ဂျပန် လူငယ်ဘ၀၊ အချစ်၊ အလွမ်း၊ ဆန်းကြယ်မှုတွေကို ထင်ဟပ်တဲ့ Murakami ၀တ္ထုများ မိတ်ဆက်

(Haruki Murakami ရဲ့ Norwegian Wood ၀တ္ထုစာအုပ်)

ဂျပန်နိုင်ငံမှာ ရောက်နေပြီး၊ ဘယ်လောက်ပဲ သူတို့ဝန်းကျင်မှာ လှုပ်ရှားသွားလာ လုပ်ကိုင်နေပါစေ၊ ဂျပန်စကားကို လိပ်ပတ်လည် အောင် မပြောနိုင်၊ ဂျပန်စာလည်း ကောင်းကောင်း မဖတ်တတ်၊ နောက် ဂျပန်လူမျိုးတွေနဲ့ ရင်းရင်းနှီးနှီး ဆက်ဆံပေါင်းသင်းမှု (socialize) မလုပ်ရင် ဂျပန်တွေရဲ့အကြောင်း ကောင်းကောင်း သိဖို့ မလွယ်ပါဘူး။ ဂျပန်မှာ လက်ရှိရောက်နေခိုက်မို့ ဂျပန် ဥပမာ ပေးလိုက်ပေမယ့် အခြားနိုင်ငံများမှာလည်း ယေဘုယျအားဖြင့် အတူတူပါပဲ။

ကျွန်တော်လည်း ဂျပန်စာကို အသက်ကယ် အဆင့် (survival Japanese) လောက်သာ လေ့လာထားတာမို့၊ သူတို့အကြောင်း သိအောင် အခြားနည်းလမ်းတွေ ရှာဖွေရပါတယ်။ နည်းလမ်းတွေထဲက တစ်ခုကတော့ အချိန်ရရင် ရသလို၊ ဂျပန်နဲ့ပတ်သက်တဲ့ စာအုပ်စာပေတွေ၊ ရုပ်ရှင်တွေ ရှာဖွေဖတ်ရှု၊ ကြည့်ရှုခြင်းပါပဲ။ ဒီလိုလေ့လာစူးစမ်းရင်းနဲ့ ကျွန်တော်သဘောကျ နှစ်သက်တဲ့ ဂျပန်စာရေးဆရာ တစ်ယောက် ရလာပါတယ်။ သူကတော့ Haruki Murakami ပါ။


(ကိုယ်ပိုင် Murakami စာအုပ်အချို့)

ဂျပန်မှာ ဘယ်စာအုပ်ဆိုင် ကိုသွားသွား အင်္ဂလိပ်လို ဘာသာပြန်ထားတဲ့ သူ့ရဲ့ စာအုပ်တွေကို တွေ့ရပါတယ်။ ကျောင်းစာကြည့်တိုက်က နိုင်ငံခြားသား ကျောင်းသားတွေ ဖတ်ဖို့ ညွှန်းထားတဲ့ စာအုပ်စင် (International Students' Corner) မှာလည်း သူ့စာအုပ်တွေ ရှိပါတယ်။ ဒါကြောင့် သူ့စာအုပ်အချို့ကို မြည်းစမ်းကြည့်ခွင့်ရခဲ့တယ်။ သူ့စာအုပ်အချို့ကို ဖတ်မိအပြီးမှာ သဘောကျတာကြောင့် မိတ်ဆက်ပေးချင်တာပါ။


(ကျောင်း စာကြည့်တိုက်က International Students' Corner)

ကျွန်တော်အနေနဲ့ တစ်ခါမှ မဖတ်ဖူးသေးတဲ့ စာရေးဆရာတစ်ယောက်ရဲ့ စာကို စဖတ်မယ်လို့ စိတ်ကူးရင် သူ့ရဲ့ နာမည်အကြီးဆုံး စာအုပ်ကို အရင် ဖတ်လေ့ရှိတယ်ဗျ။ ကိုယ်တွေ့အရ အချို့သော အင်္ဂလိပ်ဝတ္တု (fiction) စာရေးဆရာတွေက စာအုပ်တိုင်းမှာ မကောင်းဘူးဗျ။ မဆွဲဆောင်နိုင်ဘူး။ ကိုယ် ဘာသာစကား အားနည်းတာလဲ ပါတာပေါ့ဗျာ။

ဒါကြောင့် fiction တွေဖတ်မယ်ဆိုရင် အချိန်လည်း မကုန်ရအောင် သူတို့ရဲ့ နာမည်အကြီးဆုံး စာအုပ်ကို အရင်ရှာဖတ်ပါတယ်။ ဒီနည်းက နာမည်ကြီးစာအုပ်ကို မြည့်စမ်းဖူးသွားသလို၊ ဒီစာရေးဆရာက ဘယ်လိုအကြောင်းအရာမျိုးကို ရေးတတ်တဲ့ စာရေးဆရာလဲ ဆိုတာကိုပါ ယေဘုယျ ခွဲခြားနိုင်သွားတာပေါ့။ သူ့အရေးအသားနဲ့ ဇာတ်လမ်းကို ကြိုက်ရင် နောက်ပိုင်း ဆက်ဖတ်၊ မကြိုက်ရင် ရပ်လိုက်ရုံပါပဲ။

ကျွန်တော် ပထမဦးဆုံး ဖတ်ခဲ့တဲ့ Murakami ရဲ့ ၀တ္ထုက Kafka on the Shore ပါ။ ဂျပန် ရောက်ခါစက ဖတ်ခဲ့တာပါ။ သူ့ရဲ့ နာမည်အကြီးဆုံး ၀တ္ထုလို့လည်း ညွှန်းကြပါတယ်။ အိမ်ပြေးလူငယ်လေး တစ်ယောက်ရဲ့ အကြောင်းကို အခြေခံပြီး ရေးထားတာပါ။ အတိအကျ မမှတ်မိတော့ပေမယ့် ဖတ်လို့ကောင်းတဲ့ ဇာတ်လမ်းလေး တစ်ပုဒ်ပါပဲ။ Murakami ရဲ့ အရေးအသားမှာ ဂျပန် လူငယ်တွေရဲ့ ဘ၀ကို ထင်ဟပ်ထားတာ၊ အချစ်၊ အလွမ်း ခံစားချက်တွေကို ပီပီပြင်ပြင် ရေးဖွဲ့ရုံတင်မက လိင်မှုဆိုင်ရာ ရေးသားချက်တွေကလည်း အတော်ပဲ ပွင့်လင်းတာကို သတိထားမိပါတယ်။ မြန်မာနိုင်ငံမှာ ဆိုရင်တော့ ဆင်ဆာထိမှာ အသေအချာပါ။

ကျွန်တော်ဖတ်ရတဲ့ Murakami ရဲ့ ၀တ္ထုတွေ အားလုံးက ဘာသာပြန်တွေပါ။ ဟားဗတ်တက္ကသိုလ် (Harvard University) လို ကမ္ဘာကျော်တက္ကသိုလ်တွေမှာ ဂျပန်စာပေ၊ ဘာသာစကားကို အထူးပြုလေ့လာ၊ ကျွမ်းကျင်ကြတဲ့ ပါမောက္ခများက ဂျပန်ဘာသာကနေ ဘာသာပြန်ဆို ထားကြတာပါ။ ဒါကိုတောင်

ကျွန်တော့်ရဲ့ ဂျပန်လူမျိုး ပါမောက္ခတွေ၊ သူငယ်ချင်းတွေက "တချို့ဘာသာပြန်မှုတွေက ဆိုလိုရင်း မရောက်ဘူး၊ တချို့ဂျပန်စကားလုံးတွေဟာ အင်္ဂလိပ်လို ဘာသာပြန်ဆိုလို့ မရနိုင်ဘူး" လို့ စောဒဂတက် ကြပါတယ်။

ဘာပဲဖြစ်ဖြစ် ကျွန်တော့်လို ဂျပန်စာ မတတ်သူ (Japanese language illiterate) အတွက်ကတော့ ဒီလို ဘာသာပြန်ဆိုမှု တွေကြောင့် ဂျပန်ဝတ္ထုတွေနဲ့ ရင်းနှီးခဲ့ရလို့ ကျေးဇူးတင်ရမှာပါ။

Murakami ရဲ့ အချို့ဝတ္ထုတွေက အတော်ထူပေမယ့် အချို့ဝတ္ထုတွေကတော့ ခပ်ပါးပါး၊ ခပ်တိုတိုပါပဲ။ ကျွန်တော်ဖတ်ဖြစ်ခဲ့တဲ့ ၀တ္ထုတွေ ထဲက After the Quake နဲ့ After Dark ဆိုရင် ဇာတ်လမ်းက ခပ်တိုတိုပါပဲ။ ဒါပေမယ့် စာဖတ်သူကို အတော် ဆွဲဆောင်နိုင်ပါတယ်။

