ဆိုရင် ဂျပန်လို Inle ko လို့ ဆိုရမှာပါ။ (အခု အဲ့ဒီဗီဒီယို YouTube ပေါ်မှာ မရှိတော့လို့ လင့်ခ် မပေးနိုင်တော့ပါဘူး။)

(၃) မြန်မာ-ဂျပန် ဆက်ဆံရေးနဲ့ပတ်သက်ပြီး Oxford တက္ကသိုလ်က ယခု ၂၀၁၀ ခုနှစ် ထုတ်၊ Professor Steinberg ရဲ့ Burma/Myanmar - What Everyone Needs To Know စာအုပ်ထဲမှာတော့

ဗိုလ်ချုပ်ကြီးနေ၀င်း လက်ထက်တုန်းက စက်မှုဖွံ့ဖြိုးပြီးနိုင်ငံတွေထဲက မြန်မာနဲ့ အရင်းနှီးဆုံးနိုင်ငံဟာ ဂျပန်နိုင်ငံ ဖြစ်ကြောင်း၊ ဒီရင်းနှီးမှုဟာ ၁၉၄၁ ခုနှစ်၊ ဒီဇင်ဘာလ မတိုင်ခင် ရဲဘော်သုံးကျိပ် (Thirty Comrades) အဖြစ် ဗိုလ်ချုပ်အောင်ဆန်း နဲ့အတူ ဂျပန်မှာ သင်တန်းတက်ခဲ့တဲ့ ဗိုလ်ချုပ်ကြီးနေ၀င်းရဲ့ ပုဂ္ဂိုလ်ရေး ဆက်ဆံမှုက စခဲ့ကြောင်း၊ ဦးနေ၀င်းဟာ မြန်မာနိုင်ငံဆိုင်ရာ ဂျပန်သံအမတ်ကြီး ဇနီးမောင်နှံနဲ့ အတော်ရင်းနှီးပြီး၊ ၁၉၈၈ ခုနှစ် အရေးအခင်း မတိုင်မီအထိ ဂျပန်သံအမတ်ကြီးဟာ နိုင်ငံခြား သံအမတ်ကြီးများထဲမှာ ဦးနေ၀င်းနဲ့ အလွယ်တကူ တွေ့ဆုံခွင့်ရတဲ့ တစ်ဦးတည်းသော သံအမတ်ကြီး ဖြစ်ကြောင်း...ဦးနေ၀င်းဟာ ဂျပန်တွေအပေါ် လေးစားမှုရှိကြောင်း နဲ့ အိမ်စောင့်အစိုးရ လက်ထက်တုန်းက ဂျပန်လယ်သမားတွေကို မြန်မာနိုင်ငံ ဖိတ်ခေါ်ပြီး၊ မြန်မာနိုင်ငံမှာ အထွက်ကောင်းစေရေး မြန်မာတွေကို သင်ပြပေးဖို့အထိ စဉ်းစားခဲ့သော်လည်း ဒီအကြံအစည် အထမမြောက်ခဲ့ကြောင်း...

စသဖြင့် ရေးသားထားတာကိုလည်း ကျွန်တော် နားလည်သလောက် ဘာသာပြန် ဖော်ပြလိုက်ပါတယ်။ (Burma/Myanmar - What Everyone Needs To Know by David I. Steinberg စာမျက်နှာ-၁၂၄)

Koya San ခရီးအစ

ဒီလိုနဲ့ အတိုချုပ်ပြောရရင် မနွယ်ရဲ့ ကျေးဇူးကြောင့် Koya San ကို သွားချင်နေတဲ့ ဆန္ဒ ဒီနှစ် ၂၀၁၀၊ ဧပြီလမှာ ပြည့်မြောက်ခဲ့ပါတယ်။ တကယ်တမ်း ပြောရရင် ဧပြီလမှာ အတန်းသစ်တွေ စပြီဖို့ အလုပ်ကတော့ ခပ်ရှုပ်ရှုပ်ပါပဲ။ Koya San ကိုသွားဖို့ Ritsumeikan University (BKC - Biwako Kusatsu Campus) ကို ဧပြီလ ၁၆ ရက် (သောကြာနေ့) ညနေပိုင်းက ချီတက်ခဲ့ပါတယ်။



Ritsumeikan University (BKC) က အကြမ်းဖျင်းအားဖြင့် နာဂိုယာ နဲ့ ကျိုတိုကြားမှာ ရှိပါတယ်။ ကျိုတိုမြို့နဲ့ နာရီဝက်လောက်ဝေးပြီး၊ ထုံးစံအတိုင်း ကျည်ဆန်ရထား (Shinkensen) နဲ့သွားရင် ဈေးကြီးမှာမို့ ဈေးအသက်သာဆုံးနည်းကို ရှာဖွေရပါတယ်။ (နာဂိုယာ-ကျိုတို ခရီးကို ကျည်ဆန်ရထားနဲ့သွားရင် (၃၅) မိနစ်သာ ကြာပြီး၊ one way ကို ယန်း ၅၀၀၀ ကုန်ပါမယ်။)

ဒီနေရာမှာ ဂျပန်ပြည်တွင်း ခရီးသွားများကို ညွှန်းချင်တာကတော့၊ ဂျပန်မှာ လေယာဉ်၊ ရထား စတာတို့နဲ့ ဘယ်ကို သွားချင်ချင် ဈေးနှုန်း၊ အချိန် နဲ့ခရီးစဉ် အသေးစိတ်ကို http://www.hyperdia.com မှာ အင်္ဂလိပ်လို အလွယ်တကူ ရှာလို့ရပါတယ်။ အလွန်ကို အသုံးဝင်တာမို့ မသိသေးရင် စသုံးကြဖို့ တိုက်တွန်းချင်ပါတယ်။



ဥပမာ ကျည်ဆန်ရထား မဟုတ်ဘဲ Limited Express တို့၊ ရိုးရိုး Local ရထားတို့ စီးမယ်ဆိုရင်တော့ အချိန်ပေါ်မှာ မူတည်ပြီး ခရီးစဉ်တူကိုပဲ တစ်ချို့ ရထားက တိုက်ရိုက်၊ တစ်ချို့ ရထားက ၂ ကြိမ်၊ ၃ ကြိမ် စသဖြင့် ပြောင်းရတာမျိုးတွေ ရှိတတ်တာကြောင့် သေသေချာချာ ရွေးဖို့၊ browse လုပ်ဖို့တော့ လိုပါတယ်။ ဂျပန်မှာ (ယေဘုယျအားဖြင့်) ဘယ်အချိန်ချိန် ထသွားသွား၊ ကိုယ်သွားချင်တဲ့ ခရီးကို တစ်နည်းမဟုတ် တစ်နည်းနဲ့တော့ ရောက်နိုင်ပေမယ့်၊ ကြိုတင်ရှာထားနိုင်ရင်တော့ အနည်းဆုံး အချိန်ကုန် သက်သာမှာပါ။

(BKC) Biwako Kusatsu Campus ရှိတဲ့ Minami Kusatsu ကိုသွားဖို့ ကျွန်တော် ကျိုတိုအထိ မစီးတော့ဘဲ၊ လမ်းတ၀က်လို့ ပြောလို့ရတဲ့ Maibara အထိသာ စီးပြီး၊ Maibara ကနေ Minami Kusatsu ကို Local ရထား ပြောင်းစီးပါတယ်။ (Maibara ကို တိုက်ရိုက်ရထားနဲ့ သွားတာက တစ်နာရီ ရှစ်မိနစ်၊ နောက်ပြောင်းစီးမယ့် ရထားစောင့်ဘာစောင့်နဲ့ (နာဂိုယာကနေ) Minami Kusatsu အထိ ခန့်မှန်းချေ နှစ်နာရီဝန်းကျင် ကြာပါတယ်။ ပြောင်းတဲ့အကြိမ်များရင်တော့ သုံးနာရီဝန်းကျင်လောက် အချိန်ကုန်ကောင်း ကုန်နိုင်ပါတယ်။ (ကျည်ဆန်ရထားနဲ့မသွားဘဲ ရိုးရိုးရထားနဲ့သာ သွားတာမို့ အချိန်ပိုပေးရပေမယ့်၊ ယန်း ၂၀၀၀ ၀န်းကျင်သာ ကုန်ပါတယ်။)


(Maibara မှ Minami Kusatsu အထိ သွားတဲ့ ရထားမြေပုံ)

Minami Kusatsu ရောက်တော့ ဒေသခံ သူငယ်ချင်းတစ်ဦးက မိုးထဲလေထဲမှာ လာကြိုပြီး၊ ဦးဆုံး ညစာကျွေးပါတယ်။ သူကျွေးတဲ့ ဟင်းတွေထဲက ငါးဖယ်သုပ် ကိုတော့ အခုထိ တွေးတိုင်း စားချင်နေတုန်းပါပဲ။ စားပြီးတာနဲ့ တစ်ညတာတည်းမယ့် သူငယ်ချင်းရဲ့အိမ်ကို ထပ်ပြီး ခရီးဆက်ခဲ့ပါတယ်။ သူငယ်ချင်းကလည်း တိုက်တိုက်ဆိုင်ဆိုင် အဲဒီည သူ့အိမ်မှာ စားပွဲသောက်ပွဲလေး လုပ်တဲ့အစီအစဉ် ရှိနေတာကြောင့် ကျွန်တော်လည်း ၀င်နွဲဖြစ်ခဲ့ပါတယ်။ စပိန်၊ အင်ဒိုနီးရှား၊ ဥစ္စဘက်ကစ္စတန်၊ အီသီယိုပီးယား နိုင်ငံများက သူငယ်ချင်းမိတ်ဆွေသစ်တွေနဲ့ အချင်းချင်း ရောက်တက်ရာရာ အတွေ့အကြုံများကို နှီးနှောဖလှယ်ရင်း၊ အင်ဒိုနီးရှား သူငယ်ချင်းမလေးရဲ့ ရှားမှရှား ပြောဆိုဆွေးနွေးချက်များကြားမှာ ကျွန်တော်တို့တစ်တွေ ပျော်ပျော်ရွှင်ရွှင်နဲ့ မြန်မာနှစ်သစ်ကို ကူးဖြစ်ခဲ့ပါတယ်။ ပွဲပြီးချိန် နောက်ကျတာကြောင့်၊ နောက်တစ်နေ့ မနက် (၁၁) နာရီ ဘူတာစုရပ် မီဖို့ မနည်း ထခဲ့ရပါတယ်။

(ဆက်ပါဦးမည်...)

ဂျပန်ပြည်တွင်းခရီးစဉ်များ (သို့) Sendai နဲ့ Yamagata သို့ အလည်တစ်ခေါက် (၁)

နိဒါန်း

များပြားလှတဲ့ အတန်းတွေ၊ report တွေကြားထဲ ဘလော့ဂ်ကို ရေးသာမရေးဖြစ်တယ်၊ ရေးချင်စိတ်က အပြည့်ပါပဲ။ နောက်ပြီး ဘလော့ဂ်ကြောင့် ကောင်းတဲ့အလေ့အကျင့်တွေလည်း ရလာပါတယ်။ ဘလော့ဂ်မှာ ရေးဖြစ်ခဲ့ရင် ပြည့်ပြည့်စုံစုံ ရေးချင်တာကြောင့် ဘာမဆို မှတ်မှတ်သားသား ပိုလုပ်ဖြစ်လာတာကြောင့်ပါ။

၂၀၁၀ ရဲ့ ဂျပန်နိုင်ငံတွင်း ဒုတိယခရီးစဉ်အနေနဲ့ ပြီးခဲ့တဲ့ မတ်လ (၁) ရက်နေ့ ကနေ (၇) ရက်နေ့အထိ၊ တစ်ပတ်ကြာ ဂျပန်နိုင်ငံ မြောက်ပိုင်း၊ Tohoku က Sendai နဲ့ Yamagata ကို သွားဖြစ်ခဲ့ပါတယ်။ (၂၀၁၀ ရဲ့ ပထမဆုံးခရီးအနေနဲ့ ဇန်န၀ါရီလ ၅ ရက် ကနေ ၆ ရက် အထိ ကျောင်းကစီစဉ်တဲ့ တိုကျိုလေ့လာရေးခရီးကို လိုက်သွားဖြစ်ပါတယ်။)





ခရီးစဉ် ဆုံးဖြတ်ချက်

လွန်ခဲ့တဲ့ ၂၀၀၈ ဒီဇင်ဘာ ကျောင်းပိတ်ရက်အတွင်း Hiroshima သွားတုန်းက ဂျပန်နိုင်ငံမှာ ရှိတဲ့ ရှုခင်းအလှပဆုံး (၃) နေရာထဲက တစ်နေရာလို့ ဆိုတဲ့ Miyajima ကိုရောက်ဖြစ်ခဲ့ပါတယ်။