မှတ်မိသလောက် ပြန်ပြောရင် After the Quake က ၁၉၉၅ ခုနှစ်က ဂျပန်နိုင်ငံမှာ လှုပ်ခဲ့တဲ့ ကမ္ဘာကျော် ကိုဘေးငလျင် (Kobe Earthquake) ကို အခြေခံပြီး ရေးထားတာပါ။ ကိုဘေးငလျင် လှုပ်တုန်းက ကျွန်တော်က (၁၀) တန်းကျောင်းသား ဆိုတော့ မှတ်မှတ်ရရ ရှိနေပါတယ်။ ဒီဝတ္ထု ဖတ်လိုက်ရတော့ ငယ်ငယ်တုန်းက ကြည့်ခဲ့ဖူးတဲ့ မြန်မာ့အသံက ငလျင်သတင်းကိုတောင် ပြန်မှတ်မိသွားတယ်။ ဒါကြောင့် ဒီဝတ္ထုဖတ်အပြီးမှာတော့ ကိုဘေးကို မကြာခဏ ရောက်ခဲ့ပေမယ့်လည်း၊ မသွားဖြစ်ခဲ့တဲ့ ကိုဘေးငလျင်ပြတိုက် (Kobe Earthquake Museum) ကို အရောက်သွားခဲ့တယ်။ အတော် ဗဟုသုတရပါတယ်။ ဂျပန်ရောက် မိတ်ဆွေများ မရောက်သေးရင် သွားဖို့ ကြုံတုန်း တိုက်တွန်းလိုက်ပါတယ်။


(ကိုဘေးငလျင်ပြတိုက် - Kobe Earthquake Museum)


(ငလျင်လှုပ်ခဲ့တဲ့ ၁၉၉၅ ခုနှစ် နဲ့ ကိုဘေးငလျင်ပြတိုက်)

After Dark ကတော့ တိုကျိုက တစ်ညတာ အဖြစ်အပျက်ကို ရေးထားတာပါ။ ဂျပန်နိုင်ငံရဲ့ နာမည်ကြီး အချစ်ဟိုတယ် (Love Hotel) အကြောင်းလည်း ထည့်သွင်းရေးထားလို့၊ ကိုယ်တိုင်မရောက်ဖူးသေးရင် စာအုပ်ထဲကနေ အရောက် သွားနိုင်ကြပါတယ်။

Murakami ရဲ့ မကြာသေးခင်ကမှ ဂျပန်ဘာသာနဲ့ ထုတ်ခဲ့တဲ့ 1Q84 ဆိုရင် ဂျပန်မှာ ကြိတ်ကြိတ်တိုး ၀ယ်ယူခဲ့ကြပြီး၊ နှစ်ပတ်အတွင်း မှာတင်ပဲ အုပ်ရေ တစ်သန်း ရောင်းရတယ်လို့ The Japan Times သတင်းစာက ဆိုပါတယ်။


(The Japan Times သတင်းစာပါ 1Q84 စာအုပ်အညွှန်း)

Kafka on the Shore လို နောက်ထပ် နာမည်ကြီးတဲ့ စာအုပ်ကတော့ ၁၉၈၇ မှာထုတ်ခဲ့တဲ့ Norwegian Wood ပါ။ ဒီစာအုပ်ကြောင့် Haruki Murakami ဆိုတဲ့ နာမည်တစ်လုံး ရပြီး၊ ထင်ရှားကျော်ကြား လာတာပါ။ ဂျပန်ပြည်တွင်းမှာတင် အုပ်ရေ (၁၀) သန်း နဲ့ နိုင်ငံရပ်ခြားမှာ ဘာသာပြန်ဆိုပြီး အုပ်ရေ (၂) သန်းကျော် ရောင်းပြီးပြီတဲ့ဗျ။

မြန်မာ့လူဦးရေရဲ့ နှစ်ဆကျော် ရှိတဲ့၊ ဂျပန်လူမျိုးတွေရဲ့ စာဖတ်အားကို ဒီနေရာမှာ အသိအမှတ်ပြု ရမယ်ဗျ။ မြန်မာ့လူဦးရေ သန်း ၅၀ ကျော်မှာ စာအုပ်တစ်အုပ် (၀တ္ထု ပဲဖြစ်ဖြစ်၊ ၀တ္ထုမဟုတ်သော စာပေပဲ ဖြစ်ဖြစ်) ကို အုပ်ရေ ထောင်ဂဏန်း၊ သောင်းဂဏန်း ကုန်ဖို့၊ ထုတ်ဝေနိုင်ဖို့ မနည်း ကြိုးစားရကြောင်း ကြားရတာဟာ ကျွန်တော်တို့တွေ စာဖတ်နည်းနေ သေးကြောင်း နဲ့ ဆုတ်ယုတ်မှုကို အထင်အရှား ပြတာပါပဲ။

Norwegian Wood ကတော့ ရုပ်ရှင်အဖြစ် မကြာခင် မှာကြည့်ရတော့မှာပါ။ ဒီဇာတ်လမ်းကို ရုပ်ရှင်ရိုက်မယ့် ဒါရိုက်တာကတော့ ရိုက်ကူးခွင့်ရဖို့ Murakami နဲ့ လေးနှစ်ကြာ ခက်ခက်ခဲခဲ ညှိနှိုင်းခဲ့ရတယ်လို့ ဆိုပါတယ်။


(မကြာခင် ကြည့်ရတောမယ့် Norwegian Wood ရုပ်ရှင်)

စာရေးဆရာနဲ့ မိတ်ဆက်ရရင်၊ Murakami ကို ၁၉၄၉ ခုနှစ်မှာ ကျိုတိုမှာ မွေးခဲ့ပြီး၊ အခုလက်ရှိ တိုကျိုနားမှာ နေတယ်လို့ ဘာသာပြန်စာအုပ်တွေရဲ့ အစမှာ ဖော်ပြထားပါတယ်။ သူ့ရဲ့စာအုပ်တွေကို ဘာသာစကားပေါင်း (၄၀) ကျော်ဘာသာပြန်ဆို ပြီးပြီ်လို့လည်း ဆိုတယ်ဗျ။ (ဆင်ဆာလွတ်ရင်တော့ ကျွန်တော်လည်း သူ့စာအုပ်တွေကို ဘာသာပြန် ချင်ပါသေးတယ်။)

သူ့ကို စာပေဝေဖန်ရေး ပုဂ္ဂိုလ်များက စာပေ နိုဘယ်လ်ဆု (Noble Prize) ပေးဖို့အထိတောင် ထောက်ခံရေးသားပြီး၊ တချိန်မှာ ရဖို့ အလားအလာ ရှိတယ်လို့ ခန့်မှန်းထားကြပါတယ်။ Murakami ဟာ ၀တ္ထုရေး စာရေးဆရာ သက်သက်တော့ မဟုတ်ပါဘူး။ ဖြစ်ရပ်မှန်စာအုပ် အပါအ၀င်Truman Capote, John Irving စတဲ့ ကမ္ဘာကျော် စာရေးဆရာ အချို့ရဲ့ စာအုပ်တွေကိုလည်း ဂျပန်ဘာသာကို ပြန်ဆိုခဲ့ပါသေးတယ်။


(Haruki Murakami)

Murakami ရဲ့ ၀တ္ထုတွေဟာ ဂျပန်လူငယ်တွေရဲ့ သဘော သဘာဝကို ထင်ဟပ်တယ်။ လျှို့ဝှက်ဆန်းကြယ်တယ်။ ၀တ္ထုဆိုပေမယ့် ဂျပန်နိုင်ငံကို နောက်ခံထား ရေးသားထားလို့ ဂျပန်အကြောင်းလည်း ပိုသိရပါတယ်။ နောက် ကိုယ်လှုပ်ရှားသွားလာနေတဲ့ ၀န်းကျင်နေရာတွေ (ဥပမာ၊ ဂျပန်က နာမည်ကျော် စားသောက်ဆိုင်တွေ၊ စုရပ်ဘူတာတွေက အစ) ကို နာမည်နဲ့တကွ ထည့်သွင်းရေးထားလို့ ဂျပန်ရောက် မိတ်ဆွေများ စိတ်ဝင်စားမယ် ထင်ပါတယ်။

နောက်ဆုံးအချက်ကတော့ အင်္ဂလိပ်လို ဘာသာပြန်ရာမှာ ရိုးရိုးရှင်းရှင်း လွယ်လွယ်ကူကူ ပြန်ဆိုထားလို့ နားလည်လွယ်ပြီး၊ စာဖတ်သူတွေကို အင်္ဂလိပ်စာ တိုးတက်စေမှာ မလွဲပါဘူး။ ဒါကြောင့် ကျွန်တော့် သူငယ်ချင်း မိတ်ဆွေများ အလုပ်ခွင်တာဝန်တွေ၊ ကျောင်းစာတွေ၊ ဒါမှမဟုတ် ၀တ္တုမဟုတ်တဲ့ (non-fiction) စာအုပ်တွေ ဖတ်ပြီး ခေါင်းရှုပ်နေခဲ့မယ် ဆိုရင်တော့ Murakami ရဲ့ ၀တ္ထုတွေကို ပေါ့ပေါ့ပါးပါး ဖတ်ရင်း အပျင်းပြေ၊ ပညာရဖို့ ညွှန်းလိုက်ပါတယ်ဗျာ။