Hiroshima ကတစ်ဆင့် ဆက်သွားရတဲ့ Miyajima က နာမည်ကျော် Torii Gate

(ဂျပန်နိုင်ငံမှာ ရှိတဲ့ ရှုခင်းအလှပဆုံး (၃) နေရာထဲက နောက် (၂) နေရာကတော့ ကျိုတို မြောက်ပိုင်းက Amanohashidate နဲ့ ဆန်းဒိုင်ကနေ ဆက်သွားရတဲ့ Matsushima တို့ ဖြစ်ကြောင်း သိရပါတယ်။) Miyajima ကိုသွားပြီးကတည်းက အဆင်ပြေရင်တော့ ဂျပန်က နောက်ထပ် အလှဆုံး (၂) နေရာကို သွားဖို့ ဆုံးဖြတ်ထားခဲ့ပါတယ်။

ဆန်းဒိုင်နဲ့ပတ်သက်ရင် ကျွန်တော်နဲ့ တစ်နှစ်ကြာ အတန်း (Seminar) အတူတက် ဂျပန်သူငယ်ချင်းက ဆန်းဒိုင်ဇာတိ ဖြစ်တာ၊ နောက် နာဂိုယာနဲ့ယှဉ်ရင် နွေရာသီမှာ ရာသီဥတု ပိုအေးတာ၊ အချို့ဂျပန်တွေ နွေရာသီမှာ ဆန်းဒိုင်ကိုသွားပြီး အနားယူကြတာ၊ နောက်ကျွန်တော့်ရဲ့ ဗြိတိန်သူငယ်ချင်းက သူနာဂိုယာမှာ မဟာဘွဲ့ လာမတက်ခင်၊ လွန်ခဲ့တဲ့ နှစ်အတန်ကြာက ဆန်းဒိုင်မှာ အင်္ဂလိပ်စာဆရာ အဖြစ်လုပ်ဖူးတာ... စတာတွေလောက်သာ ကြားဖူး၊ သတိထားမိပါတယ်။

ဒီတစ်ခေါက် ကျောင်းပိတ်ရက်မှာ ဘယ်သွားရင်ကောင်းမလဲ စဉ်းစားနေတုန်း အတန်းဖော် ဂျပန်သူငယ်ချင်းနဲ့ စကားပြောကြရင်း အမှတ်မထင် Matsushima ကို ဆန်ဒိုင်းကနေ အလွယ်တကူ သွားလို့ရကြောင်း သိလာပါတယ်။ Ferry နဲ့ နာဂိုယာကနေ ဆန်းဒိုင်ကို တိုက်ရိုက်၊ ဈေးအသင့်အတင့်နဲ့ သွားလို့ရတဲ့ အကြောင်းပါ သိရလို့ ပိုစိတ်ဝင်စားသွားတာက တကြောင်း၊ နောက် ဆန်းဒိုင်မြို့သား ဂျပန်သူငယ်ချင်းက မတ်လ ပထမပတ်အတွင်းလာရင် သူလည်းဌာနေမှာ ရှိနေမှာဖြစ်လို့ အစစကူညီ လိုက်ပို့ပေးမယ်ဆိုတာကြောင့် တကြောင်း၊ စတဲ့ အကြောင်းကြောင်းတွေကြောင့် ဆန်းဒိုင်ကို သွားဖို့ ဆုံးဖြတ်မိပါတယ်။

travel companion (သို့) ခရီးသွားဖော်များ

ဒီတစ်ခေါက်တော့ တစ်ယောက်တည်း ခရီးမသွားချင်တာကြောင့်၊ ခရီးသွားဖော်များ ရွေးဖို့လိုလာပါတယ်။ သူငယ်ချင်းအတော်များများ က ကျောင်းကနှစ်စဉ် စီစဉ်ပို့ပေးတဲ့ (၃) ရက်ကြာ Ski Trip ကို လိုက်ကြမှာ ဖြစ်လို့ မအားကြပါဘူး။ (ကျွန်တော်က မနှစ်က ကောင်းကောင်းစီးပြီး၊ နာပြီးပြီမို့ ဒီနှစ်တော့ နားပါတယ်။ :P)

ခရီးသွားဖော်တွေနဲ့ ပတ်သက်တဲ့ ကျွန်တော့်သဘောကတော့ အုပ်စုလိုက် ခရီးစဉ်တစ်ခုကို လူ၎၊ ၅ ယောက်ထက် မပိုချင်ပါဘူး။ နောက် flexible ဖြစ်တဲ့ သူငယ်ချင်းများကို ရှာရပါတယ်။ ဥပမာ - ကျွန်တော်နဲ့ ခင်တဲ့ Uzbekistan နဲ့ အင်ဒိုနီးရှားက အချို့သူငယ်ချင်းများဟာ အရက်ဘီယာ မသောက်တာ၊ ဘာသာယုံကြည်ကိုးကွယ်မှုကြောင့် စားသောက်ရာမှာ ရွေးချယ်ရတာ... စတာတွေကြောင့် ခင်ပေမယ့် ခရီးအတူသွားတဲ့အခါ အဆင်မပြေပါဘူး။ နောက်လူသိပ်များရင်လည်း သူလုပ်ချင်တာနဲ့ ကိုယ်လုပ်ချင်တာ တစ်ခါတစ်ရံ ညှိရ အင်မတန်ခက်ပါတယ်။ ဒါကြောင့် ခရီးအတူသွားတဲ့ အဖော်များဟာ flexible ဖြစ်ဖို့၊ open-minded ဖြစ်ဖို့ လိုအပ်ပါတယ်။ ဒါမှသာ ပျော်ရွှင်တဲ့ခရီးဖြစ်နိုင်မယ်လို့ ထင်ပါတယ်။

ဒါနဲ့ တွဲလို့ကောင်းမယ်လို့ ထင်ရတဲ့ အခြားသူငယ်ချင်းများကို အဖော်ညှိရပါတယ်။ အတော်ရင်းနှီးတဲ့ ဂျပန်သူငယ်ချင်းများကလည်း လိုက်ချင်ပေမယ့် ဘွဲ့ရမည့်သူ (newly graduates) တွေ အတွက် ကြိုတင်ပြုလုပ်ပေးတဲ့၊ ဂျပန်မှာ အင်မတန်ခေတ်စားတဲ့ Job Hunting (အလုပ်ရှာ Seminar) များနဲ့ မအားကြတာကြောင့် နောက်ဆုံး လိုက်မယ်၊ မလိုက်ဘူးနဲ့ ဖေဖေါ်ဝါရီ ၂၂၊ ၂၃ အထိ ကျွန်တော်နဲ့ ဆွီဒင်က သူငယ်ချင်းတစ်ယောက်သာ သွားဖို့သေချာပါတော့တယ်။ တရုတ်သူငယ်ချင်းမလေးကတော့ အတော်ကို လိုက်ချင်ပေမယ့်၊ သူက တရုတ်ပြည် ခေတ္တပြန်မှာဖြစ်လို့ သူပြန်ရောက်မယ့် မတ်လ ၃၊ ၄ ရက်ကို ကျွန်တော်တို့တွေက မစောင့်နိုင်တာကြောင့် ထားခဲ့ရပါတယ်။ ဒီလိုနဲ့ သွားဖို့လက်မှတ် မ၀ယ်ခင်မှာဘဲ အမေရိကန်က သူငယ်ချင်းနဲ့ စကားစပ်မိရာက သူပါလိုက်ဖို့ ဖြစ်လာပါတယ်။