Lonetone
၂၀၁၀ ခုနှစ်၊ နိုဝင်ဘာလ (၂၆) ရက်

(ဒီပို့စ် ရေးအပြီးမှာပဲ (ဆရာ) မြတ်သစ် ဘာသာပြန်ထားတဲ့ Murakami ရဲ့ ၀တ္ထုတိုတစ်ပုဒ်ကို စကားဝါမြေ (မြန်မာ ebooks ဆိုဒ်) မှာ တိုက်တိုက်ဆိုင်ဆိုင် ရှာတွေ့ပါတယ်။ စိတ်ဝင်စားသူများ ကိုယ်တိုင်ရှာဖွေ ဖတ်ရှုနိုင်ကြောင်းပါ။)

စာဖတ်ခန်း၊ စာဖတ်ဝါသနာ နဲ့ စာအုပ်ဆိုင်များ

(ကမ္ဘောဒီးယားနိုင်ငံက တပိုင်တနိုင် Book Cafe အိမ်ဆိုင်များ)

ကျွန်တော့်ဘ၀မှာ လုပ်ချင်၊ ဖြစ်ချင်တဲ့ အရာတွေ အတော်များများ ရှိပါတယ်။ အဲဒီအထဲက ဆန္ဒတစ်ခုကတော့...တပိုင်တနိုင် စာဖတ်ခန်းလေး တစ်ခု တည်ထောင်ချင်တာပါပဲ။

ကျွန်တော်တို့တွေ၊ လူငယ်တွေ စာတွေဖတ်ဖို့ လိုသေးတယ်ဗျာ။ စာတွေ မဖတ်တော့ မသိ၊ မသိတော့... ပိုဆိုးတော့တာပေါ့ဗျာ။ အဲဒီလိုပြောလို့ မင်းကကော စာတွေ ဘယ်လောက်ဖတ်နေလို့လဲ၊ ဘယ်လောက်များ သိနေလို့လဲလို့ မေးရင်တော့...ကျွန်တော်လည်း ကြိုးစားပြီးသာ ဖတ်နေတာ၊ ချပြလောက်အောင် များပြားတဲ့ အရေအတွက်တစ်ခု အထိ မဖတ်ဖြစ်သေးဘူး၊ ဘာမှ ပြောပလောက်အောင် မသိသေးဘူးလို့ပဲ ဆိုရမှာပါ။

စာဖတ်ခန်းတစ်ခု လုပ်ချင်တဲ့ စိတ်ကူးရဲ့အစ ကတော့ ကျွန်တော့်ရဲ့စာဖတ်ဝါသနာပါမှုက စတာပဲလို့ ဆိုရမှာပဲ။

ငယ်ငယ်ကတည်းက စာဖတ်ဝါသနာပါတော့ စာတွေ အစုံဖတ်တယ်။ အစုံဖတ်တော့ အတွေးစုံတာပေါ့။ စာဖတ်တာကို အားပေးတဲ့၊ အမြင်ကျယ်တဲ့၊ အင်ဂျင်နီယာ အဖေက ကျွန်တော်တို့မောင်နှစ်မတွေကို ဘယ်စာကို ဖတ်ရမယ်၊ ဘယ်စာကို မဖတ်ရဘူးလို့ တားမြစ်ခဲ့တာ မရှိခဲ့ပါဘူး။

ဒါပေမယ့် မှတ်မှတ်ရရ ၆ တန်း၊ ၇ တန်းလောက်တုန်းကတော့ နီလေးမောင်ရဲ့ မှုခင်းစာအုပ်၊ ဦးနုရဲ့ ကာမတဏ္ဍာ စာအုပ်တွေကို ဖတ်နေတာတွေ့တော့၊ ငယ်သေးလို့ သိပ်မဖတ်စေချင်ကြောင်း အရိက်အမြွက်လောက် ပြောဖူးပါတယ်။ ဒါပေမယ့်လည်း အဖေက ဘာကြောင့် မဖတ်စေချင်တာလည်းဆိုပြီး သိချင်လို့၊ စူးစမ်းပြီး ပိုလို့တောင် ဖတ်ဖြစ်သွားပါသေးတယ်။

လိုရင်းကို ဆက်ရရင် ဒီလိုစာဖတ်ဝါသနာပါတော့ အရွယ်ရောက်လာတော့ စာအုပ်တွေ ၀ယ်တော့တာပေါ့။ ရသမျှ မုန့်ဖိုး၊ ရှိတဲ့ပိုက်ဆံ ကုန်အောင် စာအုပ်ဝယ်ပစ်တယ်။ စာအုပ်တွေ မြင်နေရရင် ပျော်တယ်။ စာအုပ်တွေကို ဖုန်သုတ်ပြီး၊ တသသ လုပ်နေရရင် ပျော်တယ်။ အဲဒီလောက်ကို စာအုပ်တွေကို ကြိုက်တာပါ။ ဒါ့ကြောင့် ဆရာတစ်ယောက်က ပြောဖူးတယ် မင်းက bibliophile တဲ့။ အဓိပ္ပာယ်က bibliophile = a person who loves or collects books ၊ စာဂျပိုးလို့ ဆိုကြတဲ့ bookworm နဲ့တော့ အဓိပ္ပာယ် အနည်းငယ် ကွာပါတယ်။ (bookworm = a person who reads a lot)

ဒါ့ကြောင့် အိမ်မှာလည်း စာအုပ်တွေ များသထက် များလာပါတယ်။ ဒီလိုများလာတော့ သိပ်မဖတ်ဖြစ်တဲ့ တစ်ချို့စာအုပ်တွေ၊ အဖေတို့လက်ထက်က စာအုပ်ဟောင်းတွေကို အိမ်အပြင်ဘက် အခန်းတစ်ခန်းမှာ ခွဲထားဖြစ်တော့ တဗီဒီုလုံး ချစားခံရတယ်။ အောင်သန်းရဲ့ အောင်ဆန်း စာအုပ်အပါအ၀င် စာအုပ်ဟောင်း၊ စာအုပ်ကောင်းတွေ ပါသွားတယ်။ အတော့်ကို စိတ်မကောင်း ဖြစ်ခဲ့တာပဲ။

ကိုယ့်စာအုပ်တွေ ပျက်စီးမှ စိတ်မကောင်းဖြစ်တယ် မထင်ပါနဲ့။ ဆရာမကြီး ဂျာနယ်ကျော်မမလေးရဲ့ စာအုပ်တစ်အုပ်ထဲမှာ (သူလိုလူ လို့ ထင်တာပဲ) ဂျာနယ်ကျော် ဦးချစ်မောင်ရဲ့ စာအုပ် သေတ္တာ (၄) သေတ္တာလောက် ချစားခံရတယ်ဆိုတဲ့ ဖြစ်ရပ်မှန် ဖတ်ရတော့ ရင်ထဲနင့်ပြီး၊ အဲ့ဒီရက်ပိုင်း ထမင်းတောင် ကောင်းကောင်းမစားနိုင်ဘူး။ အဲဒီစာအုပ် ပြန်ဖတ်ဖြစ်တိုင်းလည်း စာအုပ်တွေ ပျက်စီးတဲ့ အကြောင်းဖတ်ရရင် စိတ်မကောင်း ဖြစ်နေတုန်းပါပဲ။

ဆိုလိုချင်တာက စာအုပ်တွေကို ချစ်ရတာ တန်ဖိုးကြီးပါတယ်။ အမြဲထိန်းသိမ်းစောင့်ရှောက်နေဖို့လဲ လိုတာပါပဲ။ မထိန်းသိမ်းနိုင်တာနဲ့ ကိုယ်တန်ဖိုးကြီးပေးပြီး ၀ယ်ထား၊ စုထားရတဲ့ စာအုပ်တွေဟာ တခဏအတွင်း အနိစ္စသဘောနဲ့ ကိစ္စချော ကုန်တာကိုး။

နောက်ဖြစ်ချင်တော့ လွန်ခဲ့တဲ့ (၇) နှစ်လောက်ကစလို့ ကျွန်တော် မြန်မာပြည်မှာ မနေရတော့ပါဘူး။ ပထမ ကမ္ဘောဒီးယားကို အလုပ်ကိစ္စနဲ့ သွားရတော့ ကျွန်တော့်စာအုပ်တွေကို ကျွန်တော့် ထိန်းသိမ်းမှုအောက်က စခွဲရတော့တာပဲ။ ဒါတောင် မဖြစ်မနေဖတ်ချင်တဲ့ စာအုပ်တွေကို ဒေါ်လာဈေးကြီး ပေါင်ပို ပေးပြီး၊ ကမ္ဘောဒီးယားအထိ သယ်ခဲ့သေးတယ်။ ဥပမာ - ဆရာကြီးတက်တိုးရဲ့ ဟိုးအရင်က ထုတ်တဲ့ အင်္ဂလိပ်-မြန်မာ အဘိဓာန် (၂) အုပ်တွဲ ဆိုရင် ကျွန်တော်ဘယ်သွားသွား အမြဲပါအောင် ခေါ်စမြဲပါပဲ။ (အခုတော့ ဂျပန်က ကျွန်တော့်ရဲ့ကျောင်းက Study Room မှာ မိန့်မိန့်ကြီးပေါ့။)


(ကမ္ဘောဒီးယားက ကျွန်တော့်စာအုပ်များ)