ဒါကြောင့် ဒီတစ်ခေါက် ကျွန်တော့် ခရီးဖော်တွေကတော့ Lund University, Sweden က ဆွီဒင်သူငယ်ချင်း Viktor, Green Mountain College, USA က Dan ၊ ဆန်းဒိုင်က စောင့်နေမယ့် ဂျပန်သူငယ်ချင်း Keisuke နဲ့ ကျွန်တော်တို့ (၄) ယောက် ဖြစ်သွားပါတယ်။ Viktor နဲ့ Dan က နာဂိုယာကို တစ်နှစ် exchange student အဖြစ်လာတဲ့ ကျောင်းသားတွေ ဖြစ်ပါတယ်။ ကျွန်တော် နဲ့ Keisuke က အသက် (၃၀) စီ၊ Viktor က (၂၅)၊ Dan က (၂၀) မို့ အသက်တွေလည်း ကွာကြပါတယ်။ နောက်ခံအခြေအနေ၊ ယဉ်ကျေးမှု နဲ့ ရှင်သန်ကြီးပြင်းခဲ့ပုံချင်း (Background, Culture နဲ့ Brought Up ဖြစ်ခဲ့ပုံချင်း) မတူညီတဲ့ လူ (၄) ယောက် ပေါင်းသွားတဲ့ ခရီးမို့ အတွေ့အကြုံ ကောင်းကောင်းရမယ်လို့တော့ ယူဆမိပါရဲ့။

means of transport (သို့) ဘာနဲ့သွားမလဲ

Ferry နဲ့တိုက်ရိုက်သွားလို့ ရကြောင်း Keisuke က ပြောပေမယ့် ကျွန်တော်ကတော့ ဈေးနှုန်းအပါအ၀င်၊ အခြားပိုကောင်းမယ့် နည်းလမ်းများနဲ့ သွားလို့ ရလိုရငြား အခြားနည်းလမ်း (possibilities) တွေကို ကျောင်းက Co-op မှာ စုံစမ်းရပါသေးတယ်။ ဂျပန်နိုင်ငံက တက္ကသိုလ်တွေက Co-op ဆိုင် (မြန်မာလိုဆို သမဆိုင် လို့ဆိုရမယ်ထင်ပါတယ်) တွေ ကတော့ တကယ့်ကို ကောင်းပါတယ်။ ခရီးသွားလက်မှတ်ကအစ စာရေးကိရိယာ၊ ကွန်ပြူတာ၊ မျက်မှန်ဆိုင် အဆုံး အကုန်ရှိတာကြောင့် မေးမြန်းစုံစမ်းရတာ အလွန်ကို အဆင်ပြေပါတယ်။ စုံစမ်းကြည့်တော့ နည်းလမ်း (၃) နည်း နဲ့ ဈေး (၃) မျိုးကို သိလာပါတယ်။

Shinkensen (Bullet Train)
ကျည်ဆံရထားနဲ့သွားရင် one way ကို ယန်း တစ်သောင်းကိုးထောင် (အမေရိကန်ဒေါ်လာ ၁၉၀) ခန့် ပေးရပါမယ်။

Bus
Bus နဲ့သွားရင် one way ကို ယန်း တစ်သောင်း (အမေရိကန်ဒေါ်လာ ၁၀၀) ခန့် ပေးရပါမယ်။

Ferry
Ferry နဲ့ ဆိုရင်တော့ one way ကို အိပ်စင်နဲ့သွားရင် ယန်း ရှစ်ထောင့်ငါးရာ (အမေရိကန်ဒေါ်လာ ၈၅) ခန့် ပေးရပါမယ်။

အားလုံးထဲမှာ Ferry သွားရင် ဈေး အသက်သာဆုံးပါပဲ။ သို့ပေမယ့် အချိန်ကတော့ နာရီ (၂၀) ခန့်ကြာမှာပါ။ ကျွန်တော်တို့တွေက ကျောင်းသားတွေ ဖြစ်တာကြောင့် အားလပ်ရက်မှာ အချိန်ပေးနိုင်ကြပါတယ်။ ပိုက်ဆံကတော့ နည်းလေကောင်းလေပေါ့။ ဒါကြောင့် နောက်ဆုံး ဈေးလည်းသက်သာ၊ Bus ထက်လည်း ပိုပြီး ဇိမ်ကျကျ သက်တောင့်သက်သာ သွားနိုင်မယ့် Ferry ခရီးကိုပဲ ရွေးလိုက်ပါတယ်။

(ဂျပန်မှာ ကျောင်းသူကျောင်းသားတွေ ကျောင်းပိတ်တဲ့ ရာသီ (holiday seasons) တိုင်းမှာ ဈေးသက်သက်သာသာနဲ့ ခရီးသွားနိုင်တဲ့ Seishun Juhachi Kippu (Youthful 18 Ticket) ဆိုတဲ့ ရထားလက်မှတ် ရှိပါသေးတယ်။ ဒီအကြောင်းကို နောက်ပို့စ်များမှာ အသေးစိတ် ရေးပါဦးမယ်။)

တကယ်တမ်း လက်မှတ်ဝယ်တော့ Ferry ကုမ္ပဏီက Promotion အစီအစဉ်ရှိတာကြောင့် (အိပ်စင်နဲ့) ယန်း ၈၅၀၀ အစား ယန်း ၇၂၀၀ ပဲ ပေးရပါတယ်။ ကံကောင်းချက်များ အားရစရာပါပဲ။




(သင်္ဘောပေါ်က အိပ်စင်ပုံ)

(ဆက်ရေးပါမည်။)

နှစ်သစ်ကူးမှ နှစ်ဟောင်းအတွေးများ

ဒီနေ့ ၂၀၁၀ ခုနှစ်၊ ဇန်န၀ါရီလ (၁) ရက်နေ့၊ ဂျပန်အချိန် မနက် (၄း၅၄) နာရီမှာ နှစ်သစ်ကူးနဲ့ ပတ်သက်တဲ့ အတွေးများ တွေးနေမိပါတယ်...