ကမ္ဘောဒီးယားမှာ ရောက်နေတုန်းက ရန်ကုန်အိမ်ကို ဖုန်းဆက်တိုင်း ကျွန်တော့်စာအုပ်တွေကို အမေတို့တွေ ကောင်းကောင်းထိန်းသိမ်းရဲ့လား ဆိုတာ ခဏခဏ မေးလို့ အမေကတောင် စိတ်တိုပါတယ်။ ဒါတောင် ကမ္ဘောဒီးယား မထွက်ခင် ကျွန်တော်တို့ မောင်နှစ်မတွေ အဖေ့ကျေးဇူးနဲ့ စုထားတဲ့၊ စနစ်တကျ တွဲထားတဲ့ မြန်မာတိုင်းမ် (စထွက်ကတည်းက စုထားတဲ့ အင်္ဂလိပ်-မြန်မာ) စာစောင်တွေ၊ မဂ္ဂဇင်းအစုံတွေ (အုပ်ရေ၊ စောင်ရေ ၅၀၀ နီးပါးလို့ မှတ်မိပါတယ်) ကို ပြန်ကြားရေးအောက်က မရမ်းကုန်း ပြန်၊ဆက် စာဖတ်ခန်းကို လှူဖြစ်ခဲ့သေးတယ်။

နောက်ပြီး ရန်ကုန်ကအိမ်က ဆောက်ထားတာ နှစ် သုံး၊ လေးဆယ်လောက် ရှိတဲ့အပြင်၊ ဆောက်ထားတာ ပုံစံမကျတော့ အမိုးဘယ်လောက်ပြင်ပြင် ခဏခဏ မိုးယိုတတ်လို့ မိုးရာသီရောက်တိုင်း၊ မိုးသည်းတိုင်း ငါ့စာအုပ်တွေတော့ အကောင်းအတိုင်း ရှိသေးရဲ့လား လို့လည်း မကြာခဏ ပူပန်မိသေးတယ်။ ဒီလိုနဲ့ ၂၀၀၆ ခုနှစ်လောက် ကမ္ဘောဒီးယားက ပြန်ရောက်တော့ စာအုပ်တွေ စစ်ကြည့်တော့ အတော်များများ အခြေအနေ ကောင်းပါသေးတယ်။ ဒါပေမယ့် ကျွန်တော်မရှိတုန်းမှာ အမေတို့ အစ်မအလတ်တို့က အသုံးမလိုတဲ့ အချို့ စာအုပ်တွေ ရှင်းတယ်၊ လွှင့်ပစ်တယ်လို့တော့ သိရပါတယ်။

ပြန်လာတော့ စာအုပ်တွေစစ်တော့ ကျွန်တော့်ထားခဲ့တဲ့ ပစ္စည်းတွေထဲမှာ အဖိုးလေးတစ်ယောက်ရဲ့ ဒိုင်ယာရီ စာအုပ် (၃) အုပ် ပျောက်နေတယ်လို့ မှတ်မိပါတယ်။ အဖိုးလေးက အရင်တုန်းက အခေါ်အဝေါ်နဲ့ ပြောရင် ချင်းဝိသေသတိုင်းမှာ ရာထူးကြီး ထမ်းဆောင် တာဝန်ယူခဲ့သူပါ။ (အရင်တုန်းက ချင်းကို ပြည်နယ်လို့ မခေါ်ဘဲ တိုင်းလို့ခေါ်တာ သမိုင်း စိတ်ဝင်စားသူတွေ မှတ်မိကြမှာပါ။ အခုခေတ်ဆိုရင်တော့ သူတာဝန်ယူခဲ့တဲ့ဌာနက ပြည်ထဲရေးအောက်က အထွေထွေအုပ်ချုပ်ရေးဌာနလို့ နားလည်ပါတယ်။) စစ်ကြီးအတွင်းက သူ့ဖြစ်ရပ်တွေ၊ သူတာဝန်ယူရတဲ့ အဖြစ်အပျက်တွေကို ဒိုင်ယာရီရေးထားတာ ဆိုတော့ ကျွန်တော့်အတွက်တော့ အတော့်ကို အဖိုးတန်တဲ့ စာအုပ်ပါပဲ။ စစ်လေယာဉ်တွေလာပြီး၊ ဗုံးတွေကျဲလို့ ဗုံးခိုကျင်းထဲ ၀င်ရတာ အစ ရေးထားလို့ သူ့လက်ရေးက ဖတ်ရခက်ပေမယ့်၊ တစ်ချိန် အင်မတန် တန်ဖိုးရှိမယ့် စာအုပ်ဆိုပြီး ကျွန်တော် သေသေချာချာ သိမ်းထားခဲ့တာပါ။ ပြန်လာတော့ ဘယ်သူ့မှ လွှတ်မပစ်ဘူး၊ သတိတောင်မထားမိဘူး ဆိုပေမယ့် ဘယ်လိုမှ ရှာလို့ မရတော့လို့ အတော့်ကို စိတ်ထိခိုက်မိတယ်။ ဒိုင်ယာရီစာအုပ်က အမှတ်တမဲ့ကြည့်ရင် သာမန်မှတ်စုစာအုပ်ကြမ်းနဲ့ ဘာမှမကွာဘဲကိုး။ မှားပြီး ပစ်တဲ့အထဲမှာ ပါသွားတယ်လို့ ထင်မိတယ်။ ထပ်တော့ ရှာကြည့်နေမိဦးမှာပါပဲ...

ဒီလိုနဲ့ ကမ္ဘောဒီးယားမှာလည်း ကျွန်တော် စာအုပ်တွေ ၀ယ်မြဲ၊ ၀ယ်နေဆဲ၊ စုမြဲ၊ စုနေဆဲ ပါပဲ။


(ကမ္ဘောဒီးယားက ကျွန်တော့်စာအုပ်များ)

ကမ္ဘောဒီးယားရောက်ပြီး နောက်ပိုင်း အင်္ဂလိပ်လို ရေးထားတဲ့ စာအုပ်တွေ ပိုများလာပါတယ်။ ၂၀၀၃ ၀န်းကျင်လောက် ကျွန်တော် ကမ္ဘောဒီးယား မသွားခင်က အင်္ဂလိပ်စာအုပ်ဆိုရင် အင်္ဂလိပ်စာ တိုးတက်ဖို့အတွက် ရေးတဲ့ English Learning စာအုပ်တွေသာ အဖတ်များပါတယ်။ မိဘဆွေမျိုးတွေက ကျွန်တော်တို့ကို အင်္ဂလိပ်စာ သိပ်တော်စေချင်တာကိုး။

အင်္ဂလိပ်စာနဲ့ ပတ်သက်ရင် ကျွန်တော့်ရဲ့ အဖွားရင်းက အင်မတန် တော်တယ်လို့ သိရပါတယ်။ သူ့အချိန်အခါတုန်းက နိုင်ငံခြားသွား ပညာသင်ကြတာရှားလို့ အင်္ဂလန်မှာ ကျောင်းသွားတက်ခဲ့တဲ့ အဖွားကို ဘိလပ်ပြန်လို့တောင် တခမ်းတနား ခေါ်ရကြောင်း ပုံပြင်ဆန်ဆန် ကြားခဲ့ဖူးပါတယ်။၊ ဒါပေမယ့် သူ့ရဲ့ အင်္ဂလိပ်စာ အမွေတွေ ကျွန်တော်တို့မြေးတွေ ကောင်းကောင်း မရခဲ့ပါဘူး။ ၁၉၈၉ ခုနှစ်မှာ အသက် ၇၅ နှစ်အရွယ်နဲ့ သူဆုံးခဲ့တော့ ကျွန်တော်ဆိုရင် ၁၀ နှစ်သားပဲ ရှိသေးတာကိုး။ အစ်ကိုဝမ်းကွဲက Journey ကို ဂျုံးနီး လို့အသံထွက်ရင်၊ ကျွန်တော် ကိုးတန်းကျောင်းသားဘ၀က tetanus (မေးခိုင်ရောဂါ) ကို တီတေးနပ် လို့ အသံထွက်ရင်၊ အမေက မင်းအဖွားသာရှိရင် အူတက်အောင်ရီမယ် ဒါမှမဟုတ် လဲသေလိမ့်မယ်လို့ ပြောဖူးတာတော့ မှတ်မိပါသေးတယ်။

အမေပြောဖူးလို့ အဖွား မကြာခဏ စာအုပ်ငှားဖတ်ဖူးတယ်ဆိုတဲ့ FMI နဲ့ မျက်နှာချင်းဆိုင်လောက်က သိင်္ဂီမော် စာအုပ်ဆိုင် (လမ်းနံပါတ်တော့ မမှတ်မိတော့ပါဘူး၊ ဆိုင်ပိုင်ရှင်ကတော့ ကုလားစပ်လို့ မှတ်မိပါတယ်) ကိုလည်း သွားခဲ့ဖူးပါတယ်။ ထင်သလောက်တော့ မကောင်းတော့ပါဘူး။ ကျွန်တော်တို့ခေတ်က USIS နဲ့ BC (British Council) ခေတ်ကိုး။ သိင်္ဂီမော်ကို သွားတော့၊ အမေတို့ ပြောလို့ ကြားဖူးနေတဲ့ Sidney Sheldon တို့၊ Jeffrey Archer တို့၊ Denielle Steel တို့ကို တော့ စဖတ်မိပြီး Sidney Sheldon ရဲ့ ၀တ္ထုအချို့ကိုတော့ ကြိုက်တတ်ခဲ့ပါပြီ။