မနှစ်ကတော့ ဒီအချိန် အိုဆာကာမှာ လည်လို့ပတ်လို့၊ ပျော်လို့ကောင်းတုန်းပေါ့။ ဂျပန်ရောက်ခါစလည်းဖြစ်လို့ မနှစ်က ဒီလိုအချိန်မှာ သူငယ်ချင်းများနဲ့ ဟီရိုရှီးမားသွား၊ အပြန်မှာ အိုဆာကာ ၀င်ပြီး၊ နှစ်သစ်ကူးခဲ့ပါတယ်။ နှစ်သစ်ကူးအတွေးများ တွေးချိန်မရှိအောင်ကိုပဲ အသစ်အဆန်းများ၊ လေ့လာစရာများနဲ့ အချိန်ကုန်သွားခဲ့တယ်လို့ မှတ်မိပါတယ်။ ဒီနှစ်မှာတော့ ခရစ်စမတ်မတိုင်ခင် ၂၃ ရက်နေ့လောက်က စလို့ မထင်မှတ်ပဲ သွားလာစရာ ပွဲများဆက်သွားတာ တစ်ပတ်ခန့် ဖြစ်သွားလို့ နှစ်သစ်ကူးမှာ ဘာအစီအစဉ်မှ လုပ်မထား၊ သူငယ်ချင်းများ ခေါ်တဲ့ပွဲများကို မသွားဘဲ အိမ်မှာပဲ နေမယ်လို့ ဆုံးဖြတ်ခဲ့ပါတယ်။

ထုံးစံအတိုင်း နှစ်သစ်တစ်ခုကို ကူးပြောင်းရင် မိတ်ဆွေသူငယ်ချင်းအချို့ကတော့ နှစ်သစ်ကူးရည်မှန်းချက် (New Year Resolutions) များ ချမှတ်လေ့ရှိကြတာ ကြားဖူးပါတယ်။ ကိုယ်တိုင်တော့ တစ်ခါမှ New Year Resolutions ရယ်လို့ ချမှတ်ပြီး လုပ်ခဲ့တာ အခုအရွယ်အထိ မရှိသေးပါဘူး။

တိုက်ဆိုင်လို့ လုပ်ငန်းခွင်ထဲက ကျွန်တော်လေးစားရသော ဆရာသမားနဲ့လွန်ခဲ့သော ၂၀၀၇ ခုနှစ်လောက်က စကားပြောခဲ့တာ ပြန်အမှတ်ရပါတယ်။ ဆရာသမားက သူငယ်စဉ်ကတည်းက အမြဲတမ်း စည်းစနစ်၊ ရည်ရွယ်ချက်လေးနဲ့ လုပ်လေ့ရှိကြောင်း၊ ဥပမာ ဒီနှစ်မှာ စာအုပ် ဘယ်နှစ်အုပ် ကုန်အောင်ဖတ်မယ်၊ ဘာလုပ်မယ် စသည်ကို ရည်ရွယ်ဆုံးဖြတ်ထားပြီး၊ ပြီးမြောက်အောင်မြင်အောင် လုပ်ဆောင်လေ့ရှိကြောင်း၊ အသက်ဘယ်အရွယ်မှာ ဘယ်လိုလုပ်ငန်းစဉ်တွေ ပြီးပြတ်နေရမယ် စသဖြင့်လည်း သူအမြဲစဉ်းစား ကြိုးစားလုပ်လေ့ရှိကြောင်း ရှင်းပြဖူးပါတယ်။ သူဖြတ်သန်းခဲ့တဲ့ ဘ၀ခရီး၊ လက်ရှိအခြေအနေမှာ ရရှိထမ်းဆောင်နေတဲ့ တာဝန်နဲ့ အရည်အချင်းများကြောင့် သူဒီလို အရည်အချင်းရှိပြီး၊ အောင်မြင်တာဟာ ဒီလို well-planned ထား လုပ်ခဲ့တာကြောင့်လို့ ကျွန်တော် ထင်မြင်သုံးသပ်ပါတယ်။

ဒါကြောင့် ကျွန်တော့်ကိုယ် ကျွန်တော်လည်း ဒီလို စည်းစနစ်၊ ရည်မှန်းချက်လေးထားပြီး၊ အောင်မြင်ပြီးမြောက်အောင် လုပ်ဖို့ ရည်ရွယ်ထားပေမယ့်လည်း၊ လက်တွေ့မှာတော့ အခုအချိန်အထိ တိတိကျကျ တစ်ခုခုကို ဆုံးဖြစ်ချက်ချမှတ်ပြီး၊ လုပ်တာမျိုး မရှိသေးပါဘူး။ တတ်နိုင်သမျှ အကောင်းဆုံး ကြိုးစားမယ် ဆိုတာလောက်ပါပဲ။ ဘ၀ဆိုတာကလည်း တစ်ခါတစ်လေ ကိုယ်ရည်မှန်းလုပ်တဲ့ အတိုင်းလည်း ဖြစ်ချင်မှ ဖြစ်တတ်တာကိုး။

၂၀၁၀ ခုနှစ်ထဲမှာ အသက်က ၃၀ ကျော် ၃၁ နှစ် ပြည့်တော့မှာပါ။ စိတ်ကတော့ ကိုယ့်ကိုယ်ကို လူငယ်ပဲလို့ ထင်နေပေမယ့် လူငယ်ဘ၀ ကုန်ဆုံးလို့ လူလတ်ပိုင်းထဲကို သိသိသာသာ ၀င်ရောက်နေပါပြီ။

ဂျပန်နိုင်ငံ၊ ပညာရေးနဲ့ ဆက်စပ်ပြီးပြောရရင် အခုဆိုရင် ဘာလိုလိုနဲ့ ဂျပန်ရောက်တာ တစ်နှစ်ခွဲလောက် ရှိသွားပါပြီ။ ရောက်စ Orientation များနဲ့ ဘာသာစကားအတွက် (၃) လ၊ မဟာဘွဲ့ သုတေသန ကျောင်းသားဘ၀ နဲ့ (၆) လ၊ မဟာဘွဲ့ ပထမနှစ်ကျောင်းသား (ပထမနှစ်ဝက်) (၆) လ တို့ကိုဖြတ်ကျော်ပြီး၊ အခု (ဒုတိယနှစ်ဝက်) အလယ် ကိုရောက်နေပါပြီ။ ဒီတစ်နှစ်ခွဲလောက် ကာလဟာ အတော်မြန်မြန်ပဲ ကုန်သွားခဲ့တယ်လို့ထင်ပါတယ်။