နောက် နိုင်ငံတကာ သတင်းတွေ၊ (Documentary) သတင်းမှတ်တမ်းကားတွေ၊ ရုပ်ရှင်တွေကို သိပ်ကြိုက်တဲ့ ကျွန်တော်၊ အကြောင်းတိုက်ဆိုင်လို့ သတင်းတွေထဲမှာ၊ ရုပ်ရှင်တွေထဲမှာ ကမ္ဘာ့နိုင်ငံကြီးတွေက စာအုပ်ဆိုင်ကြီးတွေ အကြောင်း သိရမြင်ရကြားရ တဲ့အခါတိုင်းလည်း သိပ်ကို အားကျမိပါတယ်။

ဖွံ့ဖြိုးပြီး ကမ္ဘာ့နိုင်ငံတွေရဲ့ အချို့စာအုပ်အရောင်းဆိုင်တွေမှာ စာဖတ်သူတွေကို စိတ်ကြိုက်နားနေပြီး၊ ရွေးချယ်ဖတ်ရှုဖို့ လုပ်ပေးထားတာ၊ ၀ယ်ချင်လည်းဝယ်၊ မ၀ယ်ချင်လည်း ပြန်နိုင်တဲ့ ကောင်းမွန်တဲ့စနစ်တွေ၊ နောက် Book Cafe လေးတွေ လုပ်ပေးပြီး စာဖတ်သူတွေကို ဆွဲဆောင်တဲ့ အစီအစဉ်တွေကို သိပ်သဘောကျပေါ့။ အခုနောက်ပိုင်းမှာ ကမ္ဘာ့နိုင်ငံကြီးတွေရဲ့ အချို့စာအုပ်ဆိုင်တွေက ကိုယ်လိုချင်တဲ့ စာအုပ်တွေ (ရှေးဟောင်းစာအုပ်တွေ အပါအ၀င်) ကို e-book ကနေ ဈေးသက်သက်သာသာနဲ့ မိနစ်ပိုင်းအတွင်း print out လုပ်ပေးနိုင်တဲ့အထိ တီထွင်ပြီး၊ အရောင်းမြှင့်တင်နေတဲ့ သတင်းကြားရတာ အားတက်စရာပါပဲ။ အစပိုင်းက amazon လောက်သာ ကြားဖူးတဲ့ ကျွန်တော်၊ နောက်ပိုင်းမှာတော့ အမေရိကားက အကြီးဆုံး စာအုပ်အရောင်းဆိုင်ဖြစ်တဲ့ Barnes & Noble စာအုပ်ဆိုင်တွေ အကြောင်း စသိလာပါတယ်။


(Wiki က ယူထားတဲ့ Barnes & Noble စာအုပ်ဆိုင် ဓါတ်ပုံ)

နောက်ပိုင်း မြန်မာပြည်၊ ပြင်ပ ဘယ်ကိုပဲရောက်ရောက် ကျွန်တော်မဖြစ်မနေ စူးစမ်းသွားလာတဲ့ နေရာတွေထဲမှာ စာအုပ်ဆိုင်တွေ ပါလာပါတော့တယ်။ ဥပမာ - ဘန်ကောက်ကို ရောက်တိုင်းလည်း အချိန်လုပြီး Kinokuniya နဲ့ Asia Books စာအုပ်ဆိုင်တွေကို အပြေး သွားစမြဲပါပဲ။ ဗီယက်နမ်၊ ဟိုချီမင်းစီးတီးမှာ ၂၀၀၅ လောက်က တွေ့ခဲ့ရတဲ့ စာအုပ်ဆိုင် အချို့ကလည်း မြန်မာနိုင်ငံထက်တော့ သာနေပါပြီ။ အိန္ဒိယ၊ နယူးဒေလီ ရောက်တုန်းက မွှေခဲ့တဲ့ စာအုပ်ဆိုင်တွေကတော့ ထင်သလောက်၊ ကြားရသလောက် ဈေးမသက်သာပါဘူး။ (အချိန် အကန့်အသတ်ကြောင့် ကျွန်တော်စုံအောင် မသွားနိုင်တာလည်း ပါပါလိမ့်မယ်။)

ကမ္ဘောဒီးယားအကြောင်း ပြန်ပြောရရင်၊ ဖနွမ်ပင်မှာတော့ အကောင်းဆုံးစာအုပ်ဆိုင်က Norodom လမ်းမကြီးပေါ်က Monument Books စာအုပ်ဆိုင်ပါပဲ။ သူကတော့ စာအုပ်အသစ်ဆိုင်ပါ။ ဈေးလည်း ကြီးပါတယ်။ ဘန်ကောက်က Kinokuniya စာအုပ်ဆိုင်လိုပါပဲ။ ဒါပေမယ့် ကမ္ဘောဒီးယားနဲ့ပတ်သက်တဲ့ စာအုပ်တွေစုံပြီး၊ အခြားစာအုပ်ကောင်းများစွာလည်း ရနိုင်ပါတယ်။ ဒါပေမယ့် ဈေးကြီးတော့ မ၀ယ်နိုင်ဘဲ သွားသွားငေးရတဲ့ အကြိမ်ပေါင်း မနည်းပါဘူး။

ကမ္ဘောဒီးယားမှာ ကျွန်တော့်အတွက် အဆင်ပြေတဲ့၊ ကျွန်တော် ဗဟုသုတတွေ တိုးအောင် အထောက်အကူပြုခဲ့တဲ့ စာအုပ်ဆိုင် နှစ်ဆိုင်ရှိပါတယ်။ နှစ်ဆိုင်စလုံးက အဟောင်းဆိုင် (Used Books Shop) တွေပါ။

ပထမဆိုင်က ဖနွမ်ပင်၊ St. 240 က D’s Books ဖြစ်ပြီး၊ ဒုတိယဆိုင်က Riverside ဘုရင့်နန်းတော် (Royal Palace) နားက Bohr’s Books ပါပဲ။ ၀တ္ထုတွေ အများကြီးရှိသလို၊ အခြား ဘာသာရပ်ဆိုင်ရာ စာအုပ်ကောင်းတွေလည်း ရနိုင်ပါတယ်။ Bohr’s Books က ဆိုင်ရှင်ကိုယ်တိုင် ထိုင်တတ်တယ်၊ ဒီဗီဒီအခွေ အချို့ပါ တွဲရောင်းပြီး ဈေးပိုသက်သာပါတယ်။ ဈေးလျော့ခိုင်းလို့ ရပါတယ်။ D’s Books ကတော့ အရောင်းဝန်ထမ်းတွေသာ ရှိလို့ ဈေးသိပ်မလျော့တတ်ဘူး၊ အများကြီးဝယ်မှသာ စစ်လို့ရတယ်။ ဆိုင်ပိုင်ရှင်က ဘန်ကောက်မှာ အရင်ကနေခဲ့ဖူးတဲ့ အသက်ခပ်ငယ်ငယ် အဖြူကောင် (westerner တစ်ယောက်မို့ ကျွန်တော် အကြမ်းဖျင်း ခေါ်တာပါ) လို့ မှတ်မိပါတယ်။ နောက် နာမည် အတိအကျ မမှတ်မိတော့တဲ့ တပိုင်တနိုင် အင်္ဂလိပ်စာအုပ်တွေ ရောင်းတဲ့ အိမ်ဆိုင်လေးတွေ၊ Book Cafe တွေ ကမ္ဘောဒီးယား တစ်နိုင်ငံလုံးမှာ ကြိုကြားကြိုကြား ရှိတတ်ပါသေးတယ်။








(ကမ္ဘောဒီးယားနိုင်ငံက တပိုင်တနိုင် Book Cafe အိမ်ဆိုင်များ)

ကမ္ဘောဒီးယားက အဲဒီလို စာအုပ်ဆိုင်လေးတွေ အားလုံးမှာ စာအုပ်တွေကို စိမ်ပြေနပြေ ထိုင်ပြီး မြည်းစမ်းနိုင်အောင် သက်တောင့်သက်သာရှိတဲ့ ထိုင်ခုံလေးတွေ ထားပေးထားတာ၊ ကြိုက်သလောက် အချိန်ယူနေနိုင်တာ၊ တစ်ချို့ဆိုင်တွေဆို အင်တာနက်ပါ တွဲထားပေးပြီး လိုသလိုသုံးနိုင်တာ စတဲ့ ကောင်းတဲ့အချက်တွေ သွားတွေ့ရပါတယ်။ ကိုယ့်မြန်မာနိုင်ငံထက် ခက်ခဲကြမ်းတမ်းတဲ့ အခြေအနေဆိုးတွေကို ရင်ဆိုင်ဖြတ်ကျော်ခဲ့ရတဲ့ ကမ္ဘောဒီးယားလို နိုင်ငံမျိုးမှာတောင် ဒီလို အခြေအနေကောင်းတွေ ဖန်တီး၊ တည်ရှိနေတာကို မြင်တော့ ကိုယ့်နိုင်ငံမှာလည်း ဒီလိုထွန်းကားစေချင်တာပေါ့ဗျာ။