ကုန်သွားတဲ့အချိန်တွေနဲ့ပတ်သက်ပြီး စဉ်းစားကြည့်ရင် အချည်းနှီး မဖြစ်ခဲ့ပေမယ့် စိတ်ထဲမှာ ကိုယ့်ကိုယ်ကိုလည်း အပြည့်အ၀တော့ မကျေနပ်ပါဘူး။ ငါကြိုးစားဖို့လိုသေးတယ်၊ ပိုပြီးကြိုးစားရဦးမယ်ဆိုတဲ့ စိတ်ကရှိနေဆဲပါ။ အင်း... ရယ်စရာ ပြောရရင်တော့ အတန်းအတူတက် သူငယ်ချင်းများနဲ့ ယှဉ်ရင်တော့ ဘာသာရပ်ယူတာ အပါအ၀င် အစစ သူများထက် နှစ်ဆလောက် အားထုတ်ခဲ့ပါတယ်။ အခုပြန်သုံးသပ် ကြည့်ရင် ကောင်းတာ၊ ဆိုးတာ စတဲ့ အတွေ့အကြုံတွေ အများကြီးရပါတယ်။

ဒေသန္တရ အတွေ့အကြုံနဲ့ပတ်သတ်ပြီး ပြောရင်တော့ အတိုင်းအတာ တစ်ခုအထိတော့ ဂျပန်ပြည်ကြီးကို နှံ့ခဲ့ပြီလို့ဆိုရမှာပါပဲ။

ကျွန်တော်နေတဲ့ နာဂိုယာ ကနေ စဉ်းစားရင် အထက်ပိုင်းက ဖူဂျီတောင်၊ တိုကျို၊ ယိုကိုဟားမား၊ ဆုကုဘား၊ အောက်ပိုင်းမှာ ကျိုတို၊ နာရာ၊ အိုဆာကာ၊ ကိုဘေး၊ ဟီရိုရှီးမား၊ အောက်ပိုင်းအစွန်ဆုံး ကာဂိုရှီးမား အထိ ရောက်ပြီးသွားပါပြီ။ တိုကျို နဲ့ အိုဆာကာ ဆိုရင် ရောက်တဲ့အကြိမ်အရေအတွက်က အတော်များနေပြီး၊ ကိုယ်နေတဲ့မြို့ထက်တောင် သွားလာရမယ့် နေရာတွေကို ပိုမှတ်မိနေတယ်လို့ဆိုရမှာပါပဲ။ တခြားမြို့ငယ်လေးတွေကို နေ့ချင်းပြန် ခရီးတိုလေးတွေ သွားတာပါ ထည့်တွက်ရင် ကိုယ့်မြန်မာပြည်ထက်တောင် ပိုနှံ့နေတယ်လို ဆိုရမလားပဲ။

ကိုယ့်နိုင်ငံမှာက အလုပ်တစ်ဖက်နဲ့မို့ ပြည်တွင်းခရီးထွက်ဖို့ဆိုတာ အိမ်မက်လိုပါပဲ။ မကြာခင်လာမယ့် ကျောင်းပိတ်ရက်များမှာ သွားဖြစ်လို့ အမေရိကန်အခြေစိုက်စစ်စခန်းရှိတဲ့ အိုကီနာဝါ (သို့) အထက်ပိုင်းက အလွန်အေးတဲ့ ဟော့ကိုင်းဒိုး ရောက်ဖြစ်မယ်ဆိုရင်တော့လည်း အတော်ပျော်စရာကောင်းပြီး၊ ဗဟုသုတရမယ် ထင်ပါတယ်။

မိတ်ဆွေ သူငယ်ချင်း အပေါင်းအသင်းများနဲ့ ပတ်သက်ရင်လည်း အပေါ်ယံသာမက တစ်ကယ့်ကို ခင်ခင်မင်မင်ပေါင်းလို့ရတဲ့၊ ဂျပန်သူငယ်ချင်းတွေ အပါအ၀င် နိုင်ငံတကာသူငယ်ချင်းတွေ တိုးပွားလာလို့ ၀မ်းသာ ပျော်ရွှင်မိပါတယ်။ သူတို့တွေနဲ့ အခုအချိန်ကစလို့ နောက်နောင်ရေရှည်မှာ ပြန်တွေ့ဖို့၊ လက်တွဲလုပ်ကိုင်နိုင်ဖို့လည်း မျှော်လင့်လျက်ပါပဲ။

ဒါတွေကတော့ နှစ်သစ်ကူးမှာ ပြန်ပြောင်းစဉ်းစားမိတဲ့ နှစ်ဟောင်းအတွေးများ ပါပဲ။ နှစ်သစ်ကူး ရည်မှန်းချက်များကိုတော့ နောက်ပို့စ်များမှာ ဆက်စဉ်းစားကြတာပေါ့ဗျာ။

ရောက်တတ်ရာရာ ခရီးသွား အတွေ့အကြုံများ

ကျွန်တော် အခုရောက်နေတာ ဂျပန်နိုင်ငံရဲ့ အလယ်ပိုင်းက နာဂိုယာမြို့မှာပါ။






(ကျွန်တော်ရိုက်ထားတဲ့ နာဂိုယာဘူတာ တ၀ိုက်၊ မြို့လယ်မြင်ကွင်းများပါ။)

ဖွံ့ဖြိုးတိုးတက်ပေမယ့် တိုကျိုမှာလို ပျော်စရာ၊ ရွှင်စရာ သွားစရာ၊ လာစရာတွေ မပေါဘူးလို့ ယူဆတာကြောင့် အားရင်အားသလို တိုကျို၊ ဒါမှမဟုတ် အခြားသော စိတ်ဝင်စားစရာကောင်းပြီး၊ မရောက်ဖူးသေးတဲ့နေရာတွေ သွားဖို့ ကျွန်တော်အမြဲ အခွင့်အလမ်း ရှာပါတယ်။

ဂျပန်မှာက အားလုံးသိကြတဲ့အတိုင်း အစစအရာရာ ဈေးကြီးတာကြောင့် သွားမယ့်နေရာတွေကိုလည်း ချင့်ချိန်ရွေးချယ်ရပါတယ်။ ချင့်ချိန်ရွေးချယ်ရင်းနဲ့ပဲ ဂျပန်ကိုရောက်ပြီး (၉) လအတွင်းမှာ မရောက်ဖူးသေးတဲ့ နေရာအတော်များများကို သွားဖြစ်ခဲ့ပါတယ်။ ကျောင်းသားဖြစ်တာကြောင့် ကျောင်းအားရက်များမှာ သွားတာ များပါတယ်။

သွားခဲ့ဖူးတဲ့နေရာတွေ ပြန်စဉ်းစားကြည့်ရင် Tokyo, Yokohama, Tsukuba, Ushiku, Kyoto, Nara, Osaka, Hiroshima, Kagoshima (Kyushu) နဲ့ Gifu (Ski Trip) တို့ကို ရောက်ပြီးသွားပါပြီ။ အချိန်တိုတိုအတွင်း အထူးသဖြင့် ဒီဇင်ဘာ နဲ့ မတ်လ အားလပ်ရက်များအတွင်းမှာ ဒီလောက်ခရီးပေါက်ခဲ့တာကို ကိုယ့်ဘာသာ ကိုယ်လည်း အတော်ကျေနပ်အားရပါတယ်။