အခု ဂျပန်နိုင်ငံမှာတော့ စိတ်ကြိုက်စာအုပ်ဆိုင်ရယ်လို့ ကောင်းကောင်း မတွေ့ပါဘူး။ ဈေးတွေက သိပ်ကြီးတာကိုး။ အကြမ်းအားဖြင့် အင်္ဂလိပ်စာအုပ် ၀ယ်ရတာ ခက်တယ်လို့လည်း ဆိုနိုင်ပါတယ်။ နာဂိုယာမှာတော့ Sakae က Maruzen ကို မကြာခဏ သွားဖြစ်ပါတယ်။ (၃) ထပ်မှာ အင်္ဂလိပ်စာအုပ် တွေကို ရောင်းပါတယ်။ ထိုင်ဖတ်လို့လည်းမရ၊ ၀ယ်ဖို့ကလည်း ဈေးတွေက amazon.com / amazon.co.jp တို့ထက်ကြီးတာမို့ ဘာစာအုပ်တွေ တင်ထားတယ်၊ ဘာစာအုပ်တွေ ထွက်နေတယ်ဆိုတာလောက်ပဲ အကြမ်းဖျင်း သွားကြည့်ဖြစ်ပြီး၊ လိုချင်တာကို online ကပဲ ၀ယ်တာ များပါတယ်။ ပိုလည်း တန်ပါတယ်။




(ဂျပန်က ကျွန်တော့် စာအုပ်များ)

တိုကျို Shinjuku နားက Kinokuniya စာအုပ်ဆိုင်တွေကိုတော့ မရောက်ဖြစ်သေးပါဘူး။ တိုကျိုရောက်တိုင်း ကျွန်တော် မဖြစ်မနေ သွားမွှေဖြစ်တဲ့ စာအုပ်ဆိုင်ကတော့ မြန်မာတွေ အနေများတယ်လို့ သိရတဲ့၊ မြန်မာဆိုင်တွေရှိတဲ့ Takadanobaba က Blue Parrot စာအုပ် အဟောင်းဆိုင်ပါပဲ။ ကံကောင်းရင် စာအုပ်ကောင်းတွေကို ဈေးအသင့်အတင့်နဲ့ ရနိုင်ပါတယ်။ ဆိုင်ရှင် ဂျပန်မကြီးက အင်္ဂလိပ်လို ပြောရတာ သဘောကျပြီး၊ ဈေးဆစ်လို့ရပါတယ်။ တစ်ခါတစ်လေ သူခန့်ထားတဲ့ အနောက်နိုင်ငံသူ ၀န်ထမ်းကောင်မလေးများကလည်း သူ့ကွယ်ရာမှာ သူ့ထက်ကို ဈေးပိုလျော့ ပေးတတ်ပါသေးတယ်။


(Blue Parrot စာအုပ်ဆိုင် အ၀င်ဝ)

တိုကျိုက နောက်တစ်ဆိုင်ကတော့ Ebisu က Good Day Books ဆိုင်ပါပဲ။ ဆိုင်က Blue Parrot ထက်ပိုကြီးပြီး၊ တစ်ချို့စာအုပ်တွေမှာ Blue Parrot ထက် ဈေးပိုသက်သာပါတယ်။ ဒါပေမယ့် ကျွန်တော့်အကြိုက် စာအုပ်တွေကတော့ Good Day Books မှာ သိပ်မရှိလို့ တစ်ခါတစ်လေ၊ အချိန်ပိုမှပဲ သွားဖြစ်ပါတယ်။


(Good Day Books စာအုပ်ဆိုင် အ၀င်ဝ)

မြန်မာနိုင်ငံမှာ ဆိုရင် ကျွန်တော့်တို့ ခေတ်မှာ မှတ်မှတ်ရရ၊ ၂၀၀၃ မတိုင်ခင်က USIS, BC ကလွဲရင် အင်းဝ စာအုပ်တိုက် တစ်ခုလောက်ပဲ အင်္ဂလိပ်စာအုပ်နဲ့ ပတ်သက်ရင် ရှိတာကိုး။ ၂၀၀၁-၂၀၀၂ ၀န်းကျင်တုန်းကတော့ ရန်ကုန်တက္ကသိုလ်ဝင်းထဲမှာ iCafe ဆိုပြီး အင်းဝက အင်္ဂလိပ်စာအုပ်၊ အင်တာနက်နဲ့ ကော်ဖီဆိုင် တွဲဖွင့်ခဲ့ဖူးလို့၊ ကျွန်တော်တောင် member လုပ်ခဲ့ပါသေးတယ်။ နောက်တော့လည်း ဘာကြောင့်မှန်းမသိ ပိတ်လိုက်တာ membership fees တောင် ပြန်မရပါဘူး။

အခုနောက်ပိုင်းတော့ ဆရာကြီးဦးသော်ကောင်းရဲ့သား ဒေါက်တာသန့်သော်ကောင်း ရဲ့ စာအုပ်ဆိုင်ပေါ်လာတာ၊ နောက် ကမ္ဘောဒီးယားမှာရှိတဲ့ Monument Books ကလည်း မြန်မာနိုင်ငံမှာ ဆိုင်ခွဲတွေ ဖွင့်လာပြီလို့သိရတာ အင်မတန် ၀မ်းမြောက်စရာပါပဲ။ နောက်မြို့ထဲမှာ member ၀င်ပြီး အင်္ဂလိပ်စာအုပ်တွေ ငှားလို့ရတဲ့ စာကြည့်တိုက်ငယ်တစ်ခု ဖွင့်ထားပြီလို့လဲ ကြားပါတယ်။ အဲဒီအကြောင်းတော့ သေသေချာချာ မသိသေးပါဘူး။ ဒါပေမယ့် ပြဿနာက ငွေကြေးမတတ်နိုင်တဲ့၊ USIS, BC တို့ကိုလည်း သွားဖို့ အလှမ်းမမီတဲ့ လူငယ်တွေ အတွက် စာဖတ်စရာ၊ ဗဟုသုတ ယူစရာ နေစရာတွေ ကောင်းကောင်း၊ ပေါပေါများများ မရှိသေးတာပါပဲ။

မကြာသေးခင်က ဦးကျော်သူ နဲ့ နာရေးကူညီမှုအသင်းက စာကြည့်တိုက်ထောင်တာ၊ နာရေးကူညီမှု အသင်းဝင် လူငယ်တွေကို စာအုပ်ဖတ်နိုင်အောင် စီစဉ်ပေးတာ ကြားသိရတော့ အတော်ကို သာဓုခေါ်မိပါတယ်ဗျာ။ ကျွန်တော့်တို့ နိုင်ငံမှာ ဒါမျိုးတွေ တကယ်လိုအပ်နေတာပါ။ မလိုအပ်တဲ့ ပကာသန အလှူတွေအစား လိုအပ်တဲ့ အလှူတွေ၊ လူမှုအကျိုးပြု ပရဟိတလုပ်ငန်းတွေဘက် ကျွန်တော်တို့တွေ လှည့်သင့်နေပါပြီ။

ဒီပို့စ်ကို အဆုံးသတ်ဖို့ အစက ပြန်ကောက်ရရင်...ကမ္ဘာပေါ်က လုပ်ငန်းကိစ္စတွေ ဘယ်လောက်ကြီးကြီး၊ ဘယ်လောက်သေးသေး အောင်မြင်ဖို့ရာ စိတ်ကူစိတ်သန်းက စရတယ်လို့ ဖတ်မှတ်ဖူးပါတယ်။

နိဒါန်းမှာ ဆိုခဲ့သလို ကျွန်တော့်ရဲ့ စိတ်ကူးကတော့ တပိုင်တနိုင် စာဖတ်ခန်းလေး ဒါမှမဟုတ် ကိုယ်ပိုင် စာကြည့်တိုက်လေးတစ်ခု တချိန်မှာ ဖြစ်မြောက်အောင် တည်ထောင်ချင်တာပါပဲ။

ကိုယ်ပိုင်ဆိုင်တဲ့၊ စုထားတဲ့ စာအုပ်တွေကို ကိုယ်တစ်ယောက်တည်း သိမ်းပြီး၊ ဖတ်နေမယ့်အစား share လုပ်နိုင်မယ်ဆိုရင်...

နောက်ပြီး ကျွန်တော် ငွေကြေး မတတ်နိုင်သေးလို့၊ တစ်နေရာရာမှာ ကြီးကြီးမားမား မလုပ်နိုင်သေးရင်တောင်၊ အိမ်မှာပဲဖြစ်ဖြစ် စလုပ် ဖြစ်နိုင်မယ်ဆိုရင်...

ကျွန်တော် စုဆောင်းထားတဲ့ အင်္ဂလိပ်၊ မြန်မာ စာအုပ်တွေ၊ အကျိုးရှိ ဗဟုသုတရမယ့် documentary တွေ၊ ရုပ်ရှင် ဒီဗီဒီ တွေကို အစီအရီထားလို့၊ Air-con၊ အင်တာနက်၊ Audio/ Video facilities တွေအပါအ၀င် သက်တောင့်သက်သာ ထိုင်နိုင်၊ အိပ်ဖတ်နိုင်မယ့် နေရာလေးတွေနဲ့ လူငယ်တွေ၊ စိတ်ဝင်စားသူတွေ အတွက် တပိုင်တနိုင် စာဖတ်ခန်းလေးတစ်ခု မကြာတော့မယ့် တချိန်မှာ လုပ်နိုင်ခဲ့မယ်ဆိုရင်...

စာအုပ်စာရင်း နိဒါန်း

ဂျပန်ရောက်ပြီးနောက်ပိုင်း ၀ယ်ထားတဲ့စာအုပ်တွေ record တစ်ခုအနေနဲ့ စာရင်းလုပ်မယ်ဆိုပြီး စဉ်းစားထားတာတော့ ကြာပါပြီ။ စာရင်းလုပ်မထားရင်၊ များလာရင် မမှတ်မိ၊ နောက်သူငယ်ချင်းတွေကို ဌားလိုက်ပြီးရင် ပြန်တောင်းဖို့ မေ့သွားတာကြောင့် စာအုပ်တွေပျောက်ကုန်တာလည်း မကြာခဏကြုံဖူးပါတယ်။

စာရင်းမစခင် ကျွန်တော်ဘယ်လို စာအုပ်မျိုးတွေ ကြိုက်သလဲဆိုတာ နည်းနည်းပြောပြချင်ပါတယ်။ ငယ်ငယ်တုန်းကတော့ စာအကုန်ဖတ်ပါတယ်။ အိမ်ကလည်း ဘယ်စာကိုဖတ်ရမယ်။ ဘယ်စာကို မဖတ်ရဘူး စသဖြင့် ထိန်းချုပ်ထားတာမျိုး မရှိပါဘူး။ အချို့သော သူငယ်ချင်းများကို သူတို့ရဲ့အိမ်တွေက စာအုပ်ရွေးဖတ်စေတာမျိုး၊ ထိန်းချုပ်ထားတာမျိုးတွေ ရှိတာကြောင့် စာဖတ်ဝါသနာ လျော့ကုန်၊ ပျောက်ကုန်တာလည်း သတိထားမိပါတယ်။ ကျွန်တော့်အထင်တော့ စာဖတ်နာလာရင် ဘယ်လိုစာကောင်းတွေ ရွေးဖတ်ရမယ်၊ ကိုယ်ဘယ်လိုစာမျိုးတွေ အားသန်တယ်ဆိုတာ အလိုလိုသိလာမှာပါ။ အလိုလို အကောင်းအဆိုး ရွေးတတ်လာမှာပါ။

ကျွန်တော်ကတော့ အခုနောက်ပိုင်း သမိုင်းနဲ့ပတ်သက်တဲ့စာအုပ်တွေ၊ နိုင်ငံရပ်ခြားဆိုင်ရာ ဗဟုသုတရမယ့် စာပေတွေ၊ ကိုယ်ရေးမှတ်တမ်း (Biography) စာအုပ်တွေကို ကြိုက်လာပါတယ်။

Biography တွေကို ကြိုက်တာ အကြောင်းရှိပါတယ်။ လူတွေအကြောင်း၊ သူတို့ တွေ့ကြုံဖြတ်သန်းခဲ့တဲ့ဘ၀တွေ အကြောင်း ဖတ်ရင်းနဲ့ ကိုယ့်အတွက် အများကြီးရတယ်လို့ ထင်ပါတယ်။ ဒါတွေက ဖြစ်ရပ်မှန်တွေအပေါ် အခြေခံထားတာဖြစ်လို့ ကိုယ်စိတ်ဓါတ်ကျနေချိန်မှာ ကိုယ့်အတွက် တွန်းအားတစ်ခုဖြစ်သလို၊ ကိုယ်ပျင်းနေချိန် (အပျင်းထူနေချိန်) မှာလည်း ကိုယ့်ကိုကြိုးစားချင်စိတ်တွေ ဖြစ်ပေါ်အောင် တွန်းအားပေးပါတယ်။ အဲ ကျွန်တော့်အဖေပြောနေကြ

"ဘ၀င်မမြင့်နဲ့ ရူးတတ်သည်"

ဆိုသလို၊ ကိုယ်ဘ၀င်မြင့်၊ မြောက်လာချိန်မှာလည်း ကိုယ့်ကိုယ်ကို ပြန်ဆင်ခြင်နိုင်အောင် ထိန်းကြောင်းပေးနိုင်ပါတယ်။ ဒါကြောင့် ကျွန်တော် Biography တွေကို ကြိုက်ပါတယ်။

နောက်ဖတ်ဖြစ်တာတွေကတော့ fiction တွေပေါ့။ ဒါတွေကို ဖတ်တာ ကြိုက်လွန်းလို့တော့ မဟုတ်ပါဘူး။ English စာ တိုးတက်ချင်လို့ ဖတ်တာပါ။ အဲဒါတွေဖတ်တာများလာရင် စကားပြောတို့၊ အရေးအသားတို့ အနည်းငယ် တိုးတက်လာမယ်လို့ ထင်လို့ပါ။ ကျွန်တော့်အတွက် အားသာချက်လို့ ကိုယ့်ကိုယ်ကို ထင်တာကတော့ ကျွန်တော်က ရုပ်ရှင်ကြည့်တာနာတော့ (များတော့) fiction တွေဖတ်ရင်၊ ရုပ်ရှင်ကြည့်ရသလိုပဲ၊ မျက်စိထဲမြင်လာပါတယ်။ ပိုပြီးရှင်းလင်းလာတယ်ဗျ။ (ရုပ်ရှင်များများကြည့်ပြီး၊ စာပါတွဲဖတ်ရင် အခုကျွန်တော်ပြောသလိုမျိုး ကိုယ်တိုင်ကြုံလာမှာပါ။) အဲ...ရုပ်ရှင်ဆိုလို့ ဒုန်းဒိုင်းနဲ့ သေနတ်ပစ်၊ ဖိုက်တင်ချပြီး ပြီးသွားတဲ့ဇာတ်လမ်းမျိုးကိုပဲ မဆိုလိုပါ။ အဲဒါတွေအပါအ၀င် Drama, Romance, Comedy, Documentary နဲ့ (based on True Story) ဆိုတာမျိုးတွေကို ဆိုလိုပါတယ်။ နောက်မှ ကျွန်တော်ကြိုက်တဲ့ ရုပ်ရှင်တွေ အကြောင်း ပြောပြပါ့မယ်။

ကဲ၊ စာအုပ်စာရင်း မလုပ်ခင် နိဒါန်းပျိုးလိုက်တာ အတော်များသွားတာမို့ စာအုပ်စာရင်း အခုစလုပ်ပါတော့မယ်။

ကျွန်တော် နှင့် စာအုပ်များ

ကျွန်တော် စာအုပ်တွေကို ရူးတာ ကျွန်တော့်ရဲ့ Profile မှာ အကြမ်းဖျင်း ဖော်ပြထားလို့ သိပြီးလောက်ပြီလို့ ထင်ပါတယ်။ အခုလောလောဆယ် ၀မ်းသာစရာကိစ္စ တစ်ခုနဲ့ ကြုံရတာ ပြောပြချင်ပါတယ်။

ဂျပန်နိုင်ငံလို သူတို့ ဘာသာစကားကို အလေးပေးတဲ့ နိုင်ငံမှာ အင်္ဂလိပ်ဘာသာနဲ့ ရေးသားထားတဲ့ စာအုပ်တွေ ၀ယ်ရတာ မလွယ်ပါဘူး။ အရောင်းဆိုင်ကောင်း အချို့ရှိပေမယ်လည်း၊ ဈေးတွေက ဘန်ကောက်မှာထက်တောင် ကြီးပါတယ်။ second hand ဆိုင်တွေကိုလည်း အချို့သော အရှေ့တောင်အာရှနိုင်ငံများလို ပေါပေါများများ မတွေ့မိသေးပါဘူး။ ဒါကြောင့် အင်္ဂလိပ်စာအုပ်တွေ ဖတ်ချင်၊ စုချင်တဲ့ ကျွန်တော့်အတွက်တော့ ဂျပန်နိုင်ငံက သိပ်မနိပ်ဘူးလို့တွေးမိပါတယ်။

ဥပမာ၊ မြန်မာစာဖတ်ပရိသတ်နဲ့ သိပ်မစိမ်းတဲ့ Sidney Sheldon, Dan Brown တို့လို စာရေးဆရာတွေရဲ့ စာအုပ်အဟောင်းကို ကျွန်တော်ရောက်ဖူးတဲ့ အရှေ့တောင်အာရှ နိုင်ငံအချို့က second hand ဆိုင်မှာ အမေရိကန် ၂ ဒေါ်လာ၊ ၃ ဒေါ်လာ လောက်နဲ့ ရပေမယ့်၊ ဂျပန်က စာအုပ်အဟောင်းဆိုင် မှာ ယန်း ၆၀၀၊ ၇၀၀ လောက်နဲ့ ရောင်းပါတယ်။ (အကြမ်းဖျင်း။ ယန်း ၁၀၀ = ၁ ဒေါ်လာ) အသစ်ကတော့ ယန်း ထောင်ကျော်ပေါ့ဗျာ။