တစ်နေရာချင်းအလိုက် စိတ်ဝင်စားစရာတွေ၊ လေ့လာမှတ်သားသင့်တာတွေ အများကြီးပါပဲ။ အချို့သော ခရီး တွေကို သူငယ်ချင်းအပေါင်းအသင်း ရောင်းရင်းများနဲ့ သွားခဲ့တာဖြစ်ပြီး၊ အချို့ခရီးများကိုတော့ တစ်ယောက်တည်းပဲ သွားခဲ့ပါတယ်။

ကျွန်တော်က တစ်ယောက်တည်း ခရီးသွားရတာကို အတော်ကို နှစ်သက်ပါတယ်။ ကျွန်တော့်ကို တစ်ချို့က မေးကြပါတယ်။ တစ်ယောက်တည်း ခရီးသွားရတာ မပျင်းဘူးလားတဲ့။ မပျင်းတဲ့ အပြင် ပျော်တောင်ပျော်သေး။ ကျွန်တော်ကတော့ တစ်ခါတစ်ရံ တစ်ယောက်တည်းသွားရတာ ပိုအရသာရှိတယ် လို့ထင်တယ်ဗျာ။

နောက်တစ်ခုက ကျွန်တော်ဖတ်ခဲ့ဖူးတဲ့ စာသားလေးတစ်ခုကို နားလည်သလို ပြန်ပြောရရင် လူတစ်ယောက်ဟာ တစ်ယောက်တည်း၊ တစ်ကိုယ်တည်း ဖြစ်နေချိန်မှာ မပျော်ရင် အဖော်အပေါင်းနဲ့လည်း ပိုမပျော်ဘူးလို့ ဆိုပါ တယ်။ ဆိုလိုတာက တစ်ကယ်ပျော်ရွှင်တဲ့လူတစ်ယောက်ဟာ တစ်ယောက်တည်းလည်း ပျော်တယ်၊ သူငယ်ချင်း မိတ်ဆွေများနဲ့ အတူရှိနေချိန်မှာလည်း ပျော်တယ်ပေါ့ဗျာ။ ဘယ်လိုထင်ပါသလဲ ဒီအယူအဆကို...။

တစ်ယောက်တည်း ခရီးသွားတာဟာ ကိုယ့်ကိုယ်ကို ယုံကြည်မှု (personal self confidence) ပိုတက်လာစေ တယ်လို့လည်း ထင်တယ်ဗျ။ နောက်တစ်ခုက နိုင်ငံခြားသား လူငယ်တွေ တစ်ယောက်တည်း ခရီးသွားလာ ကြတာ (Backpacking လုပ်တာ) ကို အားကျတာလည်း ပါတယ်လို့ ရိုးသားစွာ ၀န်ခံရမှာပါပဲ။ ဘာကို အားကျတာလဲဆိုတော့ ... သူတို့ဗျာ ငယ်ငယ်ရွယ်ရွယ် အသက် ၂၀ ၀န်းကျင်လောက်နဲ့ တစ်ခါမှ မရောက်ဖူး၊ မသွားဖူးတဲ့ နေရာတွေကို ကျောပိုးအိတ်တစ်လုံးလွယ်၊ Travel Guide Book ကိုင်၊ မြေပုံကိုင်ပြီး လျှောက်သွား စူးစမ်းကြတဲ့ စိတ်ဓါတ်ကိုပါ။

ကျွန်တော့်ရဲ့ နိုင်ငံရပ်ခြား တစ်ယောက်တည်း ပထမဆုံး Backpacking ခရီးသွားအတွေ့အကြုံက တော့ ၂၀၀၅ ခုနှစ်ခန့်က ဗီယက်နမ်နိုင်ငံကို သွားခဲ့တာပါပဲ။ ဘာ hotel reservation မှ မလုပ်၊ ဘာမှ Fixed လုပ်မထားဘဲ၊ တစ်ကယ့်ကို စိတ်လွတ်ကိုယ်လွတ် Backpacker လုပ်ခဲ့တာပါ။ ရင်ခုန်စရာ အတွေ့အကြုံတွေ အများကြီး ရခဲ့ပါ တယ်။


(ကျွန်တော်ရိုက်ခဲ့တဲ့ ဗီယက်နမ်နိုင်ငံ၊ ဟိုချီမင်းစီးတီးက ဈေးမြင်ကွင်း)

နောက်တစ်ခု Backpacker တွေနဲ့ ပတ်သက်ပြီး ကျွန်တော်ယခင်က ထင်မြင်ခဲ့တဲ့ မှားယွင်းတဲ့ အယူအဆတစ်ခု ကို ပြောပြချင်ပါတယ်။

အရင်တုန်းက၊ ငယ်စဉ်တုန်းကပေါ့ဗျာ ကြားဖူးနားဝနဲ့ Tourist ဆိုရင် ဟိုတယ် အကောင်းစားမှာတည်း၊ ကောင်းကောင်းနေ၊ ကောင်းကောင်းစား၊ ကောင်းကောင်းသွားတဲ့လူမှ တကယ့် Tourists လို့၊ Backpacker တွေဆိုတာ ကလေကချေတွေ၊ စုတ်တီးစုတ်ပြတ် ညစ်တီးညစ်ပတ်နဲ့ ပိုက်ဆံမရှိတဲ့ ကောင်တွေလို့ ကျွန်တော်ထင်ခဲ့တယ်ဗျ။ (တစ်ချို့ဆိုရင် ဈေးထဲ လူမြင်ကွင်းမှာ တီရှပ်တစ်ထည် အသစ်ဝယ်၊ လူမြင်ကွင်းမှာ ချွတ်လဲ၊ ၀တ်လာတာကို လွှတ်ပစ် စသဖြင့် ပြုမူချက်တွေကို တွေ့ဖူးတော့)

တစ်ကယ်တော့ ကျွန်တော့်ရဲ့ ဒီထင်မြင်ချက်မှားကြောင်း နောက်ပိုင်း ကိုယ်တိုင် Backpacker လုပ်၊ Backpacker တွေ တည်းတဲ့နေရာမှာတည်း၊ သူတို့တွေနဲ့ စကားစမြည် ပြောဆို ခင်မင်ရင်းနဲ့မှ သိမြင်လာ တယ်ဗျ။