ဒါကြောင့် အစစအရာရာ ဈေးကြီးတဲ့ ဂျပန်မှာ စာအုပ်အဟောင်း ၀ယ်ဖတ်ရင်တောင် ဈေးသိပ် မသက်သာလှပါဘူး။ ဒါကြောင့် စာအုပ်တွေ သိပ်မ၀ယ်တော့ပဲ၊ စာကြည့်တိုက်တွေကပဲ ငှားဖတ်ဖို့ စိတ်ကူးထားပါတယ်။

ဒီလိုနဲ့ တစ်ရက်မှာ သွားနေကြ Library တစ်ခုကို သွားရင်းနဲ့ Library ဖွင့်လှစ်ထားတဲ့ စင်တာမှာ စာအုပ် အရောင်းပွဲတော်တစ်ခု လုပ်မယ်ဆိုတာကို သိခဲ့ရပါတယ်။ အင်္ဂလိပ်ဘာသာနဲ့ ရေးသားထားတဲ့ စာအုပ်များ၊ ကလေးဖတ်စာအုပ်များ စတာတွေ ရောင်းချမယ်လို့လည်း ဖတ်လိုက်ရပါတယ်။

နောက်ပြီး ဒီအရောင်းပြပွဲမှာ ရောင်းချမယ့် စာအုပ်များကို ဈေးသတ်မှတ်ထားမှာ မဟုတ်ကြောင်း၊ ၀ယ်ယူသူများက သင့်တော်သလို ဈေးဖြတ်ပြီး ပေးနိုင်ကြောင်း၊ Charity Bazaar မျိုး လုပ်မှာ ဖြစ်ပြီး၊ ရောင်းရငွေများကို UNESCO၊ ဖွံ့ဖြိုးဆဲနိုင်ငံအချို့ နဲ့ စာကြည့်တိုက်မှာ စာအုပ်ထပ်မံ ဖြည့်ဆည်းဖို့ သုံးသွားမှာ ဖြစ်ကြောင်းလည်း ဖော်ပြထားပါတယ်။

ကျွန်တော် စိတ်ဝင်စားသွားတဲ့အချက်က ဈေးမသတ်မှတ်ထားဘူး ဆိုတဲ့အချက်ပဲ ဖြစ်ပါတယ်။ ဒါကြောင့် အရောင်းပြပွဲကို သွားမယ်လို့ ဆုံးဖြတ်ထားခဲ့ပါတယ်။

အဲဒီလိုနဲ့ ပြီးခဲ့တဲ့ နိုဝင်ဘာလ (၉) ရက်၊ တနင်္ဂနွေနေ့က ဈေးပွဲတော် လုပ်တဲ့နေရာကို သူငယ်ချင်းများနဲ့ သွားခဲ့ပါတယ်။ ရောင်းမယ့်အချိန်က နေ့လယ် (၁) နာရီ က (၃) နာရီ ဖြစ်လို့၊ (၁) နာရီခန့် အရောက်သွားတော့ ရှေ့မှာ လူ ၅၀ လောက်က စတောင် ၀ယ်နေကြပါပြီ။

ဒါကြောင့် ကျွန်တော်လည်း လူတွေကြားထဲ အပြေးအလွှား၊ အမှန်အတိုင်း ပြောရရင်တော့ အလုအယက် ၀င်မွှေရတော့တာပါပဲ။ မွှေလေလေ အကုန်လိုချင်ချင်လေပါပဲ။ ဂျပန်ရောက်ပြီးကတည်းက ကိုယ်လိုချင်တဲ့ အင်္ဂလိပ်စာအုပ်တွေ အများဆုံး တွေ့ရခြင်းပါပဲ။ ကျွန်တော် ဖတ်ဖူးတဲ့၊ ကြိုက်တဲ့ စာရေးဆရာတွေဖြစ်တဲ့ John Grisham, Sidney Sheldon, Dan Brown, Jeffery Archer စတဲ့ စာရေးဆရာတွေရဲ့ စာအုပ်တွေ အပါအ၀င် စိတ်ဝင်စားစရာကောင်းတဲ့ စာအုပ် အတော်များများကို တွေ့ခဲ့ရပါတယ်။

ပွင့်ပွင့်လင်းလင်း ပြောရရင် ရွေးဖို့တောင် အချိန် မရှိပါဘူး။ လူတိုင်းက ကြိုက်တာတွေ့တာနဲ့ လက်ထဲထည့်၊ အသင့်ယူလာတဲ့ အိတ်ထဲ ထည့်နေကြတာကို တွေ့ရတော့၊ ကျွန်တော်လည်း သူတို့လိုပဲ ကြိုက်တာ တွေ့သမျှ၊ ကောင်းမယ် ထင်သမျှကို အသေအချာတောင် မရွေးနိုင်ဘဲ လက်ထဲ ကောက်ထည့်လိုက်၊ လက်ထဲမှာ ပြည့်သွားရင်၊ ကျောပိုးအိတ်ထဲ ထည့်၊ ပြီးရင် အလှူငွေ ထည့်ရမယ့် နေရာနားမှာ သွားပုံလိုက်နဲ့ တစ်ယောက်တည်း အတော့်ကို အလုပ်ရှုပ်နေခဲ့ပါတယ်။

စာအုပ်တန်းကို (၃) ကြိမ်၊ (၃) ခါလောက် မွှေပြီးသွားချိန်မှာတော့ ကျွန်တော့်ရွေးထားတဲ့ စာအုပ်တွေလည်း အတော့်ကို များနေပါပြီ။ ပထမအကြိမ်မှာ မျက်စိလျှမ်းသွားတဲ့ စာအုပ်ကို ဒုတိယအကြိမ်မှာတွေ့၊ ဒုတိယအကြိမ်မှာ မတွေ့လိုက်တာတွေကို တတိယကြိမ်မြောက်မှာ တွေ့နဲ့ပေါ့။ (၃) ခါလည်း မွှေပြီးတော့ မရပ်ချင်သေးပေမယ့် ရပ်သင့်ပြီလို့ထင်တာကြောင့် ရပ်လိုက်ပြီး၊ ငွေလှူဖို့ လုပ်ပါတယ်။

စာအုပ် အတော်များများ ရွေးထားတာကြောင့် များများတော့ လှူချင်စိတ် ရှိပါတယ်။ ဒါပေမယ့်ဗျာ ကိုယ်ကလည်း ငွေကြေး သိပ်အများကြီး မတတ်နိုင်တဲ့ ကျောင်းသားဖြစ်တာကြောင့်၊ ငွေလှူတဲ့နေရာမှာ ကိုယ့်အခြေအနေကို ပွင့်ပွင့်လင်းလင်းပဲ ကြိုတင်ရှင်းပြ လိုက်ပါတယ်။

ကျွန်တော် အခုရွေးထားတဲ့ စာအုပ်တွေ အားလုံးကိုတော့ လိုချင်ကြောင်း၊ ဒါပေမယ့် ယန်း ၄၀၀၀ (အမေရိကန်ဒေါ်လာ ၅၀) လောက်ပဲ လှူဖို့ ဆုံးဖြတ်ထားကြောင်း စသဖြင့် ပေါ့ဗျာ...။ အလှူငွေလက်ခံတဲ့ နေရာကလည်း ကျွန်တော် ရွေးထားသမျှ ယူနိုင်ကြောင်း ပြောပြီး၊ ယန်း ၄၀၀၀ ကို ၀မ်းသာစွာ လက်ခံခဲ့ပါတယ်။

လာကြတဲ့ လူတိုင်းနီးပါးက စာအုပ်ဘယ်လောက်ပဲယူယူ အနည်းဆုံးတော့ ယန်း ၂၀၀၀၊ ၃၀၀၀ လောက် လှူကြတာကို သတိထားမိပါတယ်။ ကျွန်တော့် သူငယ်ချင်း (၃) ယောက်လုံးလည်း စာအုပ် အတော်များများ ရလိုက်ပါတယ်။ သူတို့လည်း ယန်း ၂၀၀၀ လောက်စီ လှူခဲ့ကြပါတယ်။

စာအုပ်နည်းနည်းပဲ ယူခဲ့မိတဲ့ သူကလည်း နောက်မှ နောင်တရနဲ့ပေါ့။ ဒါပေမယ့် အားလုံးထဲမှာ ကျွန်တော်က အများဆုံးပါပဲ။ အတော်လည်း ပျော်ခဲ့ပါတယ်။ နောက်ဒီလို Bazaar မျိုး များများလုပ်ဖို့ မျှော်လင့်တောင်းတရင်း အဲဒီနေ့ကတော့ ကျွန်တော်နဲ့ ကျွန်တော့်သူငယ်ချင်းများ အပါအ၀င် လာကြသူအားလုံးရဲ့ ပျော်ရွှင်သောနေ့လေး တစ်နေ့ဖြစ်ခဲ့ပါတယ်ဗျာ။