ဥပမာဗျာ ကျွန်တော်တွေ့ဖူးတဲ့သူအချို့ အကြောင်းပြောရရင် ကမ္ဘာ့ကျောင်းကောင်းကြီးတွေက မဟာဘွဲ့၊ ပါရဂူဘွဲ့တွေ ရထားတဲ့သူများ၊ အချို့ဆိုရင် လက်ရှိ နိုင်ငံတကာခေါင်းဆောင်တွေ တက်ရောက် အောင်မြင်ခဲ့တဲ့ တက္ကသိုလ်များက အောင်မြင်ကြသူများ စသဖြင့် ပေါ့ဗျာ။ သူတို့တွေနဲ့ စကားပြောဆိုရတာ၊ ခရီးသွား အချင်းချင်း တစ်ယောက်အတွေ့အကြုံ တစ်ယောက် ဝေမျှကြရင်းနဲ့ ဗဟုသုတ အတော်ပဲတိုးပါတယ်။

ဒါကြောင့် Backpacker တွေနဲ့ပတ်သက်ရင် ကျွန်တော့် လက်ရှိထင်မြင်ချက်ကတော့ လူငယ်တွေ၊ အများအားဖြင့် ပညာတတ်တွေ၊ ခရီးသွားအတွေ့အကြုံများသူတွေ၊ ပိုက်ဆံနည်းနည်းနဲ့ နေရာဒေသ စုံလင် နှံ့စပ်အောင် သွားလိုတဲ့ Budget Traveller တွေလို့ ယူဆပါတယ်။ ဒါပေမယ့် စုံးပြူးတွေလည်း ရှိစမြဲပေါ့ဗျာ။

ဒီတော့ဗျာ ကျွန်တော်ကတော့ ကျွန်တော်တို့ လူမျိုးတွေ၊ အထူးသဖြင့် ကိုယ့်လို လူငယ်တွေကို ခရီးများများ ထွက်စေချင်၊ ခရီးသွား ဗဟုသုတ များများရစေချင်တယ်ဗျာ။ ဘာမဆို သူများပြောတဲ့ ကြားဖူးနားဝလောက်ကိုပဲ နားမယောင်ဘဲ ကိုယ်တိုင် actually witness လုပ်ဖို့ တိုက်တွန်းချင်ပါတယ်။

နောက်တစ်ခုကတော့ ဒေးကာနက်ဂျီ နည်းလို့ပဲ ပြောရမလား လူစိမ်းနဲ့တွေ့ရင်၊ ကိုယ်နဲ့မသိ၊ မရင်းနှီးတဲ့သူတွေနဲ့တွေ့ရင်လည်း ကိုယ်ကစပြီး ပြုံးပြဖို့၊ စကားစပြောဖို့ ၀န်မလေးဖို့ပေါ့ဗျာ။ ဒါဆိုရင် တစ်ယောက်တည်းဖြစ်ဖြစ်၊ အပေါင်းအသင်း ရောင်းရင်းတွေနဲ့ ဖြစ်ဖြစ် အောင်အောင်မြင်မြင် ပျော်ပျော်ရွှင်ရွှင် ခရီးသွား Backpacking လုပ်နိုင်ကြမှာပါ။

Meiji Mura သို့ အလည်တစ်ခေါက် ရောက်ခဲ့စဉ်က (၁)

ပြတိုက်အကြောင်း လက်ကမ်းစာစောင်၊ ရွာဝင်ကြေး နဲ့ ကားစီးခ လက်မှတ်များ

Kyoto Streetcar

Village Bus

ဒီနေ့ ၂၀၀၈ ခုနှစ်၊ နိုဝင်ဘာလ ၂၃ ရက်နေ့မှာ မှတ်မှတ်ရရ၊ ဂျပန်နိုင်ငံက Meiji Mura ကို အလည်အပတ် လေ့လာရေးခရီး ထွက်ခဲ့ကြပါတယ်။ Mura ဆိုတာက ဂျပန်လိုခေါ်တာဖြစ်ပြီး၊ village (ရွာ) ကို ဆိုလိုတာပါ။ ဒီရွာကို ၁၉၆၅ ခုနှစ်၊ မတ်လက ဖွင့်လှစ်ခဲ့ပါတယ်။ မေဂျီခေတ် (၁၈၆၈-၁၉၁၂) အတွင်းက ဂျပန်နိုင်ငံရဲ့ ယဉ်ကျေးမှု အနုပညာလက်ရာတွေကို ထိန်းသိမ်းချင်တာရယ်၊ နှောင်းခတ် အများပြည်သူတွေကို သိရှိအောင် ပြသချင်တာရယ် စတဲ့အချက် တွေကြောင့် ဖွင့်လှစ်ခဲ့တဲ့ open-air museum ပဲ ဖြစ်ပါတယ်။

ဒီခရီးကို သူငယ်ချင်း လေးယောက်နဲ့ အတူသွားခဲ့တာပါ။ ကျွန်တော်နဲ့အတူ ဂျပန်သူငယ်ချင်း သုံးယောက်၊ မြန်မာသူငယ်ချင်း တစ်ယောက် ပါပါတယ်။ ရွာဝင်ကြေးကတော့ ဈေးကြီးတယ်ဗျာ၊ ယန်း ၁၆၀၀ ပေးရတယ်။ နောက်ပြီး ရွာထဲမှာရှိတဲ့ ရထား၊ ကား (သူတို့အခေါ် steam-locomotive train, Kyoto streetcar, village bus) စတာတွေ တစ်နေကုန် (အ၀စီး) ချင်ရင် နောက်ထပ် ယန်း ၈၀၀ ထပ်ပေးရမယ်ဗျ။ ကျွန်တော်တို့တော့ Kyoto streetcar ကိုပဲ သီးခြား ယန်း ၃၀၀ ပေးပြီး တစ်ကြိမ်ပဲ စီးခဲ့ပါတယ်။

သမိုင်းကြောင်းလေး ကြုံတုန်းပြောပြရရင် မေဂျီခေတ်ဟာ ဂျပန်နိုင်ငံရဲ့ သမိုင်းမှာ အတော်ကို အရေးပါပါတယ်။ မေဂျီခေတ်မှာ ဂျပန်နိုင်ငံဟာ ပြင်ပကမ္ဘာ့နိုင်ငံတွေကို စတင် တံခါးဖွင့်ပေးခဲ့ပါတယ်။ ခေတ်မီဂျပန်နိုင်ငံ ဖြစ်လာစေဖို့အတွက် အနောက်တိုင်း ယဉ်ကျေးမှု၊ နည်းပညာတွေကို ဂျပန်နိုင်ငံတွင်းမှာ စတင် အစပျိုး၊ မိတ်ဆက်လာတဲ့ခေတ်လို့ဆိုရင်လည်း မမှားဘူးပေါ့ဗျာ။